<< مصيبة إن أنت تمثل واجهة البلد >>

["الفيصل"]

حمدا لله على سلامة الوصول

حكاياتهم كحكايات الجن لا تنتهي ولا تنتهي غرابتها
مشكلتهم في استغفال الآخرين واستغلال بعض ضعافهم لعامل الوقت الذي يحتاجه المسافر

ذات مرة كنت جاي من جهة الحفر ودورية أمن الطرق رايح للحفر
نور السيارة أحترقت أحداها وأنا لا أعلم ولا خبر ولكن هذا في النور المنخفض
ولكن حينما أضع النور العالي ما شاء الله كعيني شيهانه

بأمان الله الرجل اشوفه مسك بريك وعكس السير على سرعة وغبره بين السيدين بغى يقلب
ويلف
ويلاحقني وبالانوار تكبيس
كنت ورى الشعبه متجه لرفحاء وضارب كودو من الحفر
قلت والله ما جابه العلم الطيب لكن لازم أخليه يتوب يتهور
وأنا ادوووس ( لا دست انا ترى أن تهورت 140 ــ 150 )
وهو وراي
يوم قرب خليت السرعة قانونية 120
لين تخدرت يده من كثر ما أشر لي بالنور
وتركب راسي ما اوقف
وهات يا تكبيس
الشباب وقف وقف
قلت وربك واحد ما آقف الا قريب الشعبه
وعندما اقبلت على الشعبه كان فيه مركز قدام قلت اكيد يبلغهم
سويت نفسي انتبهت له ووقفت قبل الشعبه بخمسه كيلو تقريبا مكان مظلم

نزلت وإذا المسيكين ماسك الرشاش مدري جي ثري
منوخذ قبل كم يوم معلنين قتل افراد دورية امن طرق
قلت اوحذ يا ماخوذ وش الي مقمزك بالليل
قلت خير ماهي خليه بلا زقره
قال الرخصة والاستمارة
اعطيناه اياهن
قال مخالفه
ليش يالحبيب ( متعود على الأجواء الديموقراطية )
قال عدم اكتمال الأنوار الامامية ههههههههه والله حلوه عدم اكتمال صراحه ما طوفت الضحكه
قلت لا مستحيل
نظرت وإذا به صادق افاااا والله انك صادق
أنا أحس راسه قريب من الانفجار
وماسك السلاح
وجهه ليس شماليا ولا لهجته
قلت والله ماني طالبه يسامحني
كتب المخالفه ما تكلمت

اخذت الورقة (ياعل ماهي ورقة منحة مخطط )

وبالطريق حصلت نقطة تفتيش ثانية
قلت آآه بعد النور يا راعي الحنتور
وانا اطفي النور والصق بالسيارة التي أمامي الصطب والفلشر شغال
الرخصة والاستمارة
تفضل
قال وقف شوي
ويروح يطالع الأنوار
قال ولع النور ههههه علي الحركات هذي
فهمت أن صاحبه مبلغه وأن البرشر بلود 2000
وياقف قدام
واصكه بالعالي ويترامشن عيونه
وقف نظر
عبس وبسر
اعطاني اوراقي وأدبر


وسلامتكم

[align=center]استشاهاد جميل منك اخي همام


لو اردنا ان نسرد قصصهم لأحتجنا الى مجلدات


ولكن خلها على ربك


شاكر ومقدر لك اخي همام طلتك الجميلة ولاتحرمنيها[/align]