ܓܨܓالسفينه ܓܨܓ

**نايف عايد** · 19 Apr 2009, 10:30 AM

السلام عليكم ورحمة الله وبركاته

ابلغكم سلام اخوي الشاعر نايف الذعذاع وتحياته

ويهدي لكم هذه الرائعه

هيه ياللي من عبثك العام اغرقت السفينه
جايني تفهق جديلك علمن ويش انت ناوي
.
ما تمل من الوقوف ولا تكل من المـــــــدينه
كل عرق ٍ من عروق الجوف ياجوفي حياوي
0
الرجـــــل يعزه الله بعــــزته لا عــــز دينه
والغلا لامن تمكن بالحشا مالــــــــــه مداوي
0
والسحاب الي نشامن غرب وجه صوب لينه
والخضار اللي شبك بفياضها يالصيف ذاوي
0
جيتني من بعد خمس ٍ ورثن صبر وغبينه
وجردن عود اليتيم وكحلن عين الهـــــواوي
0
ليه تسأل كيف حالك؟ وانت تدري بالثمينه!
ما خذاها الا غلاك ودمعة اسواق (العلاوي)
0
ليه رحتي ؟ يا ظلال المنتظر ياساس طينه
وين رحتي؟ والغلا سبـّــق معاكيف النداوي
0
ماوحشتك؟ ماوحشك القلب؟ ماهزك حنينه؟
ماظناك الشوق؟ ما بكاك ؟ما عناك لاوي؟
0
ماسهرتي؟ ماسألتي نايف الذعذاع وينه؟
ليه من بعد اجتماع الشمل سموه الخلاوي؟
0
هذا انا وانتي هذا انتي والزمن وفـّـاي دينه
من رحلتي والحياه وموتي بكف التساوي
0
كان جيتي لشماته! فرصه وجاتك ثمينه
بس خبري بك اصيله والاصيله ما تلاوي
0
امسحي دمعك فداك الموج وحطام السفينه
لايهل دمعك على حالي ترا ماني بقاوي
0
(اقهدي) من فوق صدر ٍ ما وصلك الاحنينه
ولا يغثك جرد عودي .قد. زملات الهقاوي
0
ماني الحالي معاي الجوع وعيال الغبينه
ولا طرقت الشعر شوفي يتبعن مليون غاوي
0
نايف الذعذاع

**نايف عايد** · 19 Apr 2009, 10:37 PM

صح الله لساني

وربي اني شاعر

**ابومحمدالزوبعي** · 19 Apr 2009, 11:12 PM

صح لسانك أخي نايف ويعطيك العافيه

**تربوي** · 20 Apr 2009, 12:59 AM

صح لسانك ..

**سهرانه** · 20 Apr 2009, 03:02 AM

[align=center]
سلمت يداك
صح لسانك ولسان الشاعر نايف الذعذاع
والله يسلمك ويسلمه
[/align]

آخر المشاركات

الموضوع: ܓܨܓالسفينه ܓܨܓ

أدوات الموضوع

تقييم هذا الموضوع

عرض

ܓܨܓالسفينه ܓܨܓ

مواقع النشر (المفضلة)

مواقع النشر (المفضلة)

ضوابط المشاركة