اهداء للرائع رفحاوي ولجميع الرائعين ( وصف الرجال )

[عبدالملك الشمري]

[align=center]يوم إستمرت لـي بيـوت القصيـده=نبدا بوصف وكـل وصـفٍ نجيـده
وصف الرجال صعيـب للـي يريـده=لكن أنا فالوصـف مانيـب بلشـان

رجل معك بالحيـل والحـال والمـال=لو مل بعض الناس ماهـوب مـلال

يمشي معك بالروح في لاهب الـلال=لا ضايقٍ بالـه ولا هـوب زهقـان

ورجلٍ ليا منه بغـى منـك ضحـاك=وإن خذ لزومه غاب عنك وتناسـاك

يبـور بـك تالـي زمانــه ويجفــاك=نسي الجمايل يـوم قفـا والأحسـان

ورجلٍ رويغـي ماتصيـده محابيـل=يمتاز فالمجلـس برشـف الفناجيـل

ماقط ضالـو فـي محلـه مشاكيــل=ولاقط شكر له عـن الـزاد ضيفـان

ورجـلٍ كريـم ودائمـا مرحبـانـي=يمنــاه تبـذل كـل يـومٍ حسـانــي

يملا بصنـف الأبيضيـن الصيانــي=رزٍ بهـا مزبـور وأذيـال خرفـان

ورجلٍ ربادي يفعل الزيـن والشيـن=دلوٍ تجـي مويه ودلـوٍ تجـي طيـن

يواعدك بالسبت ويجي يوم الأثنيـن=لاهوب لاناسـي ولاهـوب غلطـان

ورجلٍ فقير وينفق الصبـح والليـل=بيتـه لعكفـان الشـوارب مداهيـل

والرزق ياتي لـه مـن الله تساهيـل=مايتـرك الماجـوب لوكـان فقـران

ورجلٍ غنـي لكـن مايفعـل الجـود=يدس مالـه فالمواضيـع مرصــود

ليامات عن ماله محاسـب ومنشـود=والمال يقسـم بيـن وارث وطمعـان

ورجـلٍ تعلـق خافقـه بالمسـاجـد=تلقـاه دايــم فالمحاريـب سـاجــد

يالله عسى أمثاله من النـاس واجـد=الدين رأس المـال والـرب رحمـن

اللـي مسـك دينـه وربـه يخافــه=عقـلٍ حكـيـم وقــوةٍ باللطـافـــه

مؤمن قوي ماهوب مؤمـن ضعافـه=قاسي قساوة حـق وليـا قسـوا لان

ورجـلٍ معقـد غاطـسٍ فالحمـاقـه=ماكنــه إلا أبليـس بيـن الرفـاقـــه

فــي كــل يــومٍ قاطعـيــنٍ بنـاقــه=أقشر ويلقى له من النـاس قشـران

ورجلٍ يغامر ميـر مامـن مخاريـج=وأحيان يبلـش ويتمنـى المناهيـج

حيث العلوم إلهـا سلـوم ومداريـج=والرجل قد قال المثل قلـب ولسـان

ورجلٍ حسود ولا يبا الخيـر للنـاس=كنه على أبواب المواهيـب حـراس

علة نحر قاصر نظر خاوي الـرأس=يستخدم الضحك المزيـف بالأسنـان

ورجلٍ نمـوم يجمـع الهـرج دايـم=بين البشر ضـاري بنقـل النمايـم

كـم غافـلٍ يرمـي عليـه الظلايـم=عسـاه يذهـب ضاريـاً بالتمحّــان

ورجـلٍ كـذوب وكلمتـه ماتـعـدي=يجيـب مـن هـذا لهــذا يـــودي

ولاينحسـب قولـه حقيقـي وجـدي=وإن جاء مجاله قالوا النـاس كذبـان

ورجلٍ جزوع أ يّات شـيءٍ يروعـه=حمّّر لـه العيـن وتهامـل دموعـه

لوقلت وش رأيك ، تصافق ضلوعـه=مقطـوع يمنـى فالمهمـات جابــان

ورجـلٍ صبـورٍ فالشدايـد ليـاحـد=مثل الجبـل ثابـت ولاهـوب ينهـد

في واجبه ماقط عـن واجبـه صـد=يفوز بالسبقـات فـي كـل ميــدان

ورجلٍ نصوبٍ رز عنقه على مـاش=متكبـرٍ فـي كـل مجلــس وبكـاش

أن فتح باب المجد يجفـل وينحـاش=وإن صك تلقـاه إمتنـدم وخجــلان

ورجلٍ صميـدع فالمهمـات صامـل=كامـل ولاغيـر الله الفـرد كـامـل

لياشـاف ميـلات الخطـا مايجامـل=يفرك على كبـود المعاديـن خفـان

