رداً على تصرف أبن شويه مع احد ابناء القبيله

[عبدالله الاسلمي]

السلام عليكم ورحمة الله وبركاته

ردا َ على ماحصل في قصر صاحب السمو الملكي الامير سلطان بن عبدالعزيز مع ابن الوطن خالد ابن شفق ابن رخيص الشمري . من قبل ماجد أبن بندر أبن شويه .. من سب وطعن . وأستهزاء بقبيلته قبيلة شمر العريقه

وهذا نداء موجه الى جميع ابناء شمر الاحرار . وأخص شعراء القبيله بالوقوف مع ابن القبيلة خالد ابن شفق ابن رخيص

وردع امثال ابن شويه من التعرض والمساس في قبيلة شمر او احد ابناء قبيلتنا

أترككم مع الصوتيه
http://www.subae3.net/usrcp.php?go=fileuser&id=21


الابيات كتابيا َ


ياوجد قلبي كل ماذكرت الدار ... .... يطري على قلب المعنا وليفه

يتل قلبي حب سلمى وسنجار ... ... حب الطنايا مفرقين الوليفه

ياذكرهم عدا محطات الاخبار ... ... وعدا صحف ومجلدات وصحيفه

نلعب طرب من فوق قب الامهار ... ... وعدونا تلقى حياته مخيفه

اليا عطو تدافقو مثل الانهار ... ... ماحسبو مد الذهب والكليفه

واليااقبلو تدافقو مثل الامهار .. ... . والشمري عطر على الدم سيفه

وليا جيت وغدن توه اليوم ماسار .. .. اقلط على حب المعزب لضيفه

نكرم عزيز النفس والجار للجار ... ... ولا الردي يبطي لشكله وصيفه

جيت لولي العهد مع وقت الاسحار ... ... سلطان ربع نجد لوهي خريفه

حرن شلع ماهو على كف صقار ... ... سلايل من وحد ثرى نجد سيفه

نخيتكم عبده والاسلم وسنجار ... .... وساع الطعون اللي نخبركم صريفه

شيوخ شمر لابتي والفشق ثار ... ... نخيتكم والقلب يدفق نزيفه

علمن تعدا السبيع بالسر وجهار ... ... حنا ترى نار الحريب وهفيفه

يقدع لنا تمر تمر الحساء بن وبهار ... ... يومن بعض الناس تشحذ رغيفه

أبن الرخيص أنتم طويلين الاشبار ... ... أبوك راع المجد وانت الخليفه

ماينحني راسك ولو صار ماصار ... ... دامك عزيز النفس وروحك شريفه

إسمع يابن شويه على الخط ماسار ... ... حنا لـ ابو متعب وحنا حليفه

ماجيت ابطلب منك شرهه ودينار ... ... ولا بجزلات الحمول وخفيفه

يالابتي كان الزمن بوه وقت يندار ... ... ويشوف ابن شويه القصور المنيفه

يشوف برزان الطنايا والاطهار ... ... ويشوف عزن مامضى اليوم سيٍِفه ِ

تمت وصلت عد ماليل ونهار ... على محمد المختار مامر طيفه

الشاعر : حر سنجاره

علي الاسلمي

[رفحاوي]

وعليكم السلام ورحمة الله وبركاته ...
والنعم بإبن شوية وسبيع كلهم ...
وما أعرفه عنهم هو التعامل الطيب والأخلاق الحسنة ...
شمرقبيلة كبيرة لن يضرها مهما قيل وخاصة من الجهلة ...
أما المهاترات الشعرية فغير مناسبة لهاتين القبيلتين ...

[الدب الداشر]

صح لسان الشاعر ..

ومثل ما قال رفحاوي ..

[راعي غنم]

هذا شخص لايمثل قبيلة سبيع العريقة
فهذا هو زمن الساقطين والرويبضه
لا تأسفن على غدر الزمان لطالما... رقصت على جثث الأسود كلاب
لا تحسبن برقصها تعلو على أسيادها...تبقى الأسود أسود والكلاب كلاب
تبقى الأسود مخيفة في أسرها... حتى وإن نبحت عليها كلاب

[الدكتور غيم]

لايستطيع احد ان ينتقص من قدر قبيلة شمر العريضه
وماقصر بن رخيص رد عليه

وصح لسان الشاعر علي الاسلمي على هذا الرد الوافي

[عز الخوي]

شخص جاهل يتكلم على قبيله من ملايين البشر
واذا اتتك مسبتي من جاهل
فهي شهادة بأني كامل
والكمال لله عز وجل

[أرسلان]

من الأفضل أن تقابل الأساءة بالأحسان

[روز]

صــح الســآنك ياالشاعر علي الاسلمي
قصيده جزله ولكن وين شمــــر ؟؟!!

والله لو اني شاعره الا ارد عليه وعلى اشكاله ؟؟
واتمنى ان الشاعر عبدالكريم الجباري الاسلمي يرد عليه

[أبو هيا]

الله يهديكم...

الشمري يمكن مجنون والسبيعي يمكن مهبول..كيف تصير بين قبيلتين عريقتين من اجل شعار او مجنن!!!

خلوكم عاقلين ولايحرككم موضوع بسيط مثل هذا

[ولد الغلبا]

** تحرير **

[ولد الغلبا]

** تحرير **

[ولد الغلبا]

** تحرير **

[ولد الغلبا]

** تحرير **

[شمـــاليه]

من الجميع ..
اتمنى التقيد بشروط هذا القسم والا سيتم تحرير وحذف كل رد غير لائق
دون اشعار صاحبه ..

[برق الشرق]

وكلهم ونعم

سبيع الغلبا

وشمر الطنايا

وذا لايمثل الانفسه