الصورة اللي بجوالي تعذبني !!!

[#بقايا انسانه#]

الصورة الي في جوالي تعذبني ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

الصوره اللي ( بجوالي ) تعذبني
ياكثر ماجيت ابمسحها ! واخليها

ياللي جفيت وجفاك المر .. ذابحني
عقبك وجيه البشر .. ماني بدانيها

من يوم حبك .. غزى القلب وتملكني
قطعت كل العلاقات وطواريها

اقرى رسايلك ودموعي تسابقني
وارد ! واقرى الرسايل .. واحتفظ فيها

انت آخر انسان هاقي منه يصدمني
والظاهر ان هقوتي بانت مواريها


لو الوصايا ليا احتديت ! تنفعني
ياكثر ناس ٍ على ذودي بوصيها

الفرح ( بنك ) لاجيته يسلفني
واقاصده ( راحتي ) وحقوقه اوفيها


من كثر ماكنت ! جارحني وظالمني
قمت اعزل جروحك بقلبي واسميها

تدري وش اللي يبكيني ويضحكني
انك محامي قضيتنا وقاضيها


تدري متاك تعرف قدري وتفقدني
لارخصت نفسك ,, لشخص ٍ مايراعيها

بكره اليا هملوك الناس تذكرني
وتقول عزاه : عيني من يداريها

مدام غيري على قلبك مشاركني
وش هو له اعلق الأمال وابنيها

يكفيني انك رحلت ومنت عايفني
هذا عزا النفس من كثرة بلاويها

اهديتك : دموع من طعنتك تحرقني
وانت اللي تستاهل الدنيا ومافيها

واهديتني جرح .. موجعني وعاجبني
لأن الهدايا على مقدار مهديها

صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها

مفضوح راع الهيام .. ونظرته !! تغني
ملامحه واضحه ! , في وجهه راعيها

لكل داء ٍ دوا .. لو هو متعبني
إلا محبتك .. أعيت من يداويها

ان قلت : علمني انسى لاتعلمني
دنياي لامن نسيتك ويش تاليها

فارقتني وضحكتك عيت تفارقني
والله يلعن ابو الفرقا وطاريها

مقدر !! أفكر بغيرك .. وانت عارفني
عشان حاجه بقلبي .. مقدر !! أخفيها

اخاف لاحبني غيرك .. وعاشرني
يشوف صورتك في عيني ويوحيها

نشدت عنك وسمعت اللي يفرحني
وارتاح صدري من هموم ٍ يحاتيها

تبي تعرف ! وش على الفرقا مصبرني
انك بخير .. وحياتك مهتني فيها

من يوم ماغبت ! والوحده تعذبني
اقرى ( رسايلك ) في حرقه والاحيها

اشوف ( صورتك ) .. ودموعي تسابقني
وياكثر ماجيت أبمسحها وأخليها

للأمانه منقوووول

--------------------------------------------------------------------------------

[سعود الشمري]

صح لسانك وقصيدة رائعه وجميله رغم تصويرها الحزين



ادامك الله نهر ابداع متدفق


وشكرا لك

[شمـــاليه]

صح لسان شاعرها

حضورك عذب يابقايا .. يعطيك العافيه على النقل


لاهنتي ,,

[تربوي]

صح لسان الشاعر ..
ألف شكر على النقل الرائع..

[ابومحمدالزوبعي]

صح لسانك وقصيدة رائعه

[الدب الداشر]

الله وأكبر ..

قصيدة قصيدة ......... راائعة ..

صح لسان الشاعر والناقلة ..