ورجلٍ مشاغب كـل يـومٍ دعـاوي=يكتب معاريض الحجـج والشكـاوي

وسـط الدوايـر كـل يــومٍ يعــاوي=لا شيف له حق ولا هـوب منصـان

ورجلٍ معنى ماكسـب حظـه الخيـر=يقضــي حياتــه بالعنــا والمشاويــر

ودايم يجيله فــي طريقــه عواثيــر=مايحصـل التوفيـق والحـظ تعبـان

ورجلٍ طموع ولا يفـرق فالأطمـاع=يأكل حرام ويجمـع أشكـال وأنـواع

للسحـت جمّــاعٍ وللخيـر مـنــاع=سروق ويجالـس مغلّـث وسرقـان

ورجلٍ على ماقيـل سـارق ومـزاح=أن شيف ولا مع خلـول السلـم راح

أن حصل الفرصه بـرم كـل مفتـاح=وإن ماحصل فرصه كمن تقل ثعبـان

ورجـل ٍ عنـادي مايطيـع النصايـح=جويحةٍ كـان البشـر بــه جوايــح

دايـم مكلـح ضاريـاً بالكــلايـــح=وإن قلت له مخطي ، نفر منك زعلان

ورجـلٍ حليـم وخاطـره مايضيقـي=لـه ناظـرٍ بيــن النواظــر طليقــي

وليا نطـق ينطـق بهـرجٍ حقيقـي=مافـي كلامـه زود ، وزنٍ بميـزان

هـاذي مثايـل والمثـايـل دلايـــل=جملـة دروسٍ للقـلـوب الهبـايــل

ولانـي بناطـورٍ علـى كـل عايـل=من ضاع جعله بين زنـدٍ وصـوان

لاشـك فيـنـا غـيـرةٍ ماقـدرنــا=نسكت على نظراتنـا اللـي نظرنـا

يـالله لا تعمـي بصايـر بصـرنــا=ياواحـدٍ فـوق المخاليـق مـنـان

المعرفه برهـان والشعـر لـه دور=نطرح مشورتنا لمن يقبـل الشـور

والعبـد منهيـاً مـن الله و مامــور=ولا يتفق في نظـرةٍ وحـده إثنـان

مابه إثنين بقلـب واحـد يعيشـون=كلٍ على رأيه وله هجـس وظنـون

أقولهـا والنـاس غيـري يقولـــون=سبحـان خـلاق المخاليـق ديّــان

الله خلق ماشـي وزاحـف وطايـر=سر الله أعظم من جميـع السرايـر

وحنا على نوعيـن ، وافـي وبايـر=والحق حق وماعـدا الحـق بطـلان

لوحضّر الأنسـان كامـل إحساسـه=بعقل ود رس كـل الوقائـع دراسـه

أقل شـيء يشيـب ويـدوخ رأسـه=ويقنع من ألف الكيلـو بربـع فـدان

ومـن لا قنـع لابـد يقنـع بيومـه=ليا مات لـو بريـال محـدٍ يسومـه

ماعـاد معـه إلا صلاتـه وصومـه=يوم القيامه بيـن مالـك ورضـوان


وســــــــــلامــــــــــــــتــــــــــــكم


الشاعر / فيصل بن منصور الرياحي[/align]

[شمـــاليه]

الله يرحم شاعرها ويغفر له [ توفي منذ ايام ]

ويستاهل رفحاوي ولاهنت يا عبدالملك

بس تقل انها بقسم العام وهي قصيده ؟

قصيدة رائعه وقوافيها جميله بأختلافها وتشابهها

نهج لا يجيده سوى شاعر مخضرم وجزل رحمه الله

يعطيك العافيه ولاهنت

[رفحاوي]

[align=center]
الله يرحمه ويغفر له ويجزاه خير ...

صح لسانك اخوي عبدالملك على الذوق الراقي ...

مشكور على الهدية الثمينة ...

[/align]

[عبدالملك الشمري]

اهلاً شماليه .

رحمه الله وتجاوز عنه .

وجودها بالمنتدى العام يندرج تحت مقولة

( لكل قاعدة شواذ )

والاشراف هو من يقرر في نهاية المطاف .

شرفتينا .

[ابونايف]

يستاهل رفحاوي ...

رحم الله الشاعر وغفر له ...

مشكور عبد الملك على شعورك الطيب ...

[عبدالملك الشمري]

اللهم امين .

