قاطع اخته عشرين عام فأرسلت له قصيدة مبيكه فارد عليها

[سعود الشمري]

[poem=font="Simplified Arabic,6,white,normal,normal" bkcolor="darkblue" bkimage="" border="double,4,darkred" type=1 line=0 align=center use=sp num="0,black"]

جتني رسالة من صدى خافق الروح = وقريتها بإحساس قلبـي وروحـي

قريتها وانهدّت قصـور وصـروح = وأنا من أول عالياتـن صروحـي

تشكي تقول القلب يا حمود مجروح = ما تدري اني غايراتـن جروحـي

تهلّ دمع وترفع الصـوت بالنـوح = واللـي فقـد غاليـه لازم ينوحـي

ما كلّمتني يمكن الصـوت مبحـوح = من النوح وإلا ما استطاعت تبوحي

جتني رسالتها بها دموع وجـروح = وانهَد باسباب الرسالـة طموحـي

تقول ياحمود الزمن صار مفضـوح = والشيب فيني لو تشوفـه يلوحـي

يا بو علي مالي بالأغراب مصلوح = مادام قلب اللـي نحبـه شحوحـي

ودّي بشوفك دام الأعمار بفسـوح = قبل الرحم يا خوي منـا يروحـي

زلّ الزمان اللي به أفراح ومـزوح = أنخـاك تكفـى لا تظنّـه مزوحـي

وبعد الرسالة صار بالقلب ذابـوح = طار المنام وصار فكـري يشوحـي

أختي رسالتها لها القلـب مفتـوح = كلّي لها والقلب ينصـت ويوحـي

أقولها ودموع عينـي لهـا فـوح = وسط المحاجر دمع عيني يفوحـي

أجاوب الورقا على عالـي الـدّوح = وأنوح من فرقا الرفيق السموحـي

والله لو إني وسط الأطباق مذبـوح = لأظهر كما خطو الحصان الجموحي

وأقول يا عين المها ما بها شروح = لو تطلبين الروح تفـداك روحـي[/poem]







[align=center]هذا رد على قصيدة اخته بعد ان قطعها اخوها عشرين عااااام

فارسلت له ابيات ورد عليها بهذي القصيدة

قصيدة حزينه ومبكيه والله يكفينا شر القطيعه [/align]

[ذويبان11]

الله المستعان

نعوذ بالله من القطاعه

[الدب الداشر]

الأخوة أصبحت تحصيل حاصل ..

ما اكثرهم إخوة لا يعرفون شيء عن بعضهم .. بل لا يكلمون مع بعض .. وغالب الأسباب إما بسبب الزوجات أو بسبب المال ..


صح لسان الشاعر والناقل ..

[أنا والليل؟]

صح لسانك سعود ولسان الشاعر

قصيدة مبكية جدااا .

[القروي]

فعلاً قصيده مبكيه وقصه محزنه ( احذرك عن الهنس والدنس وعرق القطاعه والبرص وجنّب عن وجه الفرس)
تسلم على ايراد هذه القصيده المدميه للقلب .

[ثلج مشوي]

قصيده رائعه سعووود

ومؤثره

الله يكفينا شر قطع الرحم


تقبل مروري

[سقط الزند]

مشكووورررر

[سعود الشمري]

[align=center]

الله المستعان

نعوذ بالله من القطاعه

اميييييييين

وشكرا لمرورك [/align]

[سعود الشمري]

[align=center]

الأخوة أصبحت تحصيل حاصل ..

ما اكثرهم إخوة لا يعرفون شيء عن بعضهم .. بل لا يكلمون مع بعض .. وغالب الأسباب إما بسبب الزوجات أو بسبب المال ..


صح لسان الشاعر والناقل ..

مثل ماتفضلت ولاحول ولاقوة الا بالله


والف شكر لك [/align]

[سعود الشمري]

[align=center]

صح لسانك سعود ولسان الشاعر

قصيدة مبكية جدااا .

صح بدنك ولاهنت ياغالي على المرور [/align]

[سعود الشمري]

[align=center]

فعلاً قصيده مبكيه وقصه محزنه ( احذرك عن الهنس والدنس وعرق القطاعه والبرص وجنّب عن وجه الفرس)
تسلم على ايراد هذه القصيده المدميه للقلب .

ياهلا وغلا بابو سامي


شرفتنا بردك ياغالينا والف شكر لمرورك الكريم لاهنت [/align]

[سعود الشمري]

[align=center]

قصيده رائعه سعووود

ومؤثره

الله يكفينا شر قطع الرحم


تقبل مروري

اميييين يارب


والرائع مرورك العذب لاهنت [/align]

[سعود الشمري]

[align=center]

مشكووورررر

يالعفوووووو وشكرا لك [/align]

[~ابو ليث~]

الله يكفينا شر القطاعه
تقبل مروري

[سعود الشمري]

[align=center]

الله يكفينا شر القطاعه
تقبل مروري

اميييييييييين


شرفتنا بردك اخوي ابو ليث لاهنت [/align]