في ذمـّة [ الشعر ] ..!!

[ريانه]

مَآ آنت (مُجرّد حلم ) آبيه آيتحقّق ..!
...... آنت العمر حزنَه ، وضحكَته ، وطِيشه

في شَي آسمَه حُب ؟ مآكِنت آصدّق ..!
...... لكن ( عيُونك ) علّمتنِي ، آعيشه ..!

[سمو انسان]

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب
لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب
حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب
وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب

[أبو هيا]

طاح العتب ماهي لحية مشاريه وعتااب
خل الكلام .. وحبل الأعذار طوه

ماراح أقول اشلون او ....كيف ليه
ترى السؤال بدون اجابه مشوه

العذر ماات ومات همـــــــه وراعيه
والجرح جف وجف غيمه ونوه

صاحبك ضاع الهرج من بين اشافيه
ماكنه اللي كان قبلك مفــــــوه

يجمع لك من الشعر فاخر معانيه
ويموت عندك قبل فيه يتفوه

ليه انصدم ؟؟ وتخون قلبي هقاويه
ويطيح نجمي وأنخذل في علوه

لا يابعدهم .. واول الغيث تالـــــيه
وأنت تعرف قلبي وخيره . وسوه

يمكن لو إنك قلت غلطان قلت اييه
مير البلا إنك قلت ناقص مروة

الله يبيحك عن خطاك وتمـــــــــاديه
ويبيح قلبك عن خطاه وغلـــوة

مادام حبك خالطه شكمابيـــــــــه
حب العتب والشك ... ماعيش جوه

يامرحبا بالجرح والله يحـــــــــــييه
لا صار من يمناك والجرح توه

بعض الجروح ان صابت القلب تنهيه
وبعض الجروح .. تزود القلب قوة

الله كتب والقوس في كف باريــــــــه
واللي تشوفه يابيض الوجه سوه

[أبو هيا]

حبيـبي .. عـادت أسراب الحمـآم وعـآدوا الغيـّاب ..
وأنـا من كثـر ماشفـت الوجيهـ .. " أشتقـت لأحبـآبي " ..
.
حبيبـي .. من كثـر ما أشتقـت لك صرت أكرهـ الأبواب
ليـا شفـت الوصـل .. وأهـل الوصل ماعتبـوا بابـي.. !
.
أنـا أخبرهـ .. وفـي لوغـآب يرجـع يشرح الاسبـاب
ولكـن ليـهـ هالمرهـ .. غيابهـ حاسب حســابي .!!
.
.
أحسب السالفه نظرهـ .. واحسب أن الغرام اعجاب ..
أليــن ان صــرت بغيابــهـ " اضيـق بداخــل ثيابــي " !


علامهـ صار يجزانــي بتاليــها [ هجــر وغيــاب ] .!
و أنا أشفـق عليهـ من الفراق ولوعــة غيابــي!

بعد ماعــادت اسـراب الحمــام .. وعادوا الغيـّـاب
بديت ادور بكـل الوجيــهـ .. " أشباه لـ أحبابـي " ..

[أبو هيا]

لا تكابر و إنثر الشوووق يا خلي تعآآل
والله إني ماتمنيت فـي بعـدك خـوي

بالمحبه لك بقلبي رصيـد ورآس مـال
و ماذبحني منك الا غلآآك الفوضـوي

[أبو هيا]

قصايدي فيك ..لو ركزت .. تشرح لك !!
عن كل ما جال :- بين ضلوع شاعرهـــا .!



تقصيرك إللي معي ..وشلون ؟يدمح لك ..
وعندك علومي :-( من أولها ليا آخرها )


تعبـــت .!كم لي ؟؟ أبين لك و ألمـــح لـــكـ !
وأضعف حقوقي معك ..!قمت أتكاثرها ؟؟


تدري .!!!على شآن حبــك ..روح ..سامح لــــك ..
ماني بــ طالبك حاجه ..وأنت ذاخرهـــا .!

