قصيده لعشاق الجمس

**الشرقاااوي** · 29 Mar 2009, 02:24 PM

[mark=FFFF66]هذي القصيده اهديها لكل عشاق الجموس ::

قال اللذي بالشعر بيطار وسياسي = لاقال قولٍ جميع الناس يمضونه

شرّاي اربع سلندر صابه افلاسي = تقزر سنينه وهو مايوفي اديونه

ياراعي الجمس خذت الفوز بالكاسي = لله درّ اللذي بالدين يشرونه

لاروّح الليل بردٍ والهوى قاسي = فاركب على الجمس خلّه يلعب افنونه

ياسايقه شيّكه من غير وسواسي = ودورية الطرق ماوالله يجيبونه

انا مجرّب وانا بالعلم حساسي = ولا قيل لي كلمةٍ بالجمس مضمونه

والجمس لامن ركبته طار عوماسي = لو طال ممشاه مايتعب دركسونه

مضبوط في هيكله والقير والشاسي = وكنها تروسه مع التعشيق مدهونه

خبّ الصلف بالحموله يفرس افراسي = ولاداس ربع السليتر جاب طبلونه

ردوّ سلامي وانا باكشف لكم راسي = وشكري على مصنعه واللي يجيبونه

منقوله[/mark]

**سهرانه** · 29 Mar 2009, 02:30 PM

[align=center]
سلمت يداك

اكثر القصيده ما فهمتها لانها بالسيارات ومدري شو

ووقفت عند البيت

لله در الذي بالدين يشرونه

حاولت فهم الشطر بفهمين الاول مو زين لان الدين مو زين
الثاني
زين وهو انهم يعرفون قيمته واهميته حتى لو بدين يشرون

صح لسان ناقلها وقايلها[/align]

**المضياني1** · 29 Mar 2009, 08:55 PM

لاصرت شفقان(ن)وتبغى الوناسات **** ومتزهبن من كل شي(ن) يعـــــــوزي
وللصيد في نفسك هواة ومسرات **** وشوف التلاع لنظر عينك يجـــــــــوزي
إستعمل اللي ماتهمه مسافــــــات **** جمس(ن) على دعسة أبنصه ينوزي

**الشرقاااوي** · 29 Mar 2009, 10:44 PM

سهرانه

القصيده واضحه بس شكلك حضيريه ههههههه

ونعم قصده يشترونه لو بالدين

مشكوره على الملاحظه....... تحيتي لك

**~ابو ليث~** · 12 Apr 2009, 03:00 PM

قصيده رائعه ...
وسلمت أنامل اللي نقلها ....

لاروّح الليل بردٍ والهوى قاسي = فاركب على الجمس خلّه يلعب افنونه

**الشرقاااوي** · 12 Apr 2009, 04:43 PM

المضياني

ابيات حلو ومرور احلى بارك الله فيك ولاهنت

**الشرقاااوي** · 12 Apr 2009, 04:45 PM

ابو ليث

بارك الله فيك ومشكور على التواجد الطيب لاهنت

**راس سنجار** · 12 Apr 2009, 08:24 PM

مشكور اخوي وما قصرت

**الشرقاااوي** · 13 Apr 2009, 11:27 AM

راس سنجار

مشكور انت على تواجدك هنا وسلم على لينه هههه

آخر المشاركات

الموضوع: قصيده لعشاق الجمس

أدوات الموضوع

تقييم هذا الموضوع

عرض

قصيده لعشاق الجمس

مواقع النشر (المفضلة)

مواقع النشر (المفضلة)

ضوابط المشاركة