ليلة الدخله

[saud]

شاب راح يخطب وحده وتمت الموافقة على الخطبة..

ومن ثم الزواج المهم هو وش اللي صار ليلة الدخلة .. بعد ما دخل صاحبنا

شقته مع زوجته وإذا بجواله يدق....

ويقوم خوينا يرد على الجوال ويدور الحوار التالي: الزوج : ألووووو. المتصل : السلام عليكم ورحمة الله

وبركاته . كيف حالك يا (فلان) و ألف ألف مبروك . الزوج : وعليكم السلام وينكم يا أنذال ما حضرتوا الحفل يا

تعبانين. المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك

رحت مع المدام.والحين حنا راجعين الديرة.((طبعاً الديرة تبعد حوالي 300كم )) الزوج : المهم تعشيتوا .

المتصل : لا والله. الزوج : كم عددكم؟ المتصل : عشرة. الزوج : أقولك (حرام طلاق عشاكم

الليلة عندي) قل تم. المتصل : يا ابن الحلال (غيير بدل). الزوج : يالله أنا أنتظركم مع السلامه. وقفل الخط.

الزوجه المسكينه ميهي مصدقه اللي سواه زوجها ..ثم قال يا فلانه أنا رايح السوق وراجع.

((على بالها بيجيب عشاء جاهز)) بعد ربع ساعه رجع الزوج ومعه أغراض العشاء . قالت الزوجه وش ذا

. قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن

الباب يدق . قال هم ذولا وصلوا يالله همه يامره. وراح عند ربعه يقهويهم. المهم المسكينه في المطبخ تقطع

البصل و الطماط بفستان الزفاف وعيونها تدمع

وتقول في نفسها (( بكره بأرجع عند أهلي من الفجر وأطلب الطلاق إذا كان كذا من أول يوم ))

سوت العشاء وتعشوا وراحوا لديرتهم .

والمفاجأة !!!!!!!!!!!!!!!؟؟؟؟؟؟؟؟؟؟؟؟؟ أن زوجها يدخل عليها ويرمي لها بــ(50000)خمسين ألف ..


قال هذا حقك ... قالت: وشوا حقه قال الرهان اللي بيني وبين زملاي العشرة على كل واحد (5000) بأنك

تطبخين ليلة الدخله .. وتمت ليلتهم على خير و أصبحا أسعد زوجين ..

السؤال اللي يسدح نفسه

وش بيكون ردت فعلكم لو صار لكم مثل هالموقف وبصراحه

[رفحاوي]

حسبت انه تبي تزعل وتروح لأهله بعد ما عرفت انه تحدي...
لكن الفلوس له دور ...

[حنين الماضي]

الحمد لله على نعمة العقل والدين


والله ارمي الفلوس بوجهه وارفع راسي


وارجعه لبيت أمه وابوه شهرين ثلاثه يربونه


قال تحدي ورهان قال
والسمرمد ربعه واحد فيهم يدخل البيت مره ثانيه

[أخــت شيــوخ]

يعطيك العافيهـ

[الراصدالاول]

مساء الخير /

والله عريس متفضي , ليلة العرس وجوال ورد عله بعد ,الظاهر انه طفشان او مغصوب على العروس ودبر السالفه يبي يصرفها .

وهي لها طريقين : اما انها ذكيه وفاهمتها ,وقاعده على قلبه .

او انها ماعندها كرامه,

يجب ان نعلم ان الحياة الزوجيه تقوم على الحب والموده والاحترام المتبادل,وخيركم خيركم لاهله وانا خيركم لاهلي,ماهو على الابتزاز , والعبوديه,وفيه نقاط غامضة يجب ان توضح وتناقش لتوضيح هذه العلاقة
وشكرا,