وجدان "مصافحه أولى" اتمنى ان تحوز على رضاكم

[سيف سامي]

قصيده بسيطه تعبر عن نفسها اتمنى ان تنال اعجابكم

أفتح لي أبواب المحبة وبيبان
قلبك,,بلطف آصافحه وألتقي به
وأقلط هنا مابين همك والاحزان
ودي أشيل اللي بوسطه يريبه
لاترمي أغلاطك على فلان وفلان
كلٍ ينال اللي بغاه ورضي به
والادمي يتعب ويشقى على شان
يلاقي اللي منكتب في نصيبه
يعني لو انه يركض لرزق طمعان
ماقاله الرب الولي يب يصيبه
وش له ؟ تفكر بالضمى وانت رويان
وش له ؟ تعكر بالك بما يغيبه
أسرح تذكر مامضى واللذي كان
وحاول تشكر من جعلك تعني به
خيره ,, تشوف الخافية شوف الاعيان
من أنك أتأمل جهل وأتهفي به
أقولها والقلب مجهد وتعبان
أستاحش الواقع وعاجل مشيبه
ينتابه شعور الندم بعض الاحيان
على أصدقا تاهوا بدنيا غريبه
كانوا له أقرب من وطن كانوا أخوان
والحين مامنهم حدا والمصيبه
كل ماحطبت الذاكره بالتمعان
واوقدت من نار الحسافه لهيبه
"نضج بفكري" ,, [كل شيٍ له أثمان]
حتى الغلا تقدر بجودك تجيبه
وخشم الريال اللى لوى "عنق وجدان"
لوى رؤوس واعتق أشيا عجيبه
كم قرب أعداءٍ وكم باعد أخوان
وكم غير ظنون الحبيب بحبيبه
شفني وصلت لحيرتك دون عنوان
والحين خذني يمك بكل طيبه
وهل جزا احساننا غير الاحسان!!؟
فك اللقى ياصاحبي بهتني به
وافتح لي أبواب الهواجس وبيبان
قلبك بلطف آخاطبه والتقي به

وسلامتكم

[أنا والليل؟]

(( سيف سامي ))


قصيدة في قمة الروعة ...


صح لسانك

[السنجاري]

قصيده رائعه
صح لسسسانك

[ذويبان11]

صح لسانك على القصيده الجميله

[سيف سامي]

انا والليل

شكرا لتشجيعك


ومرورك العذب

[سيف سامي]

السنجاري


شكرا لمرورك


وصح بدنك

[سيف سامي]

ذويبان11

صح بدنك

وشكرا لمرورك