شي مضحك ياشقق وفنادق رفحاء ...

[الوسام]

أخواني الأعضاء

حدثني صديقي كان مسافرآ من حفرالباطن لعرعر يوم الخميس الماضي واثناء سفرته واقترابه من رفحاء حوالي الساعه 9 صباحآ قرار بعد ان غلبه النعاس وخوفآ على نفسه من حوادث الطريق ان يستأجر غرفه لمدة 3 ساعات كي يرتاح ثم يواصل سفرته ولكن هنا بدت المعانات مر اول شي بشقق الفرسان طلع إجار 3 ساعات 60 ريال وبعد ان صعد للغرفه تفاجه ان الكهرباء منقطعه ونزل للموظف واخبره ان الكهرباء منقطعه وضحك البنقالي وقال انا في معلوم كهرب مافي شنو يسوي افتح شباك ونام ..بدى الغضب يظهر على خوينا وقاعد يدور قدام على طول الشارع العام ونفس الحكايه الكهرب منقطع واسعار 3 الساعات في تزايد لين 150 ريال حتى فندق سما لين طلع من رفحاء كله ..(ونام بسيارته المسكين)

الشاهد من هذا الموقف!!!

1ـ للأسف ان شركة الكهرباءفي رفحاء غير مهتمه للمسافرين وظروفهم(( معقوله كهرباء طافي على الشارع كله لا ودولي بعد؟)
2ـ اسعار الشقق والفنادق يمتلكها الطمع والجشع حتى في انقطاع الكهرباء(رغم انه فاضيه)

يااليت المسؤلين واصحاب الأملاك يهتمو بهذه الملاحظه حيث ان بعد ايام قليله سوف تشهد المحافظه مرورآ غير منقطع للمسافرين طوال عطلة الصيف وخاصه من دول الخليج...

لذلك خلو المسافرين ((يدعون لكم ولايدعون عليكم)) يامدينة الضباب

[شمـــاليه]

الله يعين

من ايااااااااااام المتوسط والثانوي ورفحاء يطفي عليها الكهرب

بس الايام هذي كل المناطق تقريبا يطفون عليهم عارف ليه؟

المشكله ان الرياض وجده يسوون توسعه للكهرباء عندهم

واجبرو المناطق الاخرى ترسل لهم طاقه كهربائيه لمدة شهر

عشان يخلصون من التوسعه

ويوم يرسلون الطاقه لهم يطفونه علينا حسبي الله عليهم

[RwaQaAN]

والله يالوسام كل الناس تشتكي من انقطاع الكهرباء
حتى في الرياض ينقطع الكهرب ويقولون القصيم بعد ( انفلونزا الكهرباء ) وربي شي غريب الانقطاع هذي السنه

الله يعين

[سعود الشمري]

لا تستغرب شي برفحاء

لارقابة ولامسؤليه !! الله المستعان

الهجر والقرى افضل منها بأغلب الخدمات المتوفرة مثل الكهرباء والماء


شكرا لك الوسام

وحنا معازيب خوايك ومن يعز عليك طال عمرك والله محييهم بأي وقت

[عروووبة]

يالله تحيي ضيوف رفحاء
مير لايواخذونا على القصور
ماهي باليد ..

واحدنا باليل يحوم بالشمعة تقل مشعوذ

هم غاثهم جملة (( الصدور شمالية ))
وشكلهم حالفين
الا يخلون هالصدور قواطي صلصل
ياحبهم لنا هالشركة!!!!

الله يعين

مشكووور اخوى الوسام

[المديرالسعودي]

اهلا بالوسام
تحياتي لك واحييك
كان الله بعون الرجال
وربك المستعان

[ابو متعب]

أؤيدكـ فيه أرتفاع كيف لو كانت رفحاء مدينة سياحية أو فيها

أثار ومتاحف ياترى كيف تحصل على الشقة؟؟؟ للمعلومية فيه

شقق في الرياض والشرقية أرخص من مدينة الضباب؟؟؟

لكن بما أن الغلاء ظاهرة عالمية كذلك أنقطاع التيار ظاهرة سعودية

فسألتمس لهم عذرا" وشكرا" الوسسسسام

[احمد الجري]

لا حياه لمن تنادي ... يعني المسؤلين مهم دارين عن الي صاير بس المشكله كلن يقول انا مالي ذنب ويتهربون من المسؤليه ...

