وزير الصحة في رفحاء .. وخير يا طير

[شوت]

وصل وزير الصحة اليوم إلى رفحاء في زيارة (( مفاجئة )) بس من سوء الحظ إن المسؤولين دروا به قبل ياصل المستشفى وظبطوا الأمور .. الجدير بالذكر ( حلوة الجدير بالذكر ) أن هذه الزيارة تعتبر الثانية من نوعها .. فهل ستكون كالأولى .. الجواب : أكيد .

ويا ليل ما اطولك

[ذيب سلمى]

أسألكم بالله وخير ياطير زار وزير الصحه المستشفى مفاجئه او غير مفاجئه؟؟
وش يبيى يصير يا جماعه يا اخوان فتحوا هالمخ الي له زمان ما اشتغل هذولا ناس يدورون أنتدابات ماليه وقس على ذلك ...

شف كم انتداب الوزير لرفحاء او اي مد ينه يعني جايك رحمة والدين ولا تعاطفا معكم يا رفحاء !!!!
قالو مفاجئه؟؟؟ههههههههههههههههههههههههه

[color]

الوزير هذي المره مبسوط من زيارته للمسنتشفى ياجماعه والله العظيم الوضع مختلف عن زمان وين ايام حسن ياجماعه والله العظيم ينقصنا شي واحد بس انه نشكر الله سبحانه وتعالى على النعمه اللي حنا فيها وندعم مدير المستشفى فواز والف مبروك له نجاح زيارة الوزير.

[مرضي بن مشوح]

وش المشكلة اذا جاء الوزير رفحاء

[ذويبان11]

ياليت فواز مازال مدير
فواز ترك المستشفى وراح بعثه
السلف زين بس البلاء من الخلف

[المستشار_2008]

لاجيت المستشفى تمرض مواعيد من استقبال للاخر
ورقم السجل المدني ولا وصلت دكتورهم طاب خاطرك 0

[كبد الحقيقة]

الوزير يقول أن المستشفى تغير عن زيارته الأولى تغير جذري إلى الأفضل ولله الحمد وكان مبسوط جداً جداً وأثنى كثيراً على إدارة المستشفى واليوم هو آخر يوم لفواز بالمستشفى وإن شاء الله يرجع لاهله مرفوع الراس
ماقصرت يا ابو فنر والله يبيض وجهك وين مارحت والله يوفق محمد العنزي ليواصل مشوارك كنت خير مدير عرفه المستشفى

[النجلاء،،،]

المهم انه تعشى بالارنب الجائع

قال وزير قال

[الـوايـلـي]

بالله جاء الوزير ولا علموني هين يامستشفى رفحاء ؟؟؟

وانا اللي لولاي مايجي معاليه من الرياض يوم علمته قال رح وانا اللحقك ؟؟؟

هين والله لاعلمه مره ثانيه وجي انا وياه على ددسن بزياره مفاجئه واحتمال من عند ثلاجة

الموتى ونزرق على الطواري من عند البويب اللي يدخنون بجنبه موظفين القسم ونركب اللفت

ونروح للدور العاشر (قسم الرجاجيل اللي بعضهم شاقين بطنه بسكين خضره ) وعقبه نروح

للكونتر اللي يسجل اسمك وبعده الكونتر الثاني اللي يسجل اسم ابوك وبعده الكونتر اللي

يعطيك الموعد وياليل مطولك

اقول ترى كل اللي قلته حلم كابوس (يعني خثاريق) الوضع ممتاز والحمدلله

[متعب فهد]

ذيب سلمى الوزير هذا ماهو بحاجة أنتدابات يقدر يزور دول والانتداب دبل ويقدر يصرفها وهو في الوزارة ما يتعب نفسه بزيارة مدينة صغيرة بأقصى الشمال إذا كان همه المال ميزانية الوزارة لهذا العام 000 ر000 ر500 ر44 / أربعة وأربعين ألفاً وخمس مئة مليون ريال ( وتقول بعد قادم من أجل أنتداب !!!) اتمنى كل الوزراء يحذون حذوه وزير التجارة لو يزور رفحاء يروح وين إذا كان مالها فرع في رفحاء يراقب الاسعار ويحاسب التجار على الغش والتطفيف لا يوجد مركز تأهيل شامل لا يوجد فرع وزارة العمل ..حتى تجدد جوازك لابد تسافر ...مدرسة تعليم قيادة لمنح رخص قيادة .. فرع وزارة الخدمة المدنية محافظة رفحاء تفتقد الكثير قالوا مجلس محلي لو يستقيلون أحسن لهم ..

[البندق]

يعطيه العافيه يوم زار رفحاء

[رااايق]

بما أنه تعشى في الارنب الجاااائع .. انا اقول ان له نسبه من مطاعم الارنب الجائع


وجا يشيك على وضع الفرع الجديد

[مقنع]

( الأمانة خلق عظيم سيشهد لأناس وسيشهد على آخرين وعند الله تجتمع الخصوم )

أخي صاحب الموضوع (شوت) أشكرك على طرح الموضوع وأنبهك إلى أن عنوانك يحمل عبارة نهى عنها الإسلام وكانت منتشرة في الجاهلية وأعلم أنك لاتقصدها ولكن أحببت الفائدة ألا وهي (خير ياطير) وهذه عبارة التطير الذي نهى عنه الإسلام .

[الدب المنفلت]

الله يجزاه خير00

[شوت]

( الأمانة خلق عظيم سيشهد لأناس وسيشهد على آخرين وعند الله تجتمع الخصوم )

أخي صاحب الموضوع (شوت) أشكرك على طرح الموضوع وأنبهك إلى أن عنوانك يحمل عبارة نهى عنها الإسلام وكانت منتشرة في الجاهلية وأعلم أنك لاتقصدها ولكن أحببت الفائدة ألا وهي (خير ياطير) وهذه عبارة التطير الذي نهى عنه الإسلام .

جزاك الله خيرا ..