لعبت بي الدنياء

[عايد لحايل]

[poem=font="Simplified Arabic,6,orange,bold,italic" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]





لعبت بي الدنيا الدنيّه وأنـا أشـوف=لافي يدي حيله ولا الصبر بـي فـاد
عشت الشقى والياس والهم والخـوف=وش عاد باقي يا شقى الوقت وش عاد
أمشي بها الدنيـا جريـحً ومكتـوف=والجرح ينزف والعنى صار يـزداد
وتعصف على أيام مع كل عاصـوف=عواصفٍ تنـزع شديـدات الأوتـاد
ياراعي الجمس الحمر هاك مضروف=وصله رجـلً للخـوي درع وسنـاد
حرك من الدمام مع صفوت الشـوف=لديار قومٍ لـه مـع الطيـب ميعـاد
لديار شمر مسعفـت كـل ملهـوف=اللي لهم في نجـد تاريـخ وأمجـاد
تاصل نهار اللي على الطيب ماصوف=قل صاحبك مطعون من وقته الصـاد
في ديرتٍ حدً به الوقـت وضـروف=لا جوهـا جـوي ولا نـي بمعتـاد
وبجبال حايل دايم القلـب مشغـوف=ولخبارها شفني مـع النـاس نشـاد
لـولا الكفـر والله بجبالهـا أطـوف=من زود حبي له على كـل الأبـلاد
تجملـي ياأحـلام ليلـي بمعـروف=بحلمٍ بحايل عـل يهنـى لـي رقـاد
وتجملي يانسمت الصبـح بوصـوف=هاتي نسيم الصبح مـن دار الأجـداد
وتجملي يا أنفاس صدري با الحروف=>أ< و >ح< و>ب< في دار الأجواد
هذي علومي لك خفى الأمر مكشوف=هم ونكد والجرح ما من لـه ضمـاد
أبي أطلب المعبود في حالي يـروف=ويناول القلـب الشقـي كـل مـاراد [/poem]

[ضامي الشوق]

عاااايد صح الساااانك


قصيده نااااابعه من القلب


لاهنت ولاهان غاااااليك

[عايد لحايل]

حاكم العلي
لاهنت اخوي مرورجميل منك
الله يعطيك العافية

[أبو تركي]

صح لسانك,, مبدع...

[الدب الداشر]

صــــــــح لساانك يا عاايد .. حلوووووو ...