تكفون يالربع الفزعه ..خلاص طفش من هالسالفه..

[رحال في بلادي]

السلام عليكم ورحمة الله وبركاته
..
.

مساء الخير جميعا

أنا ضيف لدى منتداكم ، وأريد منكم مساعده تكفون ..!!
بصراحه مشكله كبيره أنا واقع فيها ..ولا أدري كيف أجد لها حل ..
..أتدرون ما هي ؟؟
أنها الانترنت ..!!
أنا مدمن أنترنت ؟؟
مجرد ما أتي من العمل أقوم بفتح النت ، وأجلس قرابة الساعة انام ثم العصر أستيقظ ..؟؟وأرجع للنت ؟؟ بس اصلي واكل وارجع ..
واجلس بالساعات ..اتنقل بين المنتديات والصحف ومواقع الأخبار ..تصدقون بالله أشعر بصداع كبيرفي رأسي ..وأنا أكابر و أقول هذا من قلة النوم ..لكن والله انه من هالبلاء الي انا عايش معه ..أصبح اقرب لي اكثر من اهلي ..
..أنا وزوجتي دائما في خصام ..فهي تقول هذا هو ضرتي .!!!.لا تجلس معنا ولا تكلمنا ولا تهتم فينا ..ابنتي دائم تدعوا وتقول يارب بابا يترك المنتديات ..!؟
بصراحه مليت وزهقت بس ما ادري وش اسوي ؟؟
ادمان ادمان جنون بالانترنت ..وتحسبون استفيد ما غير مشاجرات في هالمنتديات ؟؟
وشيل وحط !!
تكفون وجهوني .؟
انا ما اطلع ولا ازور احد من هالمصيبه الي عندي ..حتى مشاغل البيت ما اخلصها الا بطلعة الروح ..؟؟
تصدقون قبل اسبوع ..ضرب الجاهز من كثر الفايروسات وعلى طول رحت فرمته ...!!
من الأدمان ..؟ الي عايش فيه ..مديري يقول وش بعيونك حمر ما تنام انت ؟؟
صار عندي رهب من الناس ما احب الاجتماعات .؟؟كل تفكيري وش رد علي فلان بالموضوع الفلاني وش قال فلان هم معي والا ضدي والله ابلشت ..؟؟ من كثر تولعي فيه ؟؟

وش اسواه يا ربع ..؟؟
اكسر هالجهاز والا اضحي باسرتي ؟؟
تكفون ردوا .لو بكلمه ..فيه احد مثال حالتي تتوقعون ؟؟

واسوني ..من جد راسي بتضرب فيوزه ..
تكفون يالربع الفزعه ..خلاص طفش من هالسالفه..ما اقول الا حسبي الله على الي اخترع هالنت الينها بلانا بشرها ..
كلمات خرجت من القلب .. طالعه من صميم قلبي

[ابونايف]

حياك الله معنا بالمنتدى ...

وربعك واجد من المدمنين بعض الملاحظات التي ذكرتها بالموضوع موجوده لدى البعض وأنا واحد منهم ...

اجلس على النت يومياً 12 ساعة على الأقل وفي اوقات مختلفه ...

لكن لم اشتكي من شي ولله الحمد بخصوص الصداع او قلت النوم أو أي تأثير على الصحة ...

دعواتي لك بالصحة والعافيه ...

[رفحاوي]

وعليكم السلام ورحمة الله وبركاته ...
حياك الله اخوي بمنتداك وبين اخوانك ...
ما شاء الله دخلة قوية ومناقشة موضوع هام ...
حالة تمر بالكثير في البداية وبعدها تصبح الانترنت امر اً عادياً ...
الصداع بلا شك من الجلوس لفترات طويلة متواصلة ...
يمكن ان تجعل النت لفترات متباعدة مثلاً تدخل الآن وتشيك على المواضيع لمدة 5 دقائق ثم تأتي بعد ساعة وهكذا ...

[فرحاء]

مرااااااحب رحـــال ياخووي هذا الزمن تلقي مدمنين النت كثااااار ... الحل ياخوي تكسر روتينك ولو يوم وبعدين تكسر روتينك بيومين وهكذا حتي تسطيع ترك النت بسهووله بالتدريج تقوول وشلون اكسر روتينك؟؟ انا اقولك خذ عمره اطلع بالمنتزهاات اربط نفسك بمووعد باي شئ ثااانـــــي ودمت سالـــــم

[ابو حمدان 2009]

حلها قراءة القران قابل دروسك بدال منت راسب بالدراسه اجلس مع اهلك احسن من السحب عليهم ساعد ابوك حتى بسواقة السياره احسن مايتعب ...

الحلول 100 حل وحل ...

بس الشيطان مايبي يفل ...

[حنين الماضي]

الحلول كثيره


حدد لك وقت لا تزيد عنه
ساعه مثلا الظهر وساعه العصر وساعه بعد العشاء
وحط منبه إذا خلصت الساعه طف الجهاز وافصل كل الأسلاك عشان كل مره تعيد التشبيك وتمل :d


الغ الدي اس ال من بيتك وارجع دايل اب حتى تمل من بطئه

كل ساعتين تقعدهن على النت اقعد مقابلن ساعتين مع زوجتك وعيالك برا البيت

قلل عدد المنتديات اللي تشارك به بدال ماهن عشر طعش واحد يكفي

الغ كل ايميلاتك وكل عضوياتك بالمنتديات ولا تبقي غير وحده


وقبل هذا الدعاء والقرآن والصلاة
اشغل نفسك فيهن تنشغل عن غيرهن



الحلول وش كثره لكن هل من مجرب