قصيدة الشمري في مدح الويلان

**درزن خواتم** · 20 May 2009, 05:20 AM

مــســـاء / صــــبــاح

الخيرآت

قصيدة مدح لقبيلة عنزه اعجبتني ..

القصيدة لشاعر:عايد الشمري والقصيده مسنده لحسين البليهي

تفضلوا ....

يعني على قولة هل العرف ياحسيـن
لاخيـر فـي رجـلٍ بليـا جمـاعـه

ولانـي ولـدت بـدار فكاكـة الديـن
اهل الكرم والطيب واهـل الشجاعـه

ويلان لا وردو على المـوت عجليـن
فيهـم علـى ورد المنايـا بتـاعـه

الطيبـيـن الطاهـريـن النقـيـيـن
الخيـريـن الصادقـيـن السبـاعـه

موفين حق الجـار بالطيـب والليـن
للجار فـي قـرب النشامـا مناعـه

معهم سليت ورحت بالمذهـب الزيـن
راحت معاهم حفنـة سنيـن ساعـه

ثلثيـن عمـري راح يـا وي ثلثيـن
مايـوم جتنـي العايلـه واللكـاعـه

صاروا لي الطف من غطا الجفن للعين
وارق من حكـي الحديـث بشفاعـه

تحس في قـرب الرجـال المياميـن
انك اخو من ((دم)) ولا ((رضاعـه))