رفحاوي .

سرني مرورك العذب

والشكر لك انت لقبول الاهداء المتواضع .

تحياتي لك .

[عبدالملك الشمري]

[align=center]

يستاهل رفحاوي ...

رحم الله الشاعر وغفر له ...

مشكور عبد الملك على شعورك الطيب ...

وانت اخي (ابو نايف )

تستاهل لانك عميد النخبة ومن الرائعين .

وجودك ( جنيهات صفاء ) ومكسب

فشكراً لك .
.[/align]

[رفحاوي]

[align=center]
الأخوين الغاليين أبو نايف - شمالية ...

لا هنتوا ومشكورين على الشعور الطيب ...
[/align]

[للغايب عذر]

عبدالملكـ شعوركـ رااائع بروعتكـ ورفحــــــــــــــــــــــاوي يستاهل فوق القصيد معلقات

[عبدالملك الشمري]

[align=center]

عبدالملكـ شعوركـ رااائع بروعتكـ ورفحــــــــــــــــــــــاوي يستاهل فوق القصيد معلقات

وجودك اروع .

بس صورتك التعبيريه

على قولة ( عادل امام )

لابسه من غير هدوم
[/align]

[للغايب عذر]

وجودك اروع .

بس صورتك التعبيريه

على قولة ( عادل امام )

لابسه من غير هدوم


هههههههههههههههههههااااي تبي اغيره لعيونكـ اغيره بس قول

[الوسام]

يعطيك العافيه عبدالملك ....ورفحاوي يستاهل ديوان شعر ...لكن نخاف من المدح الزايد!! والذي يخرج عن المالاوف .. لورود حديث ثابت عن النبي صلى الله عليه وسلم (في ذم المدح)..تقبل مروري ولك الشكر

[عبدالملك الشمري]

[align=center]

يعطيك العافيه عبدالملك ....ورفحاوي يستاهل ديوان شعر ...لكن نخاف من المدح الزايد!! والذي يخرج عن المالاوف .. لورود حديث ثابت عن النبي صلى الله عليه وسلم (في ذم المدح)..تقبل مروري ولك الشكر

يجب ان تفرق اولاً اخي العزيز ( الوسام )

بين الاهداء والمدح

فأنا لم امدح الاخ الرائع ( رفحاوي ) فهو في غنى

عن مديحي على ماعتقد .

وحتى لو مدحته مالضير في ذلك ؟

وثانياً حديث المصطفى عليه الصلاة والسلام

الذي ذم به المدح

يقصد به المدح على بلاط السلاطين .

والله اعلم

اما نحن هنا في منتدى فكري وثقافي

وشخوصنا لاتلتقي الا على الصدق .

حيث اننا لانعرف بعض الا من خلال هذا

المنتدى الرائع .



شرفني مرورك . وشكراً لك .
.
.
.
[/align]

[الوسام]

[QUOTE=عبدالملك الشمري;311544][align=center][size=5][font=Arial][color=#000000]

يجب ان تفرق اولاً اخي العزيز ( الوسام )

بين الاهداء والمدح

فأنا لم امدح الاخ الرائع ( رفحاوي ) فهو في غنى

عن مديحي على ماعتقد .

وحتى لو مدحته مالضير في ذلك ؟

وثانياً حديث المصطفى عليه الصلاة والسلام

الذي ذم به المدح

يقصد به المدح على بلاط السلاطين .

والله اعلم

اما نحن هنا في منتدى فكري وثقافي

وشخوصنا لاتلتقي الا على الصدق .

حيث اننا لانعرف بعض الا من خلال هذا

المنتدى الرائع .



شرفني مرورك . وشكراً لك .
.
.
.
أخي عبدالملك نعرف نفرق بين الاهداء والمدح ولكن انت عملت الدمج بينهن بغطاء خفي.. انت في عنوان موضوعك قصد المدح لرفحاوي وفي القسم العام نزلته ليطلع عليه الجميع بقولك رائع وبما انك لاتجيد الشعر استشهت بأبيات شعريه لتوصيل مدحك للأخ رفحاوي ..كل المنتدى يكن لرفحاوي الاحترام والتقدير ولكن لانقتله باالاطراء الزايد أمام الملا ....اتوقع وصلت المعلومه ...وانا يشرفني سعت صدرك ...عفوآ

[رفحاوي]

[align=center]
تطمن أخوي الوسام ما راح يقتلن المدح

الأخ عبدالملك لم يذهب إلى ما تخاف منه ...

ومحاكيك تعلم من الحياة الكثير ...

إطمئن وسامنا العزيز ...
[/align]