[align=center]








.

أستاذي



ماذا تريد ؟
لا... لست أستاذي !
بل أنت واحد أجير .
أنت عندي حقير ,
بسويها وبهايط واللي يصير .. يصير !
وش دخلك فيني ؟
وش تبــي مني ؟
قم بس يالله قم , بالله فارقني ياعم .
أنت منو ؟
أنا مو طالب مثل أخوي اللي بالأمس القريب .
مو.. بس أبوي اللي وراي .
المعجب فيني وشلتي وكل أخوياي .. وراي .
حتى النظام بكبره معاي ... حتى الوزير معاي !
بالأمس لما ضربت أخواني .. خليت فيهم حاله .
ربيتهم عالذل
درستهم
خالي , بابا وماما , وحصاني ياحصاني .
درستهم
قراء , كتب , درس .
كنت تقول للقراءه ( هجاء )
درستهم خطأ..
رددوا .. وراااااااك
خالي , ماما وبابا أعز أصحابي !
حفظتهم للقرأن غصب موبالطيب بل بالضرب !
ومن كثرة أناشيدك
بالقدس وبأوطاني
أخوي صار إرهابي
...
وش تحسب نفسك
إنسان موعادي ؟
الا والله أقل من عادي ... أكثر الشعب مدرسين .
وش متميز فيه ياهذا !
أنت لو فيك خير ويحبك الوزير .
ماخلوك في بند ( 105 )

أقول : أنت جاي تاكل لقمة عيش .
أنتهى زمن طبشوره ... زمن سبوره !
زمن فيه ترهب أخواني .
كنت أناظرهم يختبئون خلف البراميل
ومن الخوف يمشون .. ميل وراء ميل .
يختبئون تحت السياره
وبكل الشوارع والزوايا
حتى وهم بالعُطل وبالليل يحلمون .. فيك يابرميل ؟
...
عاد أنته تجي ذا الحين
وتاخذ عصا
تبي تحسسني إنك رجل ؟
الأوامر
نعرفها ونفهم كلام الوزير!
عمم لك
لانفسيات ... لاتعقيدات ... لا ضرب .
ألا.. تعلم يأستاذي وأخر مره بقول أستاذي ,
أن العصا لمن عصى
وهذاك تبي تضربني يابرميل ياعاصي أمر الوزير .
اليوم هو يومي
أنت يجب من يخاف
من يبحث عن الحجج لما يحس إنه ضرب
لما يحس بأنه شنب ؟
لما تمس شعره لي طايحه بالأرض .
تضربني سآتي بربعي وكل أخوياي
وأبدأ .. أعيد حساباتي وضرباتي .
مو.. بس أبوي اللي وراي .
المعجب فيني وراي .. وشلتي وكل أخوياي .. وراي .
حتى النظام بكبره معاي ... حتى الوزير وربي معاي !
عاد مصدق حنا بوزارة التربيه والتعليم !
هذا قبل ماينشف ريقك الأشراف
ويتصيدك بأي إعتراف .
إذا أعترفت وربي راح تنهان !
وتجيب بدل الواسطه إثنان .
وإذا أنكرت ... تبقى في عيني جبان .
ياتنهان ... ياتصير جبان
عموماً أنت الآن بين المطرقه والسندان !

...
وربي مسكين ذلك الرجل الذي تعلم ودرس وجاء ليُعلم
ويربي أجيال . يصحو صبــــاحاً ويعـــودُ مساءاً
وأذاناهُ ملئت بالضجيج , ورجلاه ملت من الوقوف , ولسانه
جف من الشرح , ويداهُ أعيتها الكتابه .
مسكين في وزارة التعليم ... أقصد التربيه والتعليم
فياليت يعاد النظر في مسمى هذه الوزاره أو لتكن
وزارة التعليم فقط ؟
طالب في الصف الرابع يهدد معلمه ,
معلمه في الثانويه تهددها إحدى طالباتها في نشر
رقم جوالها في كل مكان !!
كذا نتعامل مع من علمنا ( أ ب ت ث ج )
مع من سلبت منه حقوقه وظل يمشي في الظل ؟
وزارة التربيه والتعليم في المملكه إلى أين ؟

.




[/align]