[أبو هيا]

تعـال .. كافـي تغلّـي .. طالـت المـدّه
متى تحّث الركـاب .. وتتبـع الحـادي .؟؟



الشوق .. جمرة لظـى تقّبـس مـن الصـدّه
ما تنطفي .. لو تغمّـس فـي وسـط وادي


يا قاطع الوصل .. كّف الوصل .. قّـم مِـدّه
صدّك عن المنتدى .. شي ٍ ما هـوب عـادي



جسر الظروف الهلامـي .. فاللقـا .. هِـدّه
وإقبل على إللي نشف ريقه .. وهـو ينـادي


المنتدى ... ينتظر طلّتـك .. مـن مـدّه .!
وحضرتك ... في هجرك الممّتد .. متمادي .!!

[العبير]

انا صوت الجروح اللي .. تخاف تواجه الواقع
أموت بغيظي الظالم ..../ عزيز وشامخ الهامه



أخالف دورة العالم .../ وأقول إن الزمن راجع
أسافر مع ْ خطأ ذهني ../ واصدّق لهفة اوهامه



يعارضني العقل واكذب .../ أقول بواقعي قانع
أداري في عيون الكون, هواي وصحوة احلامه



أنا حلم ٍ وقف بآخر ... صفوف الحب متراجع
أموت بغفوتي ظامي ...... يموت الشوق وايامه



أنا اضحك والبكا صمتي / غريب مهاجر موادع
أشوف الليل مشواري ,,,,, نهاري تقصر اقدامه

[العبير]

كــانك بعــيــد وكــل فرصــه تــبــعـدك
وش عــــذر قـلبـي مــنــك لـو مــا جــفـيـتـك

مـشـاعــري مـا عــاد تـقــدر تــســـاعـدك
لــو باقـيٍ فـالصـبـر خـفـقـه هــــويـتــــك

عـلى طــريـق الــود قــلـبـي مـعـاهــدك
لــو كـنـت فـيِ عـــز إحـتـيـاجـيِ عــطــيـتــك

لا تــوعـد المـشـتاق بــالــوهـــم واوعـدك
لـو كـنــت دمـعــة نــاظــري مـا بــكـيـتـــك

مـافـيِ يــديـن الـحـلم قــــوه ويـسـعــدك
أعــرفـك يـــآس ورغــــم هــذا رجـــيــــتــك

كــيــف انـتــظـر لقيـاك والـحـزن موعــدك
وكــيـف أوصــلـك وانا مـعــك ما لـقــيــتـــك

نــجــمـة وصـالك فـيِ لـيـاليِ تــبــاعــدك
طــاحــت عـلى بـــحـر الـســهـاد ونـســيـتــك

[العبير]

ضمير الوقت نايم يارفيقي والقلوب أرهاف
وسواليف الرحيل تشدّني والليل يغويني

وأنا ليلي قصايد يارفيقي ماعليه خلاف
حكايا والحكايا ودّها في صمت تغريني

سبح وجه الورق في داخلي وأفكاري المجداف
سيول الهم ّمالت في بحر حزني تخاويني

أغني للشقا وأنشد ترانيمي وأرد القاف
وتحدر دمعتي وأجرّ عبراتي وأخليني

تذكرت الفراق وفزّ ضيقي والضلوع ضعاف
وأنا مالي على حد الهوى قلب ٍيواسيني


حزين وضايقٍ صدر الحزين ودمعته تنشاف
تفرد هالحزن ياصاحبي وأثقل موازيني


تمرد في طريقي ليتني جنبت عنه وراف
يبرد حرته في وسط قلبي والعنا فيني


تخيل هالصباح إليا عبس في ضحكتي وأنعاف
تخيل كيف يكسر خاطري ويرد ينفيني


تخيل هالشعور اللي نما ياصاحبي ما خاف
تخيل هالوطن من كثر ما أحبه يبكيني


طريد ماشكيتك يا وطن لو بعتني بأجحاف
أبصبر وأتحمل لو غزير الدمع يشقيني


أنا نصفي تعب والنصف الأخر للهموم لحاف
أنا وجهي ذبول ٍ ماعرف طعم الفرح فيني


أنا باب خلعه الريح ليلة والعروق خفاف
وحيدٍ مالقيت اللي يرد الضيم عن عيني


أنا اللي ماعرف يلقى لـ قلبه فلسفة وأوصاف
أنا اللي ضايع ٍ بين الطموح وخيبة سنيني


تعال ورد هالعالم لقلبي وأعطني الأنصاف
تعال وردني يمّ الطريق ولا تخليني


رفيقي يا رفيقي أشتكي لك والسنين عجاف
أبي لا ضاقت ضلوعي ألم قلب ٍ يهديني"