حمّاية الوضحا مـن اللـي مغيريـن
لاوين مـن طالـت عليهـم ذراعـه

واجب علي اذكـر فعـول الكريميـن
اللي شروا كسب المراجـل بضاعـه

مدامنـي وافـي واحـب الوفيـيـن
وقناعتـي فيهـم تفـوق القنـاعـه

لازم علـيّ اعـد فعـل الحشيميـن
واترك حديـث الناكسـه والرعاعـه

اترك علوم عفون الاشـوار مهفيـن
حـق الرجـال الطاهـره بالشناعـه

نقالة الحكـي الملفـق علـى ويـن
بالهون ياهـل الواطيـه والبشاعـه

ياحسيـن ماتوخـذ قبيلـه بخبلّـيـن
مادامهـم مـا يـوم جابـو قلاعـه

دحوش الرجـال مقابليـن النساويـن
اهل الحكي والكذب واهـل الخناعـه

وياحسين قالوا في حديـث القديميـن
تحشم كـلاب القـوم رغـم الدناعـه

وانـا لـك الله ماسمعـت المقفـيـن
واللي مشا لـي بـاع دبلّـت باعـه

مايرخـص الغاليـن فعـل الردييـن
راعه بقلبـي حـب الاجـواد راعـه

ياحسين جيت ونبض كـل الشراييـن
حب عنزه باعلـى عوالـي رفاعـه

ولاتحسبنـي جيـت لانـي مسيكيـن
ولا سـلايـل دافعـيـن الرتـاعـه

جيتك ولد مـن روس ربـعٍ عريبيـن
شبـوب نـارٍ عـالـي بانـدلاعـه

انـا سـلايـل لابــة بالملايـيـن
بالضبـط امـه كاملـه باتسـاعـه

شمر على عرش المراجـل سلاطيـن
اسياد عرش الطيب من فـوق قاعـه

ان جت على الفزعات نعمك ونعميـن
وان جت على المده تموت المجاعـه

ولا جت على وصل الرحـم للقريبيـن
اقسـم قسـم مـا بالطنايـا قطاعـه

الحاصل ان القلـب مابيـن عرقيـن
متساويـات بنبضـهـن واندفـاعـه

عرق النسب واسم الطنايا العزيزيـن
وعرقٍ مع الويلان صعـب انقطاعـه

وامنت في قـول الرجـال الحكيميـن
مربى الولد يغلب على الاصل طاعـه

ياحسين واللي نـزل الطـور والتيـن
واللي هدى الانسـان فـن الزراعـه

ماقلتها ياحسين واقصـد بهـا شيـن
غير الثنـا بالطيـب مامـن طماعـه

حبي لكم ياحسين اصـل المضاميـن
ومداد حرفٍي مـع سنـاه وشعاعـه

حـرف كتبتـه ورد فـل ورياحـيـن
وياليت كـل النـاس تقـدر سماعـه

وربـي لرددهـا بـكـل الميـاديـن
ولو لي بعد قـدره نصيـت الاذاعـه

لاني وفـي عشّـاق طبـع الوفييـن
وقناعتـي فيكـم تفـوق القنـاعـه

وختامها بالـورد والعطـر ياحسيـن
مني لكـم ياهـل الوفـا يالجماعـه

اختكم
بنت الويلان

**kermalk** · 20 May 2009, 05:50 AM

ونعم يستاهلون الخير والطيب الاجواد وياملا العافيه درزن قصيده ونستن الله يعطيكي الصحه والسعادة

**جناشمر** · 20 May 2009, 06:16 AM

يستاهلون المدح العنوزويعطيك العافيه بنت الويلان درزن خواتم

**فخر شمر** · 20 May 2009, 01:25 PM

والنعم فيكي أختي بنت الويلان

**درزن خواتم** · 21 May 2009, 03:15 AM

كرمالك

جناشمر

فخر شمر

والنعم فيكم اخواني والله يشرفنا وياكم

**دلوعة التومان** · 22 May 2009, 12:22 PM

مشكوره اختي على القصيده الاكثر من روعه

تقبلي مروري
&&دـــلــــوـــ ع ـــــة الـــــتــــوـــ م ــــانـ&&

**أبو ماضي** · 22 May 2009, 05:59 PM

مشكووووووووورة على القصيد أرائع ونعم في عيال وايل تقبلي مروري

**نايف عايد** · 27 May 2009, 12:43 AM

كفو يالشمري

وما هي غريبه عليكم

رد الطيب بالطيب

والف شكر يام الخواتم

**سهرانه** · 28 May 2009, 01:13 AM

[align=center]
سلمت يداك
وصح لسان قايلها وناقلها

[/align]

**خيال البويضا** · 01 Jun 2009, 11:51 PM

صح لساااااااااانه ومشكوريننن على النقل

**شـــذى الورد** · 04 Jun 2009, 05:14 PM

مشكــــــــــوره درزن خواتم على ذي القصيده الحلوه

تحياتي لك..

█₪҉_‗ੀ҉ഝ҉ഝѾೋѽܔ҉ೠ ܊४ộỘਊشًٍَِـًِـٍٍََ~ـًٍُِـذًِوًُِـًٍٍُوًًٍٍٍِ♥♥أٍَل ًٍَِـًٍَ[ـًًٍَوًٍٍِـًٍٍََـًٍٍََرًٍٍَِـًٍٍَرًٍدًٍٍَਊỘộ४ೠ҉ೠ҉ܔ ѽೋѾഝ҉ഝ҉ਿ‗҉₪█

**تربوي** · 10 Jun 2009, 07:03 PM

يستاهلون كل خير

صح لسان الشاعر ... شكرا لك على النقل..

**المديرالسعودي** · 12 Jun 2009, 10:41 PM

يعطيك العافيه
يستاهلون المدح
تحيااتي

**خالد الدهمشي** · 28 Jun 2009, 03:20 AM

صح لسان الشعر/ عايــــد الشمري

والطيب مايضيع عند الطيبين وهذا من طيبه

وعلى قولة الشاعر عايد الشمري

تحس في قـرب الرجـال المياميـن
انك اخو من ((دم)) ولا ((رضاعـه

وشكرا لأخت درزن خواتم على نشر القصيده

**flower** · 29 Jun 2009, 07:14 AM

قصيده رائعه

ويستاهلون عيال وايل

طيب ونخوه وشهامه

بدون قصور في باقي القبايل

شكرا" على النقل

آخر المشاركات

الموضوع: قصيدة الشمري في مدح الويلان

أدوات الموضوع

تقييم هذا الموضوع

عرض

قصيدة الشمري في مدح الويلان

مواقع النشر (المفضلة)

مواقع النشر (المفضلة)

ضوابط المشاركة