شكرا لك اخي الوسااااام ...

[الوسام]

الله يعين

من ايااااااااااام المتوسط والثانوي ورفحاء يطفي عليها الكهرب

بس الايام هذي كل المناطق تقريبا يطفون عليهم عارف ليه؟

المشكله ان الرياض وجده يسوون توسعه للكهرباء عندهم

واجبرو المناطق الاخرى ترسل لهم طاقه كهربائيه لمدة شهر

عشان يخلصون من التوسعه

ويوم يرسلون الطاقه لهم يطفونه علينا حسبي الله عليهم

هلآ أختي شماليه سعدنا بمرورك وتعليقك المرح .....لك خالص الشكر

[الوسام]

والله يالوسام كل الناس تشتكي من انقطاع الكهرباء
حتى في الرياض ينقطع الكهرب ويقولون القصيم بعد ( انفلونزا الكهرباء ) وربي شي غريب الانقطاع هذي السنه

الله يعين

هلآ أخي الفاضل سعدنا بمرورك ...صح كلآ يشتكي من انقطاع الكهرباء لكن مو لهدرجه
قد تكون الاغلبيه على الاحياء... لكن مو على امتداد الشارع الدولي !!!!!

[الوسام]

لا تستغرب شي برفحاء

لارقابة ولامسؤليه !! الله المستعان

الهجر والقرى افضل منها بأغلب الخدمات المتوفرة مثل الكهرباء والماء


شكرا لك الوسام

وحنا معازيب خوايك ومن يعز عليك طال عمرك والله محييهم بأي وقت

هلآ أخي العزيز سعودالشمري اشكرك على مشاركتك الجميله وطيب اخلاقك وكرمك ...
فعلآ على هاالموقف شكل القرى أفضل بكثير من رفحاء؟

[الوسام]

يالله تحيي ضيوف رفحاء
مير لايواخذونا على القصور
ماهي باليد ..

واحدنا باليل يحوم بالشمعة تقل مشعوذ

هم غاثهم جملة (( الصدور شمالية ))
وشكلهم حالفين
الا يخلون هالصدور قواطي صلصل
ياحبهم لنا هالشركة!!!!

الله يعين

مشكووور اخوى الوسام

هلآ أختي عروووبه ..الله يحييك دائمآ والقصور ادري مو بيد مجتمع رفحاء لكن موضوعي للمسؤلين,, أفا أجل أخرته شموع والله لو انكم على مولدات ماصارت كذا ...اعانكم الله على هاالشركه...

[بن صامل]

يسلمووووووووووووووووووو

[الوسام]

اهلا بالوسام
تحياتي لك واحييك
كان الله بعون الرجال
وربك المستعان

هلآ باأخي وصديقي المدير السعودي شرفني مرورك العطر ...لك بمثل ماحييت ..وتقبل خالص شكري ...ولا تقاطع

[الوسام]

أؤيدكـ فيه أرتفاع كيف لو كانت رفحاء مدينة سياحية أو فيها

أثار ومتاحف ياترى كيف تحصل على الشقة؟؟؟ للمعلومية فيه

شقق في الرياض والشرقية أرخص من مدينة الضباب؟؟؟

لكن بما أن الغلاء ظاهرة عالمية كذلك أنقطاع التيار ظاهرة سعودية

فسألتمس لهم عذرا" وشكرا" الوسسسسام

هلآ أخي الفاضل محمدولدالطايع اشكر دائمآ روحك الرياضيه وتعليقاتك الجميله ...رفحاء فيها خرايب اثريه تبي سواح ينشطونه ...لك خالص شكري