[العبير]

يادافع الشعر لا تنسـاق مـن دونـي
مادمت فـي ذمتـي سـجّ القـدم فيّـه


خلكّ علـى نيّتـك وظنونـك ظنونـي
وأنا ما أغيـرّ عليـك الظـنّ والنيّـه


البارحـه مـرّت الأحـلام بعيـونـي
أحلام سـودا ماهيـب أحـلام ورديّـه

تمـرّدت وأستباحـت حرمـة جفونـي
وراحت على دربهـا عجلـه وطرقيّـه

أمسيت أصوّت لها وأصبحت مغبونـي
وتفسيرهـا بيـن هـاذيّـه وهـاذيّـه

لو تستحي دمعتي من ضحكة سنونـي
ماكان حطّـت بنـون العيـن ماريّـه

اللـي تناسيتهـم واللـي تناسـونـي
بالخيـر مذكـوره وبالخيـر منسـيّـه

والحبّ لا هزّ صدري حـرّك شجونـي
وحطبت حدب الضلوع ونارهـا حيّـه

أكثر جروحي سببهـا اللـي يحبوّنـي
وجرح الحبايب عطيـب وكيّتـه كيّـه

تبكي على راسي وتضحك على متونـي
ونفضت خرجي وطاح الـداب والحيّـه

وين أنت يا اللي عليك أكوسر لحونـي
هيجنت بإسمك وشلت أغلـى هجينيّـه

يوم أنت هجسي وحدسي وأصدق فنوني
من لامني فـي غرامـك نعنبـو حيّـه

شطيّت بي في هـواك وزادت شطونـي
مع لاهب الشوق بين الشمس والفيّـه

وعلمتني كيف أغيـرّ شكلـي ولونـي
وأعيـش جـوّ الحكايـات الغرامـيّـه

يا سيّد الحـب معـك الحـب مامونـي
وأنـا علـى جرّتـك عينـي شقاويّـه

مجبور لا شفتني ماشي علـى هونـي
حاولت وأزريت لا أكسر قيـد رجليّـه

[عقارب]

عطني مبرّر لـ الضياع .. وهمـّـي اللي ما غفا ..
والضيقه .. اللي كل ما أخفيتها .. ترجع .. تبين ..!

واعطيك ..( قــ ــلب ٍ ) لا سألته عنْـك .. تأتأ واكتفا ..
بـ( الخفقه ) اللي لا خطرت فـ بالي .. تشتاق وتلين ..!

[عقارب]

قرّرت أصك القلب بالشمع الأحمر
واكتب على الأبواب ‬يُمنع دخوله
وابرمج احساسه برقمٍ ‬مشفّر
أخطر '‬هكر' ‬مايخترقه بْسهوله
واحميه قبل ‬يصير قلبٍ مهكّر'!!‬
من شان ما ‬يعشق ويسهر ويوله
لنّ ‬العشق في‬هالزمن صدق ‬يقهر
ناس تحب وناس ماهي ‬بحوله
في ‬هالزمان الحب سهمه تحدّر
صار الوفا نادر ويصعب حصوله

[ريانه]

حتَى ـأكثر ـآلكآئنات حُريه ..
يبحثُ عن ملجأ و شخص يضع يدهـ علَى رـأسه
قآئلاً ـإهدـأ ـإهدـأ ..
كُل شّي سَـ يكون علىَ مَ يُرـآم =’)

[شمـــاليه]

[poem=font="traditional arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا ماشيب بعيني كثر ماغابو الغـالين..=وكثر ماطاحت الدمعه على فرقى حبايبها ..
وكثر ماقالو نشوفك (اذا حنا من الحيين)..=تموت بعيني الدمعه/حزن لعيون غايبها ..[/poem]





*منقول