][ شنبك طالع يالحبيّب عليـّه ..!!][

[شمـــاليه]

[align=center]دائما ً ما اواجه هذا التساؤل..



[ باين عليك شنب ]

او [ انت ولد؟؟ ]





ولهـذا التساؤل كتبت هذه الكيبورديه...


0

0

0


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول لي مسيك بالخير يا الليـّد = شنبك طالع يالحبيّب عليـّه
باين عليك المرجله اترك الكيد = لا تلوّع اقلوب الرجال الوفيّه
خلك سنافي لا تحاول ولا تعيد = واضح عليك ولا تبي له قضيـّه
لا تقنعن ياخوك وبالهرج لاتزيد = و الله لو تحلف صباح و عشيـّه
واقول له بنت ٍ تعقـل المقاريد = مراجلي ماهيب عيب وخطيـّه
بنت ٍ وانا اطلق من رجال ٍ صناديد = يحسب حسابي كل روحه وجيـّه
بنت ٍ اروس المجد قبل الأواليد = شيهانة ً تسبق صقور و قويـّه
بنت ٍ تعاين بالسماء دون تحديد = اشمخ براسي فوق ماني دنيـّه
بنت ٍ مع الخفرات هي سيد الغيد = هيبه و شيمه في سمو و أبيـّه
مافيه عيب ٍ لا تشبهت بالليـّد = من خلقتي في بيت عز وحميـّه[/poem]



بقلمي / شمـــاليه [/align]

[ضامي الشوق]

ونعم فيك

صح السانك ولاهنتي يابنت الرجال الصناااديد


عز الله إنك بنت ناس ٍ اجاويد * * * والمرجله عنوانهم يالبنيه


تقبلي مروري وسجلي اعجابي

[kermalk]

اتشكرك أختي شماليه

[النرجسيه]

[blur]شــــــــــــــــــــــــماليه


قصيــــــــــــــــده





رائــــــــــــــــعه تسمـــــــــــو بعزة النفس والشــــــــــــــــــــموووخ





صح لسانك وسلم بنانك خيتــــــــــــــــــووو[/blur]

[السنجاري]

[align=center]شماليه


كصيـــــــــــــــــــــــده
رائعه
فالك المليون
والبيرق[/align]

[شمـــاليه]

ونعم فيك

صح السانك ولاهنتي يابنت الرجال الصناااديد


عز الله إنك بنت ناس ٍ اجاويد * * * والمرجله عنوانهم يالبنيه


تقبلي مروري وسجلي اعجابي

صح بدنك والنعم في حالك لاهنت


شاكره لك ياحاكم,,

[شمـــاليه]

اتشكرك أختي شماليه

العفووو

شكرا لحضورك وتواصلك ,,

[شمـــاليه]

[blur]شــــــــــــــــــــــــماليه


قصيــــــــــــــــده





رائــــــــــــــــعه تسمـــــــــــو بعزة النفس والشــــــــــــــــــــموووخ





صح لسانك وسلم بنانك خيتــــــــــــــــــووو[/blur]

هلا والله يالنرجسيه

اسمك ذكرني بأسم شاعره كبيره تعرفينها ؟؟؟

صح بدنك ومشكوره على حضورك يالغاليه ,,

[شمـــاليه]

[align=center]شماليه


كصيـــــــــــــــــــــــده
رائعه
فالك المليون
والبيرق[/align]

حياك وبياك يالسنجاري

والله الله بالتوصيت

لاهنت ,,

[الدب الداشر]

[align=center].
.
.


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واقول له بنت ٍ تعقـل المقاريـد=مراجلي ماهيب عيـب وخطيّـه[/poem]

صـــح لسـاانك يالمــبدعـه ..

كفيتي ووفيتي .. وكــلاام بأدب وبدوـن إساءة ..

فـعلا ً فيه نــااس غريبة ؟! .. يعني قبل كم يوم واحد كاتب لوحدة بالقسم العام بهذا المنتدى "فيه ناس شواربهم واصله للكيبورد وكاتب بالسطر اللي بعده على طول أسم العضوة مع ان مالها دخل بالموضوع .. طبعا ً أنحذف رده بس تستغرب جد .. وش لك بالأنوثة والدكورة إذا كانت المشاركة محصورة على .. تسلم ومشكور على المرور .. ووجهات نظر .. وأيضا ً فيه مشاركة بالمنتدى بإسم بنت .. وأذكر رد لها بصفة المذكر .. يعني ناسي .. أنا قريت الرد ولا زال موجود للحظة هذي .. بس مالي شغل بذكورته أو أنوثته .. !!

تمنيت أن هالموضوع بالقسم العام أولا ً عشانها مشكلة .. ثانيا ً عشان يتنبه بعض الأعضاء .. والعضوات أيضا ً ..


مــــــشكورة المبدعة شمـــالية .. فالك الطيــب .. [/align]

[رفحاوي]

[align=center]
صح لسانك اختي شمالية ...

والنعم بك ...

قصيدة قوية لو سلمت من "مافيه عيـب ٍ لا تشبهـت بالليّـد" ...
[/align]

[ذويبان11]

شكرا شماليه على الابيات

[عجائب رفحاء]

قصيدة رائعة ومشكورة على الطرح

[شمـــاليه]

[align=center].
.
.


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واقول له بنت ٍ تعقـل المقاريـد=مراجلي ماهيب عيـب وخطيّـه[/poem]

صـــح لسـاانك يالمــبدعـه ..

كفيتي ووفيتي .. وكــلاام بأدب وبدوـن إساءة ..

فـعلا ً فيه نــااس غريبة ؟! .. يعني قبل كم يوم واحد كاتب لوحدة بالقسم العام بهذا المنتدى "فيه ناس شواربهم واصله للكيبورد وكاتب بالسطر اللي بعده على طول أسم العضوة مع ان مالها دخل بالموضوع .. طبعا ً أنحذف رده بس تستغرب جد .. وش لك بالأنوثة والدكورة إذا كانت المشاركة محصورة على .. تسلم ومشكور على المرور .. ووجهات نظر .. وأيضا ً فيه مشاركة بالمنتدى بإسم بنت .. وأذكر رد لها بصفة المذكر .. يعني ناسي .. أنا قريت الرد ولا زال موجود للحظة هذي .. بس مالي شغل بذكورته أو أنوثته .. !!

تمنيت أن هالموضوع بالقسم العام أولا ً عشانها مشكلة .. ثانيا ً عشان يتنبه بعض الأعضاء .. والعضوات أيضا ً ..


مــــــشكورة المبدعة شمـــالية .. فالك الطيــب .. [/align]

[align=center]
صح بدنك دوب والابداع مرورك

بالنسبه للشنب فيه واحد دابلن تسبدي قصم كل كلامه معي مذكر

وبصراحه ما استنكر من عرفت المنتديات وانا اسمع هالكلمه واواجه هالاستفسار

وعلى قولة الشاعره [/align]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا بنيه وطبع النت علمني = اشيل فستان الدلع والبس شماغي[/poem]


[align=center]


[/align]

[شمـــاليه]

[align=center]
صح لسانك اختي شمالية ...

والنعم بك ...

قصيدة قوية لو سلمت من "مافيه عيـب ٍ لا تشبهـت بالليّـد" ...
[/align]

صح بدنك حجي رفحاوي

بالنسبه للتشبيه معنوي

واخذ روح الرجوله فقط

حياك خيووو