رشيد الزلامي

[kermalk]

[align=center]رشيد الزلامي

الوقـت يامقـسـى عـنـاه وعـذابـه

حطـَّاب ليـل ولـه معاويـن وفـزوع

أحدٍ منـه يمكـن يعالـج صوابـه

واحدٍ يموت بعلته مـوت جربـوع

يروح مثـل مقـاط محـدٍ درابـه

لاحبـل يرقـى به ولاصـوت مسـمـوع

بغـى يجيـب رشـاه ورشـاه جـابـه

من عالي الشفه علـى ضربـة الكـوع

هـذا مقـاط اللـى إرشـاه إلتـوابـه

وأصبح مثل للناس في كـل موضـوع

قصـة مـقـاط وقصـتـى ماتشـابـه

أسباب وقت وكـل قصـه لهـا نـوع

مقـاط صفـى فـي زمانـه حسـابـه

وأنا بلشت بوقت طامـع ومطمـوع

كم واحـدٍ وقـت اللـزوم تهقابـه

وإليـا نصيتـه غيـر الطبـع بطبـوع

والصاحب اللى صحبتـه ضحـك نابـه

يبيني أبقى لـه علـى الـدوم مـزروع

إن شـاف وجهـي قـال يامرحبـابـه

وإن غبت ينسانى على رأس الأسبوع

وإليـا نسانـى منهـو حظـرت جنابـه

أنساه وأجعـل دونـه الخـط مقطـوع

وعيبٍ عليـَّه كـان طقيـت بابـه

لو إني أمسي بالخـلا ميـتٍ جـوع

مـن خلقـت الدنيـا تجـوع الذيـابـه

بس المهـم تعيـش والـرأس مرفـوع

وتكسب بعـز النفـس قـدر ورحابـه

وتمشى على خطٍ سليمٍ ومشروع


[/align]

[ذيب شمر]

مشكوووووووور على القصيده الرائعه



تقبل مرووري

[kermalk]

مشكوووووووور على القصيده الرائعه



تقبل مرووري

[align=center]حياك الله اليوم ودوم والله يرزقك بثمان ميه وضحى والصحه والسعادة[/align]

[ذيب شمر]

آمـــــــــــــــــــــــــــــــــــــــــين
الله يجزاك خير