قصــة و قصيــدة و مقطــع فيــديو

[قنـاص رفحاء]

السلام عليكم ورحمة الله وبركاته

موضوعي اليــوم على ثلاث فقرات : قصــة و قصيــدة و مقطــع فيــديو


أسم القصة والقصيدة : غابت ثمــان أعوام



أولاً القصة :

هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس للأسف مالله قسم ولا تزوجوا ثم زوجوها اهلها واحد ثاني غيره ..

وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم

و اول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون ماغير واحد

شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ

ابتسم وناداه وسأله عن اسمه قال انا فلان بن فلان

وهذي كانت المفاجأه قال الأستاذ امك فلانه ؟

قال ايه

طلعت الحبيبه السابقه

سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده

الراااااااائعه واعطاه قال ودها لامك



ثانياً القصيدة :

غابت ثمان اعوام حل وترحال.....غابت ثمان كلها مدلهمــــــــــه



دورت عنها سنين وشهور وليـــــــال.....مافيه قطر غير وجه يمــــــــه



وعقب الثمان اللي تعبها برى الحال...... جاب الزمان الكارثه والمطمه



جاني ولدها مبتسم بين الأطفـــــــال......ومن بسمته ذكرت انا بسمة امه



ركضت له ودمعي على الخد همال......من كثر شوقي قمت بلحيل اضمه



ساعة حظنته والطفل في يدي مـــــال....... شميت ريحها على اطراف كمه



واليوم بنت الناس في بيت رجـــــــال......... حب على غير الشرف لي مذمه



مجبور اعود واشتكي لكل الأجيـــــــال..... بنفس حزينه تايهه مستهمـــــــــــــــه



برجع غريب سكنه بر ورمـــــــــــــــال....... يحيا يموت ويندفن مايهمـــــــــه


ثالثاً الفيديو :

هذا المقطع من تصميمي أرجو أن يكون بمقام هذه القصيدة ويعجبكم كما أعجبتكم القصة

أترككم مع الفيديو
http://www.youtube.com/watch?v=7mSE2H8b3v4



...........................................

أتمنى منكم الرد على الموضوع لا ني صراحة تاعبن عليه وخــاصة الفيديو

[شمـــاليه]

يعطيك العافيه

لاهنت

[عايد لحايل]

ساعة حظنته والطفل في يدي مـــــال....... شميت ريحها على اطراف كمه



واليوم بنت الناس في بيت رجـــــــال......... حب على غير الشرف لي مذمه

قناص رفحاء
لاهنت اخوي على النقل لقصه وقصيده
في قمة الروعة
سلمت يمينك الذيب
كل الشكر لك

تقبل مروري

[kermalk]

الله يعطيك العافيه اليوم ودوم

[ذويبان11]

شكرا قناص
على هذه القصه المحزنه

[قنـاص رفحاء]

تشكرووووون جميعا على المرور

[الدب الداشر]

يا الله .. حافظ هالقصيدة من كنت بالثانوي ..

مشكووووووووووووووووووووور ....