هيتى لياسر و سعد

[الــشــمــري]

قصيـدتين جمـيله قيلـت في النجـم ياسر القحطاني
والنجم سعـد الحارثـي بعـد ما اصيـبا .... ســلامات
وان شاء الله يرجعون احسن من اول

قصيدة ياسر القحطاني

جعلك بخير وتحتويك السلامات
............من منتهى اقدامك ...الى عالي الراس
تكبر امانينا وتعبر محيطات
................ونقولها من صادق شعور واحساس
دعواتنا لك يابيض الوجه بالذات
......................ياللي غلاتك عندنا مالها قياس
والله يجيرك من جميع المصيبات
.....................ويحفظّك من كل وسواس خنّاس
ويكفيك من شر البلا والاصابات
...........................والله كريم وقادرً يرفع الباس
ياللي عسفت على الدروب المطيّات
.......................واشعلت في ليل المحبين نبراس
شفتك مسافر وارتجل فكري ابيات
.......................وانا محبً لك ومن ضمن هالناس
يالمانيا عندك زبون البطولات
.......................حني عليه بكل تقدير واحساس
ضميه وليالي المسافر طويلات
........................لايلحقه من طاري البعد هوجاس
وتسلم لنا يانور كل المنصات
.......................ياغلى من الياقوت والدر والماس
لانك صقر له بالشواهيق حومات
........................طول المدى ماقرنسه كل قرناس
حزه وجيت بثـامن المستحيلات
....................... من بعد ضاقت بالرجاجيل الانفاس
ياسر فرحنا صار له معك ميقات
..................ياسر !!يجي الدوري ويرقص مع الكاس
ياسر وتهتز الجبال المنيفات
......................... ويتغير المقياس !! مافيه مقياس
ياسر! بعد ماضاعت الضايعه جات
...............................ماكنّها الامعك باوراق كراس
جعلك بخير !!وتحتريك السلامات
...............................جعلك بخير والف لاباس لاباس




.............................

قصيدة سعد الحارثي







^^^^
^^^
^^
^


يردد لك الجمهور ..واول كلامه
.............سلامات ياسعد ابن مشعل سلامات
عوافي ..عوافي ..تحتويك السلامه
..................ويكفيك ربك من جميع الاصابات
ويانجم ياللي مرتفع في مقامه
................شعاعك رسم فوق النوايف علامات
ولابه عليك من الملامه ملامه
....................ومثلك يسير ولاعليه الملامات
مع منتخبنا تزرع الابتسامه
................ وتعطي وتنجز في جميع المهمات
فنونك وابداعك عليها علامه
....................وتاريخك مجمَل.... بليا زيادات
عساها تزول ولاتجيك الندامه
.................ونلمحك ترقى بالجبال الطويلات
نحبك (اخو) فيه الوفا والشهامه
..................ونحبك( نجم) خط بيمينه حكايات
وجمهور الازرق ينعرف باحترامه
..................وذوقه.. ولاله في المبادي حسابات
يقدم لك احساسه ويهدي وسامه
.................وسام الرياضه والعلوم الجميلات
ومن منتدى نادي الوفا والزعامه
...............سلامات ياسعد بن مشعل سلامات

الشاعر من جماهير الهلال
هذي اخلاق الهلالين ماهو مثل من سب ياسر علشان كوره ترا ياخون ياسر مسلم قبل مايصير لاعب للهلال وانا على فكرة ماني هلالي شبابي صراح الهلال جماهيرهم خلوقين وانا ماتوقعتهم كذا بسب انصدمة من جماهير العالمي والاتحاد
نقول للهريفي فضحتنا ونقول ليلسر تعلم انك ماترد على الصحافة وهم قصدهم يفرقون بين لاعبين الوطن وانا اقول لكل هلالي اونصروي او اهلاوي او اتحادي او اي نادي اخرى انا اسف وحقكم علي وتحياتي لجماهير الشبابى الكواسر واتمنى التوفيق لشباب
وشكرا

[نصراوي للأبد]

صح لسان من قال القصيده وبيض الله وجه الهلالين الي مهم متعصبين

ويرجع لنا الكباتن بالخير

[الــشــمــري]

آمين يا رب العالمين