في ذمـّة [ الشعر ] ..!!

[شمـــاليه]

ياقلبي افتحلي تراني على الباب
........// وبابك يا لولا الناس ماكان جيته

قالوا : حبيبك ما يحبك و كذاب
........// ورحت اطرد الكذاب لا باب بيته !

محمد الجار الله

[شمـــاليه]

الكلمة اللي قلتها في الظهر عيب
.......// لا شفتني حزم ضلوعك.. و قلها !!

إن كان لجزلات القصايد معازيب
........// حنا معازيب القصايد و أهلها ..!!




فلاح السبيعي

[شمـــاليه]

- يستشف الضايق شعور الرحابه ......//..... لا وقف تايب على ابواب المساجد .

جعل مالي غير دعوة مستجابه ......//......تنقبض روحي وانا خاشع وساجد !!




*محمد السهلي

[شمـــاليه]

من عيونك .. عرفت ان الوفا معدوم
........../ ومن عيوني ياموطن جرحي الدامي -

عرفت تطيح لكن .. ماعرفت تقوم
............./ وانا ما همني وش اسفل اقدامي!





*محمد السهلي

[أبو هيا]

سامحت كلّ اللي جرحني و بحته ...!
الله يبيحه مآ .... أبي منه / تبريـر


واللي معه قصّرت .. و إلا جرحته ؟
أبيه يسامحني .. على كلّ ... تقصير

[أبو هيا]

إستريـح شـويّ .. واسمعنـي ثوانـي
بعدها مسموح .. قول اللـي تقولـه ..


جيت لك والقلـب ماهـو بالمحانـي !
شف قبل لوصلك سابقنـي وصولـه !!


ووالله ان لو لا الغلا مـا جـاك عانـي
يا بعـد منهـم بكولـه و ضحكولـه

[أبو هيا]

لا صرت صح ووقتك اغلاط بأغلاط ..!
...ليه إتعـذبّه و تتعب و تشـقـا..!



رح للقمر و أفرش على سطحه بساط ..!
!.. و خل الحثال ان كان به خير يرقا..!

[أبو هيا]

من عيون الغلا ما طاحت الاحـلام
انا للحين احبـك وانـت ماتـدري

يزيد الشوق لك لا هبـت الانسـام
شمال / وجابك الطاري على شعري

لو إنك قلتلي هـذا الكـلام ألعـام
عذرتك .. لو أنا محد ٍ قبل عـذري

[أبو هيا]

يا مشغلٍ بال من يغليه
منك ترا زاد تفكيري


عيّشتني في زمان التيه
واليوم طالت مشاوري


واهديتك القلب تلعب فيه
مع كل ودّي وتقديري


ليتك عن الناس لو تخفيه
لا يحسبونه ابلاك بيري

[شمـــاليه]

ياصباح الورد .. يا ارض الشمال
.......// ياصباح البرد .. ياديرة هلي

يا صباح العز يا اخت الرجال
........// المراجل فيك مليانه ملي

لـ احدهم

[أبو هيا]

لا غدى جوي خفيف / وصرت رإيق !
أرسم البسمه على اللي صاحبوني

ولا تعومس خاطري وأصبحت ضايق
ما أتكلم ، بس ( واضح من عيوني )

[أبو هيا]

الصمت أحسن حل لاضاق صدري
بعض السوالف زادت الضيق ضيق !


وإذا نشدني من نشد .. قلت : مدري !
اجحد بمدري / نشفة الحال والريق

[أبو هيا]

أربع سنين ودمعتي فوق خدّي
دايم ودمعي فوق خدّي هماليل

ما فيه يومن فيه ما زاد وجدي
ولا فيه يومن ما نواجه بهاذيل

با سباب من فتت فؤادي وكبدي
ظبي الفلا راع الرموش المظاليل

أبو ردوفن مثل طعس التحدّي
وجدايله لا فلّها كنها الليل

عليه حالي والفؤاد إمتردّي
أنا اشهد أنه يا بدر فتنة الجيل

رغم القرابة بين جدّه وجدّي
خلاني أجرع من عنا الحب واشيل

بذلت له روحي ومالي وجهدي
وأقفا ولا جتني ردود ومراسيل

عيّوا بها عني وأنا فيه ودّي
وعطوه خبلن ذاهل العقل بهليل

عقب التصبّر والجلد باح سدّي
ما عاد بي حيله ولا عاد بي حيل

[شمـــاليه]

ابو هيا.. توقيعك قصيده

[أبو هيا]

ودار بْنا الزمن .. واصبحت ادوّر لك وانا (مشتاق)
(بعد ماكنت) بيْدك تغترف .. من شوقي الصافي .

عجزت اقول: راح .. وروحتك .. (ماهيب بالطّقّاق)
لا والله .. بالسّلامه .. ولاانا (ماني بمتعافي) .

(ياليتك) قبل تجفاني .. بديت (بجرح ما ينطاق)
عشان اضمّده بموادعك .. (واكون انا الجافي) .

لكنْ حطّيتني بالموقف .. (اللي ما تبي العشاق)
انا وشلون اذمّك .؟! واحقرك .؟! وانا اخبرك (وافي ).