الدجاجــــــــــــــــــــــة والواسطــــــــــــــــــــــــــــــه ..!

[متعب فهد]

القاضي و راعي الدجاجة



جاء رجل ومعة دجاجة مذبوحة ( يعنى ميتة ) وكان رايح لمحل الدجاج

عند راعى الدجاج علشان يقطع الدجاجة فقال له راعى الدجاج خلاص روح لك

ربع ساعة وتعال لي تلقاها جاهزة

قالة صاحب الدجاجة : خلاص اوكى




فمر قاضى على راعى الدجاج وقال له :عطني دجاج

قال راعى الدجاج : والله ماعندى الا هذى الدجاجة وهى لرجال بيرجع الحين

قال القاضى : خلاص عطنى اياها واذا جاك صاحبها قوول له الدجاجة طارت

قال راعى الدجاج : وشولون مايصير هو جايبها ميتة كيف ؟؟؟

قالة القاضى : اقوووووولك قو ل لة كذا ولا عليك وخلية يشتكى ولا يهمك

قال راعى الدجاج : اوكى والله يستر




جاء صاحب الدجاجة عند راعى الدجاج وقال وين دجاجتى ماخلصت

قال راعى الدجاج : والله دجاجتك طارت

قال صاحب الدجاجة : وش تقوووول كيف صاحى انت انا جايبها ميتة

وصار بينهم شد فى الكلام وبغوا يتهاوشون

فقال صاحب الدجاجة : امش معاى للقاضى علشان يحكم بينا هناك ويطلع الحق

فراحوا للقاضى وعند ذهابهم للقاضى فى الطريق شافوا اثنين يتهاوشون

واحد مسلم والثانى يهودى

فجاء راعى الدجاج يفرع بينهم ( يعنى يفرق بينهم ) ولكن اصبع راعي الدجاج

دخلت في عين اليهودى وفقعها

فتجمع الناس ومسكوا راعى الدجاج وقالوا هذا اللى فقع عين اليهودى

فصارت القضية قضيتين فوق راسه




فجروه للمحكمة عند القاضى فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل فى مسجد وهم وراه

وركب فوق المنارة وهم وراه اخرتها طمر (نقز) من فوق المناره الا وهو على شايب

فمات الشايب من اثر طيحة راعى الدجاجة عليه




فجاء ولد الشايب وشاف ابوه مات فلحق راعى الدجاج ومسكة هو ومعاه باقى الناس

فذهبوا به الى القاضى

فلما شافه القاضى ضحك يفكره علشان السالفة اللى قال عنها راعي الدجاجة

مادرى ان راعى الدجاج علية ثلاث قضاياء :

1) سرقت الدجاجة

2 ) فقع عين اليهودى

3) قتل الشايب


فعندما علم القاضى مسك راسه وقال عز الله انك جبت العيد

فجلس يفكر القاضى وقال خلونا ناخذ القضايا وحدة بوحدة




فنادو صاحب الدجاجة

فقالة القاضى وش تقول فى دعواك على راعى الدجاج

قال صاحب الدجاجة : هذا ياقاضى سرق دجاجتى ونا معطية اياها وهى ميتة

ويقووووول انها طاااارت كيف ياقاضى

قال القاضى : هل تؤمن بالله

قال صاحب الدجاجة : نعم اوئمن بالله

قالة القاضى : ( يحيي العضام وهى رميم ) يللا قم مالك شى جيبو المدعى الثانى

فجابوا اليهودى وقالوا هذا ياقاضى فقع عينة راعى الدجاج

فجلس القاضى يحوس ويفكر ويطلع وينزل,,,,,

فقال القاضى لليهودى : دية المسلم للكافر النصف يعنى نفقع عينك الثانية

علشان تفقع عين وحدة للمسلم (راعى الدجاج )

فقال اليهودى : خلاص انا اتنازل ماعد ابى شى منة

فقال القاضى : عطونا القضية الثالثة




جاء ولد الشايب اللى توفى وقال : ياقاضى هذا الرجل طمر على ابوى وقتله

ففكر القاضى وقال : خلاص روحوا عند المنارة وتركب انت يالولد فوق وتطمر

على راعى الدجاج

فقال الولد للقاضى : طيب واذا تحرك يمين ولا يسار يمكن اموت انا

قال القاضى : والله هذى مو مشكلتى ابوك ليش ماتحرك يمين ولا يسار

فطلع راعى الدجاج من القضايا الثلاث زى الشعرة من العجينة





اللهم لاتولي علينا من لايخافك قولوا آمييييين .

[الجبل الأخضر]

خطير هالقاضي يامتعب
الله يستر على المسلمين

[ابن رخيص]

يصلح هالقاضي لرفحاء

[إبداع قلم]

يصلح هالقاضي لرفحاء

وش قصدك بكلامك قضاة رفحاء كلهم ثقات
أرجو ألا تعود لمثل هذا

[الكتراز]

لاهنت على هالقصه
وراها بلى ومغزى !! والا لا
بس اخوك مو يمها جالس اتابع عروض بترورابغ ههههه

[ابن رخيص]

وش قصدك بكلامك قضاة رفحاء كلهم ثقات
أرجو ألا تعود لمثل هذا

وش اللي يخليك تزكيهم

الواحد مايزكي نفسه يالمقنع

وقاضيان بالنار وقاضي بالجنه

وإلا عندك كلام غير كلام الرسول(صلى الله عليه وسلم)

[إبداع قلم]

أنا معك الواحد ما يزكي نفسه لكن الناس هم شهداء الله في أرضه

[ابن رخيص]

أنا معك الواحد ما يزكي نفسه لكن الناس هم شهداء الله في أرضه

ليش تسمي نفسك (الناس)

أنت انسان واحد

[الشمري ..]

حلوووووووووووه مرررررررررره

[طارق الاحمري]

ههههههههههههههههه
خطير هالقاضي
يعطيك العافية على القصة الرائعة

[ســــــــــعودي]

(( قاضيان بالنار وقاضي بالجنه ))