قصه رقم (3)

[اسيربلاقيود]

السلام عليكم ورحمة الله وبركاته

. . . . .

. . . .

. . .

. .

.




هذي قصه وقصيده لأمرأه من مدينه حائل

بداية القصه هي ...

في احد الايام جاء زوج هذه المرأه وقال لها

انه يبي يروح معها للسوق . .

طبعا للتسوق وشراء بعض الذهب والهدايا لزوجته وام عياله

لأنه من مده طويله ماطلعو مع بعض !!

المرأه طبعا طااااااارت من الفرحه

وقامت على طول ولبست وراحت مع زوجها للسوق


وفي السوق . . . الرجل ما خلا ذهب الا وشراه وهى فرحاااانه

ويقول لها انتى ذوقك حلو وش بعد ناخذ وهى تختار

المهم انها اختارت احلا واغلا انواع الذهب

وبعدها ارجعو للبيت

ولما وصلو البيت قال لها عطينى الذهب

قالت له ليش اعطيك الذهب ؟؟؟


قال لها لا يكون انتى مصدقه ان الذهب هذا لك . . . .

الذهب هذا حق المره الى راح اتزوجها مهوب لك انتي

طبعا المره انصدمت ورفضت تعطيه الذهب

وماكان من الرجل الا ان ضربها ضربا قاسيا

دخلت على اثره في غيبوبه طويله . . . وظلت في المستشفى سنتين

وبعد المستشفى ظلت لثلاث سنين بالتمام والكمال لمفردها . . .

والمؤلم في الامر انه خلال هذه الفتره لم يزرها احد من ابنائها

ولم يسأل عنها احد ؟ ؟ ؟

وقالت هذه القصيده الرائعه والمؤلمه بنفس الوقت

حسرة على ابنائها الذين لم يكلفو انفسهم

حتى ولو بالسؤال عن والدتهم . . . . .




تكفين يا طيـور(ن) حـرار افزعيلـى
* * * ابى عن ديـار الاهـل منـك الاخبـار


تكفين حومـى فوقهـم وارجعـى لـى
* * * والا ان حصل لك حومة(ن) داخل الدار


تكفيـن حـول ابيوتهـم دوّري لــى
* * * سبعه فروخ(ن) يـوم اخليهـم صغـار


شوفى ضناي وعـوّدي وانكفـى لـى
* * * وشلونهـم يـا علهـم صـارو كبـار


نسيـوا دفـاي ونومهـم فـى شليلـى
* * * وش علمهم يا علهـم طـول الاعمـار


قولـى لهـم ان امكـم لـه عويـلـى
* * * خمسـة سنيـن دمعهـا دوم مــدرار


وقولى لهم انـى علـى طـول ليلـى
* * * انـوح ليـن الصبـح سفّـر بالانـوار


وقولـي عيونـه دايـم لـه هميـلـى
* * * تبكى ليـا شافـت مـن النـاس زوار


كل يوم اقول اغدي حديهم يجـي لـى
* * * راحـت سنينـى مـا بهـم احـد زار


وانا الى بي مـن سبـه سـوات الحليلـى
* * * حالـى تـردا كـل مـالـه وتنـهـار


وفرقى ضنـاي اللـي تـردت بحيلـى
* * * كنى على شوفتهم اصلـى علـى نـار


يـا ويلـى كـان الله عجـل رحيلـى
* * * وانا لى سنين(ن) ابـى منهـم اخبـار


يا عونـه الله مـن يبـى يرتكـى لـى
* * * جارت على بامر الولى كـل الاقـدار


تنكـروا مـن يدخـلـون الدخيـلـى
* * * واللي بوسـط ديارهـم يامـن الجـار


قولى لهـم يـا طيـور قلبـى عليلـى
* * * الله يكافـى قلوبهـم صـارت احجـار


وانـا لـبـراق الخـيـال استخيـلـى
* * * واقول جعل ديارهـم وبـل الامطـار


تكفيـن وسـط ديارهـم صوتـي لى
* * * شوفى عسى لاسمى مع الناس تذكـار


وقولـى لهـم نسيانـهـم يستحيـلـى
* * * ياللـى نسيتوهـا تـرى الوقـت دوار


يا هيـه ياللـى بالسمـا لـك هديلـى
* * * ردى الخبـر تكفيـن يكفينـى امـرار


شوفى هكا اللى نومهـم فـى شليلـى
* * * من اذان المغرب الى وقـت الاسحـار


شوفى هكا اللى ما اهتنى فـى مغيلـى
* * * الابمقيـل(ن) معهـم كبـار وصغـار


وقولى لهـم ان كـان حملـي ثقيلـى
* * * مرد يجون وعقبهـا شـى مـا صـار


وانــا يتـولانـى كـريـم حليـلـى
* * * يا علنى فـى جنتـه وسـط الابـرار



وســـلامـــتـــكـــم


تقبلوا تحياتي

[نجمة سهيل]

[align=center][/align]

[صادق الاحاسيس]

يعطيك العافيه

سلمت يمناك

تقبل مروري

[ذويبان11]

لاحول ولاقوة الا بالله
قصه وقصيده محزنه
يعطيك العافيه اسير

[اسيربلاقيود]

[align=center][/align]

شكراً لك

تحياتي

[اسيربلاقيود]

يعطيك العافيه

سلمت يمناك

تقبل مروري

الله يعافيك

شكراً لك

تحياتي

[اسيربلاقيود]

الجنه تحت اقدام الامهات
شكراً على الموضوع

عفواً على الرد

تحياتي

[اسيربلاقيود]

لاحول ولاقوة الا بالله
قصه وقصيده محزنه
يعطيك العافيه اسير

الله يعافيك

شكراً لك

تحياتي

[اسيربلاقيود]

القصص وضعتها للقراءه

ولا تحتاج الى ردود

خصوصاً الذين ينتظرون اسيادهم حتى ياخذوا الاذن منهم للرد

تحياتي للأحرار

[الجامح77]

أسير بلاقيود

بيض الله وجهك

وتسلم يمينك على القصة الرائعة
ولاتحرمنا من مواضيعك وقصصك
المميزة والمفيدة.

دمت وفياً

[اميره بكلمتي]

يعطيك العافيه

تحياتي لك

[الزعيم]

وعليكم السلام ورحمة الله وبركاته

قصص مفيدة يالأسير
وتقدم دروس تربوية نسأل الله أن يستفيد منها من يقراءها





نسيـوا دفـاي ونومهـم فـى شليلـى
* * * وش علمهم يا علهـم طـول الاعمـار

[نجمة سهيل]

[align=center]فقدناك ياأسير العطاء
طولت بغيبتك
عسى المانع خير[/align]

[الوسام]

هل جزاء الاحسان إلا الحسان حرام