لا صرت ماتدري ليه أنت رجال

[kermalk]

إذا المراجل لبسة شماغ وعقال
قل للعذارى يلبسنّ العمايم
بيت كنت دايم اردده وكان نفسي اعرف القصيده كامله
ويوم طاحت بيدي قلت لازم تشاركوني روعتها


إذا المراجل لبسة شماغ وعقال
قل للعذارى يلبسنّ العمايم
ما عاد يفرق زول حرمه ورجال
دام الفعايل تشبه البعض دايم
المرجله ما هيب كلمه وتنقال
وتروح ما راحت هبوب النسايم
وإلا خشونة صوت أو رفع الأثقال
أو رزة صدور وفعل الزلايم
ولا هي بعد مفتاح موتر وجوال
وإلا ردى لسانن حديثه شتايم
المرجله شيمه عن القيل والقال
رفيع نفس (ن) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولد أبويه يا عظيم العزايم
يا معرب الجدين من العم والخال
يا نخوة المفزوع وقت الهزايم
المرجله يا خوي هي طولة البال
هي العزم هي الصبر فالظلايم
فيها الكرم عزه دله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولامن نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالو فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في درب الأنذال
وتتبع خوي إبليس راع النمايم
النفس خيل لك إذا كنت خيّال
ومن لا قوى نفسه قوته الهزايم
ولا صرت ما تدري لو يش أنت رجال
والله خسارة فيك ذبح التمايم

[كنترول]

قصيده رائعه بارك الله فيك اخي كرمالك

[kermalk]

قصيده رائعه بارك الله فيك اخي كرمالك

الله يبارك بعمرك ومالك وعيالك كنترول

[تربوي]

صح لسان الشاعر على هالقصيدة الرائعة والتي تبين فيها معنى الرجولة ..

تسلم كرمالك ...

[kermalk]

صح لسان الشاعر على هالقصيدة الرائعة والتي تبين فيها معنى الرجولة ..

تسلم كرمالك ...

الله يسلمك تربوي

[الدب الداشر]

رااااااائعة ..

شكرا ً لك لإشراكنا في في قسمة كيكة الجمال ..

صح لسان الشاعر والنااقـل ..

[kermalk]

رااااااائعة ..

شكرا ً لك لإشراكنا في في قسمة كيكة الجمال ..

صح لسان الشاعر والنااقـل ..

صح بدنك وأهلين وسهلين الدب