[align=center]
.










.
ادخل للموضوع بيعجبك بالحيل .... ولا تويق مع الشباك ...

.



.

بسم الله الرحمن الرحيم
السلام عليكم ورحمة الله وبركاته
للجميع أقول صبحكم الله بالخير والنور والسرور ...
أول موضوع لي في منتديات رفحا الغاليه ..
وكنت بحط : له عنوان اللي هو : الشعب هلكان وميت جوووووووووووووع ـ ـ ـ ـ ـ >>>>
وكمان فكرت اني احط له عنوان مخفي انتم خابرين الناس اليومين ع العناوين .. ومن قريب يخشون او ما يخشوون في المواضيع ..

هي فكره جتني من كثير من المواقف في الحياهـ
والحياه كلها دروس او مدرسه على قولتهم ..
..
الحاصل :
بخش في الموضوع .
كنت جالس عند لي واحد ونتعشى ومعانا لنا واحدٍ ثالث ..
المهم نسولف بكل شي انتم خابرين العرب لما يكون فاضين وبطونهم مليانه او تبي تمتلي من النعمه ..
ومن ضمن السوالف جا طاري ( الفقر ) الله يلعنه ويعلن جدفه بعد .. كافر ملعون ابو ..
خشت انا فيه وقلت ما عندنا بالسعوديه فقر يعتبر فقر .. الناس مافيه احد هلكان وميت جوع
الناس تشحد للفسقه بس ...
انا تشووفون الناس اللي جالسين عند بياعين الفطره .. مايجلسون ولا يجسلون الا بهالوقت بس !!! طيب ليه ..
وكل السنه وينهم .. الحين الشوراع متروسه منهم ترس ( ترس ) يعني مليانه بلغة قوم ...
احنا ياناس بخير .. والسعوديين فلوسهم ضايعه ( للكماليات ) في الغالب .. ( والكشخه ... )
( نذخ ) على قولت الدب الداشر الله يسعدهـ ..

فقط حبيت اقول اننا نحمد الله ع النعمه اللي احنا فيها ..
ولو يطلع الواحد لبرا السعوديه يعرف نعمة الله عليه بكل شيء ..
على الغلى اللي عندنا الا اننا ارخص ناس وارخض دولة في كل شيء ..

والعالم اللي تشحد او تسرق والله مهو جوع ولا فقر بمعنى الفقر ..
الا انه علشان الكماليات اما ( شحن جوال) او ( تسديد فاتوره ) او ( شراء بلستيشن ) او ( بيشتري فيديو ) او ( يصلح له دش . ) .
شفنا بشر وشفنا ناس هذا همهم ولو يشوفهم الواحد يقول ( يحوول ) مساكين ماعندهم شيء ياكلونه ..

لا يفهم من كلامي هذا انو مافيه ( ناس محتاجين ابد ) .. ولكن الاغلب والله اعلم لأجل الكماليات الفاضيه والكلام الفاضي ..
والناس عندنا بخير ويحبون الخير

وعندنا شي حلو وهو ( التكافل الاجتماعي ) بين الناس حتى لو مافيه جمعيات خيريه الناس لبعضها .. والجيران على قلوب بعض ..
طبعا ( بالحاراات القديمه)
اللي تفتح النفس مو الجديده اللي الجيران مايعرفون بعض ...

سؤالي ........... ؟

ليش الناس تشحد من أجل الكماليات ...؟
كيف نحافظ على النعمه ..؟
وكيف نعرف المسكين من غيرهـ ... ؟
وماهو سر النعم الموجوده عندنا والخير والراحه النفسيه .... ؟

اتمنى بعد قراءة الموضوع بتأني الأجابة ع الأسئله .. قدر الامكان ..
شاكر لكم تحملي هذه الدقيقه...

ودمتم سالمين

اخوكم / أكشن [/align]