بيت دورين ... سلفيه فلسيه !!

[النشمي عناد]

بيت دورين بسلفيه فلسيه ..!

تفليسيه .

نعم بيت دورين ... أو فيلا سكنيه .

هاااا قد وصل نتاج صندوق التنميه العقاري بعد عمر طويل !
والله وجاء الموعد المنتظر
ونزل اسمي .

[mark=#8400ff]سلفيتي .. سلفيتي [/mark]
[mark=#ff00ae]تفليستي .. تفليستي [/mark]
ههههههههههههههههه


...
أنتظرت كأي مواطن سعودي منتف
ينتظر سلفة أو سلفية بنك التنميه العقاري ؟
أي سُلفه !!
هي سلفه واحده تبني لي بيتي ؟؟

لا ... وألفُ لا...
[mark=#5100ff] بل هي سلفيات وتسلفات [/mark]
[mark=#00ff99]ووعدات .. وديوووون [/mark]
أد السماء .
...
في بداية المشوار كيف تحصل
على أرض سكنيه ؟
أكيد بالقطاره ... ومن عُنق الزجاجه ... وبأقل من مهلك ... ستصلك
قطعة أرض بعد أكثر من عقداً من الزمن ,
ويزودونها حبتين لين تكمل سن قانوني خاص بالبلديات ؟
يعني أنا أحس بسعوديتي لما والدي يخلص لي
بطاقه وهويه من الأحوال المدنيه في السادسه عشرمن عمري.
لكن البلديه ترفض ألا ...السن القانوني حقهم , يعني مايحق لك تتقدم بطلب قطعة أرض ألا بعد حصولك ع الهويه بكم سنه يعني [mark=#1100ff]( تتمرجل )[/mark] شوي !!

مايحق لك تتقدم لطلب في تراب وطنك وأرضك .

بعد عقداً من الزمن ربما يكون لديك صك أرض سكنيه !!
لو أنت تاجر تعطيك البلديه فوراً .. أقل شيء تستأجر !
ولو زريبة أو حوش غنم .. ماتتأخر
كثر مايتأخر سكن البشر !
والله مصيبه يازمن شوف الأحكام
بالهم نرضى مارضى الهم فينا
...
هنا عاد تبداء القطاره صحيح
تتقدم للصندوق العقاري
والله ألا تجلس وتجلس وتمل وتمل
لين الملل يمل !
لما تبلغ من العمر عتياً
ستصلك
( ثلاثمائة ألف ) ريال
على شكل دفعات .
أول دفعه ونقمه وحرج وفتنه
( ثلاثون ألف ) ريال
وش تسوي فيها أول دفعه ؟
لابد من خلالها أن يقوم بيتك عظم !
والظاهر مايقوم عظم
ألا ... لين تبطي عظم !!
وهالجمله يقال : أنها أُشتقت من البطأ
في قيام البيت عظم .
( ثلاثون ألف ) ريال
بالله وش تجيب ياصندوق التنميه ؟
[mark=#00ffbf] حديد .. خراسانه .. طابوق .. مقدم مقاول .. حفر .. دفان .[/mark]
لا ...
ستظطر إلى أن تقترض من أحد البنوك ..!
وربما تمر تويوتا ... وشريطية التقسيط
لكي يقف بيتك عظم !!
وينكسر لك عشرين عظم !
يعني سالفتك وحوبة هالبنك العقاري
شربكوك بدنيا التقسيط

...
بالتالي تطلع شاب[mark=#ff0033] سعودي منتف ![/mark]
تطلع مطلوب من الجميع ومنتف صحيح .
ستغيب عن الناس
عمل جاد ومتابعه مع المقاول
وتلقاك موزع الرويتب
هذا إن لم يكن كذلك رويتب
[mark=#00ff84] أم العيال كانها موظفه ؟[/mark]
ويالله تعين الناس

...
هالعقار ي إذاه خايف منك ومو ظامن حقه !!
ويخاف أنك تلهف
القرض الأول ...
ليش مايوفر لك الحديد أو الخراسانه بفواتير
أو شيكات أو أي طريقه يضمنون فيها حقوقهم ؟؟
[mark=#ff0066] فالثلاثين هذي بالله وش تسوي [/mark]؟
...

وتاتي آخر مراحل البناء والعمار
وتستلم آخر دفعه
وتعزم القرايب والجيران والمقاول .
وتجيك
الأقساط من جديد
لكي تعرف أنك سعودي منتف
واللي ينتفك هالمره
أفغااااااااااااني الأثااااااااااااث
أعان الله الجميع
...

الوسام .. توني عذرتك ع غيبتك
ومايغيبني الآن عنك وعن
أحبابنا
هو القرض الفرض .


...

[فخر شمر]

والله ماتسوي شي

بس مانقول

الا

الله يعين

[النشمي عناد]

هلابك يافخر كل القبايل

أسعدني تواجدك هنيا ... وهالسلفيه اللي مايعطونك منه
كود ثلاثين ألف
والله ياوراها سلفيااااات

عليكم ببيوت النموذجيه

أشتر برخيص ورمم
وأسكن

...

[فخر شمر]

هههههههههههه

والله انت قلتها اشتر برخيص
ورمم واسكن

مافيهم خير يبن الحلال

[الوسام]

النشمي عناد لك كل التحايا القلبيه من أخوك الوسام ..اولآ موضوعك يحمل هموم وشجون ثانيآاعانك الله فاالبناء هم هم لايطاق مقيوله وانا اخوك العمار دمار ثالثآ تصدق ياالنشمي منزلي ارضه مساحه 720 ومسطح البناء كله تحت وفوق 500 متر لحد الان دافع لاتنصدم 550ألف هذا من دون الاثاث .تحياتي لك وباالتوفيق ..

