الوقـت وقـتي والزمن مـآ صفى لي

[فديتك يمه]

السـلآم عليكـم ورحمة الله وبركـآته

أسعد الله مساؤكم وعيدكم مبارك...




قصيدة الشاعر محمد بن سآقآن اتمنى ان يكون لها من أعينكم وأفئدتكم نصيب...


//



الوقت وقتي و الزمن مـا صفالـي ..

و العمر رحله .. وأتعبته المشاويـر ..

كلي حلالك و أنـت كلـكـ حلالـي ..

لكن وربي .. حظنـا ماهـو بـخيـر ..

حاولت لكن مـا جرالـكـ جرالـي ..

مات السنع في وجه قـل التدابيـر ..

فـلا تزعل إليا قلت مالـكـ ومالـي ..

دام الأماني غير و أحلامنـا غيـر ..

و دام الحزن بـ الحب فالـكـ وفالـي ..

خلنا نتفارق والبقـى ( للمقاديـر ) ..

أدري فراقكـ صعب ويهـد حالـي ..

و أدري فراقي صار من قبل لايصير ..

ما كنت أبي فرقاكـ بـس الليالـي ..

تسيّر أحلامي على عكس ما أسير ..

تدري خفوقكـ بـ الفراق وش هدالي ..

أهدى يديني (وردتينٍ مـع طيـر ) ..

ورحت بـ فراقـكـ والهدايـا قبالـي ..

ومات بيديني ( وردتين و عصافير ) ..

يمكن يخون الود لا مـن طرالـي ..

لكن وربي ما أخونكـ مـع الغيـر ..

أبطلبـكـ حاجـه وأمانـه اذا لـي ..

معزهـ / وخاطـر / وحشمـه / وتقديـر ..


تكفى بـ غلاة أمكـ اذا كنـت غالـي

لاجيت في بالكـ ( تذكّرني بخيـر )



//


خالص تحياتي

=)

[السنجاري]

صح ح ح لسان الشاعر
وشكراً ع النقل
تقبل مروري

[ذويبان11]

شكرا على النقل

وعودا حميدا

[الدب الداشر]

صح لسان الشاعر ويمنى الناقلة ..


كلي حلالك و أنـت كلـكـ حلالـي ..
لكن وربي .. حظنـا ماهـو بـخيـر ..

الله يرزقهم الذرية الصالحة ..