مجاراة الشاعر الوبيري لقصيدة اللقب

**الفراشه** · 18 Sep 2008, 03:11 AM

هذه قصيده للشاعر فهيد شنو الوبيري الشمري ردا على قصيدة المرحوم طلال الرشيد (اللقب)
=======================

اه يا دنيا به الباز انتصب
والبواشق شفتها بعيني تطير

والمخالب شالها طير الحقب
وابرق الجنحان عزي له كسير

طالت الاقزام بنعول الكعب
من صنعها للقزم غير الخبير

ينكرونك بين منهو لو ركب
ون كرب لبطانها يوم عسير

ون تعزوئ بالسناعيس وندب
لابه تضرب على الخشم الكبير

ون تفاخر بالنسب راع النسب
انت فوق العرش وشهودك كثير

تشهد العقيل تاريخ وكتب
عن مواضي فعلنا يوم يسير

الجنايز يوم غاراته نصب
على العدى مثل العبوس القمطرير

ويوم صرخة بصوتها عز ورعب
في يمين اللي غدى يهدر هدير

ياعقيد القوم ياكفو الشنب
ارفع الامتان يالصقر الاسير

وولاتزلزل دام حنا لك شعب
خوذنادرع عن السيف الشطير

السلام بسلم والشغب بشغب
والجروح قصاص والعين بنظير

لعن ابو عين تسلهم بالهدب
يوم ابو نواف مكظوم سهير

ولعن ابو وقت غدينابه خشب
تضربه فاس ويوقدبه سعير

البساط الاعجمي ذل وطرب
والجلوس بعز في حضن الحصير

وما يدوم البن وعذوق الرطب
ومن جلس بظلال لابد الهجير

والقمر لوغاب شهره وانحجب
له شهر يحييه ثم يرجع منير

وكلنا واحد لنا دين ورب
وما يفيد الطول ولاينذم قصير

بس حدانا له ملعون العصب
وما درى انه طاح طيحة دلو ببير

ومانعم الكل بالشين ونسب
بس هو سواه لو انه ماتصير

وان بغوها باللقب والا غصب
انت امير ولد امير ولد امير

**السنجاري** · 18 Sep 2008, 07:37 AM

[align=center]الفرااااااااشه
صح الله لسان الشااعر
ويعطيك العافيه
تقبلي مروري[/align]

**عجائب رفحاء** · 19 Sep 2008, 12:04 PM

صح لسانك ومشكور على النقل

**شمـــاليه** · 22 Sep 2008, 08:36 PM

وان بغوها باللقب والا غصب
انت امير ولد امير ولد امير

صح لسااااااااااانه

والله يرحم طلال الرشيد ويسكنه فسيح جناته

لاهنت على النقل

**ذويبان11** · 24 Sep 2008, 01:50 AM

الله يرحم طلال

وصح لسان الشاعر

وشكرا اخيتي

آخر المشاركات

الموضوع: مجاراة الشاعر الوبيري لقصيدة اللقب

أدوات الموضوع

تقييم هذا الموضوع

عرض

مجاراة الشاعر الوبيري لقصيدة اللقب

مواقع النشر (المفضلة)

مواقع النشر (المفضلة)

ضوابط المشاركة