السلام عليكم ورحمة الله وبركاته


شخباركم

مره من المراير كنت بعزيمة ........ الا فيه وحده من البنات أعجبني لبسها وشكلها وبالذات شنطتها .... كانت ماركة كالعادة ...

يوم سألته عن سعره ... تعرفوني ملقوفه

فقالت لي ب8 الآف ......

شنطة ب 8آلاف ... وش هالأسراف ...؟؟؟

لهالدرجة في عقول تفكيرها كذا ......


الفترة الأخيرة طاحوا بالشنط الماررررركة .... أهم شي الوحده تشتري ماركة ... حتى لو كانت مفلسه ومنتفه ... تتسلف وحالته حاله عشان تجاري المجتمع ....

مجتمع مزيف يهتم بالظاهر فقط ....

يعني لو الوحده حافيه وماعنده جزمات وأنتم بكرامه ومعه شنطه ماركة ....... اووف صارت قمة الكشخة

مدري ليش التفكير انقلب 180 درجة ...

يعني الحين قيمة الوحده بشنطتها ..!!!!!

وغالبا ماتكون قيمة الشنطة أكثر من 5 الاف ..

يعني راتب شهر كامل

والله ماألوم التجااار يوم رفعوا قيمة المواد الغذائية .... اذا الحريم يشترون الشنط بهالقيمة .....

أنا ماأقول الوحده ماتكشخ وماتلبس حلو ....

حلو الوحده تكون قنوعه ... وماتقارن نفسه باللي حوله ... وماتصير أمعه ... مع الخيل ياشقرا ....


اذا الوحده اشترت شنطة ب5 الاف .... وقلت لها تبرعي بألف ريال لبناء مسجد .... أكيد راح ترفض ..... وتستكثر هالألف لبناء مسجد ....

مع ان قيمة هالألف باقية الى يوم القيامة ...... بعكس الخمس الآف اللي عمرها دنيوي فقط ...
وبعدها بكم يوم راح تغيرها

يعني تتوقعين هالشنطة ماراح تسألين عنها يوم القيامة .....

قال صلى الله عليه وسلم [لا تزول قدما عبد يوم القيامة حتى يُسأل عن أربع عن عمره فيما أفناه وعن علمه ما عمل به وعن ماله من أين اكتسبه وفيما أنفقه وعن جسمه فيما أبلاه]
م
ن
ق
و
ل