عياد المعيلي مديرا لمستشفى رفحاء

[الجبل الأخضر]

مبروك

ومن حصل شيء يستاهله

[سعود الشمري]

الف مبروك


ونتمنى له التوفيق

[أبوالوليد]

الله يوفقه ويعينه
المستشفى بحاجه لدعم قوي من الوزارة
ليس صحيحا مايجري في مستشفانا
نحترم عياد ونعم الرجل وكذلك الأخ محمد والأخ فواز وقبله الأخوين عارف وأمجد
وبودهم ان يقدموا ما يخدم المواطنين ولا نشك بحرصهم لتقديم ما ينفع ونلمس منهم ذلك
ولكن البلاء أعم والمشكلة أعظم من الإدارة
والوزير يصرح بأن مستشفى رفحاء سيء
لكنه لا يغير من الوضع شيء
أين الدعم المادي بالكوادر الطبية والمعدات والاحتياجات
مستشفى مصمم ليخدم رفحاء قبل أكثر من عشرين سنة
يجب أن يتواكب مع التطور وتزايد أعداد السكان

حتى يبدع أي مدير يستلم المستشفى لا بد من دعم حقيقي
لا يكفي دعم بقرار تعيين
ثم يتركونه في مواجهة المراجعين ولا حول له ولا قوة

كان الله في عون عياد وسدد خطاه ولا تطالبوه الا في حدود استطاعته

أذكر أني أضفت رد ولا لقيته يمكن حذفتوه لأني قلت الصحيح ماعلينا
اللي يهم الحين أنو أحسن كلام سمعته هو كلام همام
فعلا المستشفى من أردى لأردى بإهمال من وزارة الصحة نفسها
وبالنسبة لمؤهلات عياد ثانوية عامة وبكل فخر واعتزاز وأكثر من عشر دورات وخبرة ممتازة وأثبت أنه الأفضل إدارياً وش اللي يمنع أنهم يحطونه
ياناس يجيك ثانوي ويفهم بالإدارة أحسن من واحد معه شهادة وضايع

قصة مضحكة على الطاير /
واحد أخذ بكالوريوس بأحد التخصصات الفنية ومن تعين وأول يوم يباشر فيه يقول أنا أحق واحد بكرسي الإدارة وكل هذولا ما يفهمون وأنا أفهم منهم بكل شي لأن معي البكالريوس الفلاني ههههههههههههههههههه مايدري ان اسمه للحين بقلم رصاص وحتى سنة التجربة ماعداها


قصة أخرى /
ولا أقولكم خلوها بعدين

[أبو هيا]

[align=center]
حسب ما سمعت أن المدير السابق فواز عزيز واللي بعده محمد ديسان تم التوسط لهم من قبل الأخ صالح الشيحي وتم ابتعاثهم لدراسة البكالوريوس وهذا شيء يُشكر عليه الأخ صالح لمنفعة أبناء محافظته ...

أتمنى ابو هيا ما تجي وتسأل وشلون يمسكون مستشفى وهم ما معهم حتى بكالوريوس ...

من خلال ما تم شرحه يبدو أن مؤهلات المدير الجديد لا تزيد عن الثانوية العامة ...

شفت رفحاء كيف مهمة ؟!
[/align]

علمي في علوم المستشفى ايام الدكتور حسن فلان الدين..الذاكره دمار يافلان



الاداره علم..ومصيبه لما مدينه سكانها 40 الف مافيهم شخص مؤهلاته عاليه

[سهرانه]

سلمت يداك اخبار رفحا

الله يوفقه ومبرووووووووووووووووووووووك الف مبروووووووووووووووك

[flower]

نبارك للاخ في منصبه الجديد مهما كان مؤهله



واسأل الله له التوفيق والسداد

[عطرالخزامى]

مبروووك ل عياد معيلي هذا المنصب

لماذا اكثر الردود حسد وبغض.....أهل رفحاء لم أعهدكم هكذا

[راعي الطلايب]

الف مبروك لأبو عبدالاله ويستاهل ...........
بس ابي هالعالم الفاضية اللي تنبرش وهي ماتعرف ..... ياأخوان وش لكم بمؤاهلاتة ...اهم شي يكون عقلية مفتحه ويسير المستشفى بالطريق الصحيح ,,,ويكون مدعوم من مراجعه ويحصل على طلبات ونواقص المستشفى .....مالكم ومال المؤهلات ؟! كم من واحدمعه مؤهل ودكتوراة بس ماهو نافع نفسه ولا نافع غيره.......اقول عينوا خير ومالكم الا ابو عبد الاله وهو قدها

[رفحاوي]

علمي في علوم المستشفى ايام الدكتور حسن فلان الدين..الذاكره دمار يافلان

الاداره علم..ومصيبه لما مدينه سكانها 40 الف مافيهم شخص مؤهلاته عاليه

[align=center]
به شباب عندهم مؤهلات وشهادات جامعية لكن مدري ليه ما يحطونهم ؟!