[شخبوط]

الله يعين المنتظر طال صبره !!!

زين اللي طلع اسمك بوقت رخيص

المواد .

البناء وليس الغذاء ؟؟؟

على فكرة فيه ناس قدموا قرض سكني

ووافتهم المنيه وهم على انتظار .

سبحان الله خيرات وأموال !!!

لكن !!! نبقى نرددها لعلها تزول لكن ؟؟؟

اشكرك على الطرح الجميل

اخي النشمي عناد وتقبل مروري

[رااايق]

وش يقول الي نزل الحديد ب 6000 ريال * 25 طن (( أقل شي )) = 150000 ريال ..

هذا بس الحديد .. ناهيك عن الكهرب والمواد الثانية ....

لاكن أبشرك بدا مجلس الشورى (( يدرس )) زيادة القرض إلى خمس مية ألف ..

[النشمي عناد]

وش يقول الي نزل الحديد ب 6000 ريال * 25 طن (( أقل شي )) = 150000 ريال ..

هذا بس الحديد .. ناهيك عن الكهرب والمواد الثانية ....

لاكن أبشرك بدا مجلس الشورى (( يدرس )) زيادة القرض إلى خمس مية ألف ..

لاتنسانا بالنزاله ... عساه منزل مبروك

وانشاء يبنى لك منزل في الجنه .

شاكر لك .

[النشمي عناد]

الله يعين المنتظر طال صبره !!!

زين اللي طلع اسمك بوقت رخيص

المواد .

البناء وليس الغذاء ؟؟؟

على فكرة فيه ناس قدموا قرض سكني

ووافتهم المنيه وهم على انتظار .

سبحان الله خيرات وأموال !!!

لكن !!! نبقى نرددها لعلها تزول لكن ؟؟؟

اشكرك على الطرح الجميل

اخي النشمي عناد وتقبل مروري

والله ماجميل ألا تواجد أمثالك ... شاكر لك تواجدك هنيا .

متابعتك تهمن .

[النشمي عناد]

النشمي عناد لك كل التحايا القلبيه من أخوك الوسام ..اولآ موضوعك يحمل هموم وشجون ثانيآاعانك الله فاالبناء هم هم لايطاق مقيوله وانا اخوك العمار دمار ثالثآ تصدق ياالنشمي منزلي ارضه مساحه 720 ومسطح البناء كله تحت وفوق 500 متر لحد الان دافع لاتنصدم 550ألف هذا من دون الاثاث .تحياتي لك وباالتوفيق ..

الله يخليك يالوساااااااااااااااام

والله ياخي مشكلتنا

عدم إتحاد وترابط الاوامر في القطاعات الحكوميه

وأن أوامر البنك العقاري

قديمه

ولامن تحديث ... ولامن يتكلم ؟

هالموضوع طراك علي

ولا انت دايم عالبال


:d

[ابومحمدالزوبعي]

الله يعينك أخي النشمي صراحه طريقة بنك التنميه العقاري طريقه متخلفه جداً فيه عدة أمور يستطيعون أن يضمنوا فيها المقترض منها ماذكرته بارك الله فيك ومنها لو يسلمونها الى شركه تقوم بالبناء للمقترض

يعطيك العافيه أخي الغالي أبوعمــر موضوع رائع ويلامس الجرح

[النشمي عناد]

الله يعينك أخي النشمي صراحه طريقة بنك التنميه العقاري طريقه متخلفه جداً فيه عدة أمور يستطيعون أن يضمنوا فيها المقترض منها ماذكرته بارك الله فيك ومنها لو يسلمونها الى شركه تقوم بالبناء للمقترض

يعطيك العافيه أخي الغالي أبوعمــر موضوع رائع ويلامس الجرح

الله يعافيك يالعزووووه

دائما متابع ... إنموذج حسن في منتدااااااانا أنت .

[فياض قدر]

مبروك السلفية وشد حيلك مافي شيء يجي بسهولة
بعدين ترى دين البيت ماهو دين له عوض كلما استلقيت على ظهرك وشفت سقف البيت اللي يضف عيالك ابتسمت ابتسامه عريضة وقلت مافي مشكلة عشان الهدف هذا لابد من تحمل الديون وغير الديون
اعانك الله !!

[النشمي عناد]

مبروك السلفية وشد حيلك مافي شيء يجي بسهولة
بعدين ترى دين البيت ماهو دين له عوض كلما استلقيت على ظهرك وشفت سقف البيت اللي يضف عيالك ابتسمت ابتسامه عريضة وقلت مافي مشكلة عشان الهدف هذا لابد من تحمل الديون وغير الديون
اعانك الله !!

حكي عاقل وعقلاني جداً وواقعي

الله يخليك .

[عز الخوي]

الله يعينك واحمد ربك نزل قرضك انا صار عمري 31 سنه وما قدمت على القرض لأني عارف انه مارح ينزل قريب واذا نزل وراها ديون والدين عمى عين


على فكرة صحيح مجلس الشورى يدرس رفع القرض الى 500000 ريال
ويدرس معه كمان الأرض اللي قدمت عليها القرض هي اللي تبني عليها او يروح القرض
تقبل مروري