مع السلامه ، وألتقـي بـك علـى خيـر
حصلـت مطلوبـك ، وحصلـت شفـي

مطلوبـك :- جروحـي بـلا أي تبريـر
وشفي :- أمـوت ولا طـردت المقفـي

أنـا تعبـت أحـب و أشتـاق و أغِـيـر
اللـي حصـل لـي فـي حياتـي يكفـي

( حظي ومحبوبي وقلبي ) ، خبـر خيـر
مافيهم اللـي قـد وقـف وسـط صفـي

يا لـ. القهر بـرد الشتـا جانـي إمغيـر
عزاي :- حِـر أنفاسـي و فـرك كفـي

أسهر مع الهوجاس وأسرح مـع الطيـر
والغيـر فـي حضـن الحبيـب متدفـي !

أول ، بشـوق أورد علـى (جمـة البيـر)
واليـوم .! يـا عـدود المواليـف جـفـي

لا عاد أشوف جمـوع شوقـك مساييـر
ماعاد هي تسوى الـ( هلا ) و ( التحفي )

وأليا نشدوا عني بعـد روحتـي / الغيـر
قولي :- ( تحت رمل الفـراق متوفـي )