يمكن لأنهم ما خدموا بالحرس
[/align]

[فهد محمد]

[align=center]
به شباب عندهم مؤهلات وشهادات جامعية لكن مدري ليه ما يحطونهم ؟!

يمكن لأنهم ما خدموا بالحرس
[/align]

[align=center]وليه ماهو بالجيش أحسن !!!!
ماهي بالشهادة يالبناخي ... عندك ابو رطيان عشيرك يمكن ماكمل ثانوي يلعب بالكلمات لعب مقالات مبطنه ورمزية .....
هي بقوة الشخصية والجرأة وعدم الخوف على الكرسي <<< ياملا العرس
البناخي وشبك قمت تحوس وش جاب فواز عزيز بالسالفة هذا مراسل جريدة الوطن

انت تقصد فواز داوود <<<< لا متى وانا أعدلك أحطك مع العمد ترجع للعودان [/align]

[رفحاوي]

[align=center]وليه ماهو بالجيش أحسن !!!!
ماهي بالشهادة يالبناخي ... عندك ابو رطيان عشيرك يمكن ماكمل ثانوي يلعب بالكلمات لعب مقالات مبطنه ورمزية .....
هي بقوة الشخصية والجرأة وعدم الخوف على الكرسي <<< ياملا العرس
البناخي وشبك قمت تحوس وش جاب فواز عزيز بالسالفة هذا مراسل جريدة الوطن

انت تقصد فواز داوود <<<< لا متى وانا أعدلك أحطك مع العمد ترجع للعودان [/align]

[align=center]
هههههههههه

الله لا يحرمن منك ولا من اهتمامك وحنانك ...

يالغالي صحيح الشخصية والجرأة مهمة لكن لا ننسى أن الشهادة مهمة والتخصص مهم ...

الخبط بين فواز عزيز وفواز الداود وكلهم ما بينهم فرق بدون قصور بهم ...
[/align]

[البرنس]

الف مبروك


ونتمنى له التوفيق

[أبوالوليد]

رفحاوي

أنت جبته بعينه من غير ماتدري لأنك قلت : (الشهادة مهمة والتخصص مهم ) ورفحاء مابه ولا واحد متخصص إدارة مستشفيات والفنيين ماينحطون الحين بأعمال أدارية الا بقرار من الوزير يعني يموت الميت ويحيا الحي ويضيع المستشفى وهو ماجاهم القرار

ياليت بس تترك الحسد والحقد وتصفي قلبك وتدعي له بالتوفيق
واذا كنت خايف على المصلحة ياخي عدل الصواب وساهم بالتصحيح مو خرابيط ورا كيبورد

[خالد محمد]

مساء الخير للاخوه جميعا
انا لست او ضد احد
لكن اداره اي مستشفى لابد تكون مبنيه على شهاده علميه
تسئلوني ليش؟؟
الاداره بالمستشفى من طاقم التمريض او حتى طاقم التنضيف
يحتاج الى لغه .... لكي يتعامل معاهم او يوجه لهم نقد او حتى كلمه ثناء
ثم جميع الاطباء من حمله البكالوريس (بالطب))واحيانا الاستشاريه
فكيف يتم مناقشه موضوع مثلاً خطأ طبي والمدير لايعرف ابجديات كلمه مرض
ثم لو قال قائل هناك مدير طبي يناقش هذه الاخطاء بسئلكم سؤال واحد
هل الدكتور في الجامعه يوجه طالب بالثانوي؟؟؟
بمعنى ان المدير الطبي لايرى مدير المستشفى ان لم يكن مؤهل ادارياُ وعلمياً
ثم هناك امور بالمستشفى من اجهزه ومعدات طبيه وادوات تعقيم وادوات تمريضيه
جميعها بلا استثناء تحتاج الى شخص يفهم باللغه اولاً ثم بالمجال الطبي بمعنى عنده دراسه سواء بكالوريس او حتى معهد تمريض حكومي وليس خاص
نسئل الله له التوفيق اياً كان
بس اردت ان اوضح فقط والله من وراء القصد

[محترف غزلان]

الله يوفقه ويعينه على كلام الناس