قصة حبـــ غريبة

[عزوز الواكد]

اخبااركم
معليش طولت عليكم
المهم ما اكثر الكلام
هذي القصة وصلتني بالايميل
وحبيت اوريكم اياها



يقول بطل القصة


رحت لمحل بيع الكتب المستعمله المكتبة ذي تبيع الكتب الرخيصه

رحت لها وشريت لي كتاب وكان عندي اختبار له في اليوم الثاني.. (هذي
طريقتي في الاختبارات).. المهم فتحت الكتاب


فتحت الصفحة البيضاء اللي بعد الغلاف لقيتها مكتوبة بقلم حبر ناشف،
واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة )
والغريب إنها كاتبة الكلام هذا:

أنا أدري إنك أول ما تقرا الورقة ذي بتنهبل، بس خلّني أقول لك شي..
أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك بتقدّر ظروفي كونك
مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها.. قالت:
وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت إلاّ من الطفش
عموماً- أنا فضولية شوي.. ممكن بعد ما


تخلّص من الكتاب.. تكتب لي على الوجه الثاني ردّك لي.. ورجعه وأنا
بقرا ردّك.. وإن شاء الله إني أبي أجي

أشتريه في تاريخ كذا كذا )

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت
يعني رحت وطي)..

وقررت إني أكتب لها الرد وبرجّعه.. بس قبل كل هذا رحت وصورت الفصول
اللي داخله بالاختبار عشان اذاكر


ضبطت لها رد محترم وقلت لها: ترى أبي أشتريه عقب أسبووع .. ورحت
أرجعه ..

وفعلا رجعته وشراه الزوووول مني بنص السعر


اليوم الثاني بالليل رحت للمحل لقيته الكتاب مباع سألت الـزووول :
الكتاب اللي شريته منك أمس وينه؟ قال: امبارح اجت

بنت وشالته !!

وانا اللي تنفتح كشرتي لين وصلت اذاني


المهم أخذت أنا ويّاها الله لا يقردنا ثلاثة أشهر وحنّا شارين الكتاب
بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا وصار يخليه عنده على
الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري
امبارح

جاء راجل أخذ الكتاب.. قلت: يا ابن الحلال قل غير هالكلام الكتاب
قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال،
الـ..... الحين يقول الكتاب الأصفر.. يا خي هو


أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!


لقيت الزووووووول ابن الذينا ماسك كتابي الأحمر وقاعد يكتب الرسالة
اللي أنتظرها في صفحة من الصفحاااات

طلع الخال هو اللي انا خاق معه من مده







وزي ما قلت لكم منقوول من الميل للتسلية

[عمار]

^
^
^
^
^
^
^
^
^
^
^


مع أن القصة تحتوي على كلمة "المكتبه ذي تبيع .." وهي لهجة غير شمالية وأزعل أنتقادي لها مجموعة أشخاص أو شخص بمجموعة معرفات ، إلا أنني مررت بثلاث مراحل خلال مطالعتي للقصة

أولا : مرحلة تهول
ثانيا مرحلة حماس
ثالثا: مرحلة استهبال وهستيريا من فعل السوداني


هذا النقل أخوي عزوز ... ذبحونا بعض الأخوة الله يهديهم بأخبار سبق كأننا ما نعرف أن فيه مواقع متخصصة في الأخبار .

تقبل مروري وشكري على نقلك الرائع

[سهرانه]

[align=center]
سلمت يداك عزوز
والله الزول طلع ماهو هين

[/align]

^
هذا النقل أخوي عزوز ... ذبحونا بعض الأخوة الله يهديهم بأخبار سبق كأننا ما نعرف أن فيه

[align=center]
سلمت يداك عمار [/align]

[ذويبان11]

بارك الله فيك

[القاروص]

القصة حلوة ومضحكة بنفس الوقت . عمار يقول كلمة ذي ماهي لهجة شمالية يبي كلمة (اره او راعه اوبحره). يحبنا او سرعنا مانلحظ شئ تافه ولا له اي اهمية ونسكت و ونغمض عيوننا عن ماهو اكبر. يقول اخونا ذبحنا النقل , يقصد المنقول الانسان لايوجد معدوم بل يكتشف موجود ومهماكان علمه, الا ابي اسالكم هل الموقع عندكم يطامر مثل ماهو عندي يعني غير ثابت والايستجيب للطباعة بطي الحركة اثنى الكتابة

[عزوز الواكد]

ياعمار

[عزوز الواكد]

وفيك ياذويبان11

[عزوز الواكد]

سهرانه

[عزوز الواكد]

مشكور يالقاروص وتسلم يمينك

[عذب الكلام]

طيب ياعزوز مشينا ندور الحبايب
قصدي الكتاب بالنسبه لزول نبي
نلعن خامسه
شكررررررررررررررررررررررررا

[عزوز الواكد]

منور يعذب الكلام
وتبينا ندورهم قدام كانهم على خبري

[ياسر القحطاني]

سلمت يداك يابو سعود