إلى الدب الداشر !!!

[هلال بن مزعل]

(ما نيب شــــــــاعر بس حبيت بأبيات)
أرضـــــــي غرورك من دواعي غروري
وكانك بغيت إثبات عندي لك إثبات
إني حضورك وأنت سبة حضوري
بكيفي أشطب حرف واسترسل آهات
لكن شعـــــــور الحب ما هو بشوري
غوري سنين الحزن ما عاد ونات
دام انتبــــه لـــــــي بعد نسيان غوري
ماني بقلـــــــد فلســــــــــفات الخواجات
ولا أمتلك بويات وائل كفــــوري
ما همني نشر الصحف والإذاعـــــــــات
ولا اعتدت أنا التطبيل في كل أمـــوري
وإن كانت الشهره غدت وإن بعد جات
سيان عندي دام هالفكر نـــــــــــوري
أعبر تضاريس الفضا واعلن اشتات
هدوء واصــــــرخ يالعبارات ثوري
هدي وشدي واستمدي الخيــــــــــــالات
مما طرى لك من مشاهد عبـــــــــــوري
تصوري لحظة فراق ومعانـــــــــــــــات
تأملي ويــــــــــــــاه نبـــــرة حبوري
الجو جوه واانتظاره مســـــــــــافات
والحلم عــــذب خافيات الصــــدوري
الصبر حظ الوجـــــد والدمع فزعات
والشعر ملجا ما بقــــا من شعوري
متواضع ٍ حساس وإن ضقت لحظات
عطيتك الوجدان بالشعــــر فـــوري
صفـــــــق على ترتيب قاف المناجــــات
وانسى الألم ما هوب شي ٍ ضـــــروري

[الدب الداشر]

.
.
.

يامرحبا بهلال راعي الطويلات
اللي حضوره من دواعي سروري
.
لازم عشان هلال ذبح الجزيلات
مادامني بالشعر جودت دوري
.
معروف ما يحتاج قطع المسافات
ماهقوتي المفهوم مفهوم كوري
.
عارف تفاصيل الخفاء والمتاهات
دام الفراسه نابته من جذوري
.
منهو خذا الإبداع في كثر الأصوات
يبقى إنتشاره إنتشارٍ فجوري
.
واللي ينام الليل ويعرف الأوقات
كنه يعيش بوقتـ ـه الدينـــــ::ـصوري
.
رايك على رايي ورب السمــوات
واضح شعورك جاء مطابق شعوري
.
وأنــا مــن الدنيا ترى لي دورات
من بعد عشر سنين يـنـبـيـك شوري
.
من داخلي طلت على الناس مشكات
لكن آفضل بالسراير أمووري
.
هذي على حاجات من دون حاجات
هذا وضوحي كان وصلت لزوري
.
دايم تجيني عبرة العين بالذات
لأظلم ظلام الليل وأجتاح طوري
.
"ياليل خبرني عن أمر المعانات"
وآشرع الخفاق والحزن ثوري
.
اللي عليها يبكي القلب بسكات
راحت وأنا الغرقان داخل بحوري
.
ما كنه الا داخل الكبد جمرات
من حرها جاوبت يأهلال فوري
.
وأرجع وأصفق لجل عين الجزيلات
اللي عطاها هلال ضحكة غروري.
.
.


وســـلامــــة الجـــميــع ..

[أبو هيا]

ماشاء الله

اسناد من شخص وافي لشخص كفؤ واثبت ذلك برده...


صح لسانك ياهلال ومشكور لانك اثرت الدب الداشر لنرى شلال ابداعه

[هلال بن مزعل]

ما قصرت وصح منطوفك ولا فض فوك وترحيبك يسرني ويشرفي يا الدب الداشر !!

[القروي]

الحمدلله
الكل ابدع في دوره
والدب الداشر بلشه !! ماينحرث !!!
قوّمته وهو نايم ؟!
شكراً للجميع .

[الدب الداشر]

.. صح بدنك حمود ..
تسلم يالغالي على المرور ..
.
.
أبوصلاح .. صح بدنك وسلم منطوقك .. وتستاهل كل خير ..
.
.
أبوبسام .. شدعوة يالغالي .. مجاراة أبوصلاح لازم تكون بمستويات عالية ..


شكراً للجميع ..

[ســــــــــعودي]

صح لسانك دب الداشر

[عاشق روما]

.. صح بدنك حمود ..
تسلم يالغالي على المرور ..
.
.
أبوصلاح .. صح بدنك وسلم منطوقك .. وتستاهل كل خير ..
.
.
أبوبسام .. شدعوة يالغالي .. مجاراة أبوصلاح لازم تكون بمستويات عالية ..


شكراً للجميع ..

wp gs صح لسانكم وفالكم رفحاءء

[هلال بن مزعل]

عسى بس الجو برفحا رومنسي خالي من البرد !!

[الدب الداشر]

سعودي صح بدنك يالغالي ..

أبو صلاح .. جوكم أبرد مننا دايم ..