مواقف المطبات

[اللهب الاسود]

ابي ادخل على الموضوع على طول

1/ راعي ددسن جاء طاير وضرب المطب وطاحت ركبة السيارة
2/ راعي سيارة من الصغار ما اعرف اسم السيارة مسرع وضرب المطبات على سرعة وانفجرن الكفرات القدام الاثنين

3/ راعي ددسن ضرب المطبات على سرعة ولا صارب شيء ويقول بغيت ابكي حسبت السيارة تفلشت أي ( تفككت )
4/راعي سيارة يضرب المطبات على سرعة وهوضارب المطب يقول الله يلعنكم ولا أدري من يقصد


والسوالف كثيرة لكن الوقت مايسمح ولكم مني جزيل الشكر

ودمتم بالف خير

[فهد محمد]

واالي مطير راعي الددسن والسيارة الصغيرة وشو ؟


خله تفكك سيارته ولاتفكك ظهور عيالنا وشيباننا !!!

[ابومحمدالزوبعي]

الظاهر حين ما وضعت هذه المطبات وضعت لأجل النضام واذا جا شخص مايحترم النضام خل تفكك سيارته

شكراً لك يااللهب الأسود

[اللهب الاسود]

واالي مطير راعي الددسن والسيارة الصغيرة وشو ؟


خله تفكك سيارته ولاتفكك ظهور عيالنا وشيباننا !!!

مطبرة اللقافة

أخوي فهد يعطيك العافية على المرور

[اللهب الاسود]

الظاهر حين ما وضعت هذه المطبات وضعت لأجل النضام واذا جا شخص مايحترم النضام خل تفكك سيارته

شكراً لك يااللهب الأسود

صدقت اخوي ابو محمد


والعفو

[المثابر]

مرحبا أخوي

الحقيقة كل كلامك عسل

وخاصة الله يلعنكم

لأن هذه دايم تصير معي

وشكرااااااا

أخوكم المقرووووود

[جزيرة الكنز]

أخي اللهب الأسود ...شكرا لك
لكن من وجهة نظري ودي رفحاء كلها مطبات..والله أهم ماعلينا عيالنا خلنا ولو كنا نعاني من هالمطبات لكن كل شيء لعيون أطفالنا يرخص..
رفحاء فيها كثير من الشباب الهمج ولازم يسوون معهم كذا’’والله لو مافيه مطبات كان ماتشوف إلا عيالنا مدعسين بالشوارع مثل القطط...
تذكر أن هناك يوجد كائنات لاتنتمي لجنس البشر تفعل مايحلوا لها دونما رادع من أحد.

[المستشار_2008]

كثرة المطبات زينه لكن يوضحونه بطريقه حضاريه علشان الجاي لرفحاء ينتبه

والا اهل رفحاء متعودين على شيل المطبات والزحمه اللي هم في غناء عنها

[المايستروو]

[align=center]العنصر المشترك مابين كل هالفقرات اللي ذكرت هي السرعه...ليش يسرع ما دام مافي شي يستدعي السرعه..

اللهب الاسود..ودك كل واحد من الاعضاء لا شاف احد مسرع عند المطبات ويعرفه يقوله اذا واجهه لاتسرع يا ابن الناس مافي داعي كسرت سيارتك يا لبا قلبك.

مشكور على الموضوع رغم اني بعض الاحيان اذا ما لمحتت المطب الا وانا قريب منه لاني ما اشوف لوحه واضحه تبين ان في قدامي مطب.. بيني وبينك ادعس عى البنص زياده على شان اكل المطب بسرعه من غير لا اهتز من كرسي السواق ولا كأني صفقت مطب.[/align]

[الأعرابي]

يارجال كلش ولا هالمطبات اللي قدام العلاوي !!
هن اثنين بس بقوة عشر مطبات .. اتحاديات وأنا أكره الاتحاد بلياهن
فاضخات قلبي كل ما يجي طاري المطبات أحكي بهن
( من كثر ما كليتهن )
يعني لو تضربهن بدون سرعة كان تاصل الاشارة مامعك ألا السكان وحدى المساحات اذا هن صالحات ولا تخلف الله .. ههههايلي ,,

[الوسام]

[color=#8B0000] ودك المطب أنسيابي بارتفاعه مو سنام بعير تخثع فيه ويضرك ويكسر سيارتك أحس هذا قصد اخونا في موضوعه...تحياتي[/color]