اياملا الغنيمه ياللي تندسون

[ابو شنب]

كل مااجي بهذا للمنتدى يامار كم واحد مندس

يالربع علمونن كان الظهور مع المتواجدين به من يم الله شين ابي اندس معكم ياملا الغنيمه

صارت اخاف مابه الا انا والعالم مندسه

انصحونن هي به شين؟

ولا بس هلون ؟

ولا ذالين احد يقلط عندكم ؟

اياملا الغنيمه لاتخلونن لحالي بالخلا

[رفحاوي]

اول شين علمن تعرف تندس والا لا ؟

[ثقافي]

بالنسبة لي يا ابو شنب أنا لا أندس بل ظاهر علناً كما ترى في الصفحة الرئيسية الان ،،

[ابو شنب]

والله يابعدي اني اتكابره كيف الرجال يندس؟؟؟

تبي الصحيح ماحاولت فلاكن كان به من يم الله شين ولا من يم الناس شين
علمن

[ابو شنب]

هلا ثقافي

ايا بعدي والله

بس هي لها سنع ولا مالها سنع
ولا كلن بكيفه ماني وكيل على ذرية ادم فلاكن
استاحش لحالي

اما رميه اما طلقه يامار مافيه الا رويسي لحالي

[رفحاوي]

ابو شنب ... تخبر الواحد اذا صار ظاهر للعيان يخاف من العين ... بس ولا يهمك ابي احط اسمي بجنب شاربك الايمن .

[ثقافي]

أتوقّع إن ما لها سنع ،،،،،،،،،

[ابو شنب]

اياملا الغنيمه يارفحاوي وياثقافي

انا قبل احسبن به مشكله

فلاكن هالحين ابي ارقب على اطول مرقاب

وانا والله عادتي ماندس فلاكن الانترنت مابها مرجله قلت سبحان الله عن المتحرفات المتطرفات

تسلمون

[رفحاوي]

ابو شوارب وين تدسس ؟!!

تعال واترك عنك التدسس يعلك تعرس .

[ابو شنب]

والله تخبر ابي احط راسي مع الروس عن المتحرفات المطرفات

بس انا بلشان بهاشنابات كل مااندس ورا جبل ولا سيارة يامار مايبين منى الا شنايباتي

خبرك اندس يوم نلعب واحد طش(دسيسه)

فلاكن بالمواجيب ماعمري اندسيت
وارجال يقولون المرجله تغيب وتحضر

اياملا الغنيمه تكفيني اوجاعي والعرس وجع اخر

لا لا لا وانا بناخيك ان تزوجتك اما اربعه ولا مابي شين

[مواطـن]

أقووول ليكون بعد مندسين خايفين من القاضي ..

[هرطمان]

ما عليش مواطن هد نفسك
شده وتزول

اخواني لازم تعذرونه وتاقفون مع اخوكم بهالمرحله

لمزيد من الاطلاع على الحاله النفسيه لمواطن

[ابو شنب]

مواطن وش جرالك ؟؟؟

اشوفك انحلوت وصرت تهذري تقول انك طبيت الفيضه

اركد رحم الله والديك

ترى الناس تنقد عليك

[ابو شنب]

لاتندسون اظهروا اظهروا قابلوا الرجال ياعاد ان مابها منقود

اياملا الغنيمة