اقتباس المشاركة الأصلية كتبت بواسطة غيوض مشاهدة المشاركة
يالخمساني كلامك فيه من الصحه الشيء الكثير وماضيعك انفجاريه دائما لو يدرون فيك الجزيره كان خذوك مراسل لهم ومعد ومخرج بعد

مسألة انها طاسه للرياض هي دايم تطس بس بالخميس والجمعه <<هذا على حد علمي
والفطاير والشاي والقهوه فهذا امر اعتدنا عليه عااااااااااادييييي<<وقفت على هذي التعليم كله ضايه ووقفت المساله على ترمس شاهي؟؟


اما البنات الضايعات او المضيعات بعباره ادق فهن كثر والحمد لله الذي لايحمد على مكروه سواه..مو بس مصخره الا مصايب.. والله والله اني شفت بعيوني مصيبه وقسما بالله بغيت افضخ عيوني حسيت انها تنجست...شذووووووووووذ الله يستر كان ماصرنا قوم لوط ثانين
واذا سالتها ليه تقولك مو احسن ما احب رجل وبالاخير يلعب علي ويخليني او او او<<هذي القيها على عاتق رجالنا الخونه اللي شوهو مجتمعنا البدوي النقي بعد ماكنن البنات يعزبن مع واحد ويجلسن معه ايام وليالي لحالهم وهن بامان صارت حضارتنا الزائفه اللي يدعيها الكثير من رجالنا سبب من اسباب الشذوذ
المصيبه ان في بنات كثير عادي عندهن هذي الكارثه انه صار عاااااادي فهمتوا وش معنى عااادي يعني تبدلت قواميس الحياه
ونسبة قلة الحياء بازدياد..والا يجيك واحد انا ما ابي اخذ وحده مو ملتزمه اخاف تكون لها سوابق<<سواء حب او دشاره كلها عنده واحد مع ان الفرق شاسه وياخذ الملتزمه اللي كانت مطيحه نص البنات او نص العيال وبعد ماشبعت دشاره التزمت وصارت فضيلة الشيخه وخذاها اللي يبي الستر الله لايستر ابليس
الى متى المجتمع لايعاقب المسيء..الى متى مجتمعنا على هالحال
المساله اكبر من اعجاب او انحطاط اخلاقي او خروج مع رجال المساله اننا يا اهل رفحاااااا
بدو طبو على المباني اللي حشرتهم وصرنا ذئاب وحصاني بعد ما كان الوفاء من شيم البدو صار الغدر والخيانه والترقيم من ارقى شيم افضل شاب وشابه في مجتمعنا
وصرنا مثل الغراب اللي لا مشى مشي الحجل وضيع مشيته

غيوض
الاخت غيوض

المسألة نفس ما قلتي مش مسألة شاهي المسألة تصوير ودخول جوالات ولا احد يسأل عنك

ومجتمعنا خلها على ربك بس الوضع مهو مثل اول نسأل الله السلامة والعافية ولانفجارية اللي تتكلمين عنها واللله من ردود بعض الاعضاء اللي ما يدري وش السالفة ولا يدري وش يصير

مشكوووور على المرور والتعلق الجميـل