صور تتذكرها عن رفحاء ( من الذاكره )

[كحيلان87]

الكاشف / قارة رفحاء
الله يذكركم بالشهادة احس انكم قريبين جدا من قلبي واحس اني اعرفكم بعد وكاني امس مفارقكم رغم اني طالع من رفحاء من 28 سنه لان كل اللي قلتوه انا مريت فيه وعاصرته
لاكن المدرسين الفلسطينين وعياد الشبيكان الله لايسامحهم سببولي عقدة نفسية وخوف وضعف شخصية وخلوني الى الان مكانك راوح ماني قادراتقدم او اغامر بالهحياة باستثاء (ابو لبن )
الله يذكر رفحاء بالخير - ويسقيك ياذيك الايام

[كحيلان87]

اقول ماذكرتو شطيط الله يرحمة مع الحمار حقه مسوي تكسي ويوصلنا اي مكان وحاط له عربية ورى واليماني معزي اللي عنده عربية كبيرة ويدفها بيديه وفيها كل ماهب ودب وتلقاه واقف عند كل باب يبيع وحسنى ودكانها الله يرحمها وفرج بعد الله يرحمه هو وسيكله والوايت اللي نعبي منه ماء

[كحيلان87]

للمعلومية حتى ماحد يزعل منكم نسيتو حي الفيصلية اللي فيه 07
محمد الشهري خياط اخو صاحب المزرعة
خلوفة الشهري خياط
محمد عطيه الزهراني مؤذن
على الشهري صاحب مزرعة
محمد الزهراني ( العنازي ) بالشرطة
صالح الشهري وكيل تويوتا سابقا
سالم سفر الشهري بالهيئة
عبدالله العمري اكبر مورد للدخان
موسى الزهراني راعي الجبيب الازرق بالهيئة
احمد عمر الغامدي صاحب بقالة
سالم معيض الزهراني صاحب بقالة
طالع العسيري مادري وش يشتغل بس اشوفه يمتر الشوارع مشي
عبدالكريم الزهراني مباحث
جرادان التهامي

[قارة رفحاء]

هلا وغلا بخيي: (كحيلان87)ماشاء الله عليك وعيني عليك باردة...... ذكريات جميلة:( شطيط......... ودكان حسناء........ وفرج..... واليماني معزي....... وحي الفيصلية وسكانه اللي ذكرتهم (الله يرحم الميت ويبقي الحي) طالع العسيري الله يذكره بالخير كان يعمل بالشرطة(ولكنه ملحق بمحكمة رفحاء)دوامه بالمحكمة........ يا كحيلان عزالله اسم على مسمى ننتظر منك المزيد......... أعود للموضوع وأتذكر:
محل الجويسر( الله يرحمه) كان فيه كل شيء(رز سكر شاي ملابس....الخ)يتسوقون منه الأهالي والبادية ومازال المحل موجود بالشارع العام باسم محلات الجاسرولكن بثوب جديد.
أتذكر محل أبوالعوجا( الله يرحمه )دكان ملحق في بيت العوجا كان يشتهر ببيع السياكل والطرطعان(طرطعان أبو ديك الأحمر) والملابس.
أتذكر بسطة ( عايد حسين اللاحقي)مفقود إلى الان مايدرى هو حي ولا ميت
وأيضا أتذكرالخطاط اللاحقي ( طبعا لعايد حسين )وهو اللي يخط بنفسه وكان رسام أيضا.
وعلى طاري عايد حسين ( الله يرحمه حي ميت) كان نجم بالتمثيل وكوميدي بالدرجة الأولىاتذكر مسارحهم بالمدارس والمناسبات الاجتماعية كأسبوع المرور مثلا هو وعايش القثمي وعبد الله العروج ثم انضم إليهم سليمان رمثان.........وأتذكر قبلهم تركي جلوي الهرف وسعيد الرويجح وغيرهم كانوا ممثلين بارزين.
أتذكر العريف الالكتروني وقصاص الأثر ( رمثان زيد الشمري )[ الله يرحمه] وكيف كان يكشف الحرامية وكيف كانن السرقات قليلة في ذلك الوقت بسبب وجود رمثان داحر السارقين بعد الله سبحانه وتعالى (الله يغفرله ويرحمه).
لي عودة إن شاء الله تعالى ولاتحرمونا مشاركاتكم.

[كحيلان87]

قارة رفحا والله انك بارع ومتميز بعد ولولا الله ثم انت وذويبان 11 ولا يهون بعض الربع كان انسحبت من هذا المنتدى العزيز على قلبي لاني واجهت بعض الجفا والقسوة من بعض الاعضاء على كل حال نرجع لمحور موضوعنا
تذكرون الراعي اللي كان ياخذ غنم كل الديرة ويصرح بهن وعند المغرب نتقابل معه عند شبك التابلاين حول بيت العوجا وكل ياخذ غنمه وتذكرون بلب الله يرحمة حي او ميت عزالله انه فلقني مره وانا امشي وهو واقف فوق حدى السصوح ولا دريت الا بهاك الحصاة ولا وعيت الا وانا بالبيت وعلى فكرة ام غديف الله يرحمه حيه او ميته كانت تحبني واذا شافتني بالشارع تشتكيلي من الورعان وتندس وراي وتقول هذولا يبون يضربوني وادفع عنه انا ولا راحو العيال احيانا تقلب علي وتجلدن

[قارة رفحاء]

أخي الغالي :(كحيلان87)ماشاءالله عليك مبدع جدا في استرجاع الذكريات........ وش دعوى المنتدى للجميع وأنت منا وفينا........ أيييييييه عزالله إني أذكر الراعي( لدرجة يوم إني كنت أتابع البرنامج الكرتوني (هايدي) أول مابدأ وكان ذلك عام 1404هـ تقريبا وأشوف الراعي (بيتر) تذكرت ذلك الراعي اللي برفحاء يوم كان يسرح بمعيزاء وغنيمات الأهالي .........سقى الله ذيك الأيام.
أما الأخ ( فهد بلب) عزالله إنك صادق كان يخرعنا ويلحقنا يصرخ علينا وهالحين مازال موجود الرجال تزوج ومعاه سيارة جيب جديد وصار رجال..... الله يذكره بالخير
شكراألـــــــــــــــ1000ــــــــــف ياكحيلان ولا تحرمنا من ذكرياتك الحلوة.

[التابلاين]

يا شباب هذي صوره لقيتها عندي بس ما عرف منهم ابغاك تعرفونهم وخاصة اخونا قارة رفحاء

[قارة رفحاء]

أخي وحبيبي :( التابلاين) تشكر على هذه الجهود..... ولكن للأسف الشديد لم أستطع التعرف على من في هذه الصورة حاولت أقرب لين خشمي ضرب الشاشة وابحلق بعويناتي وأكبس ولكن دون جدوى..... أتوقع أن هذه الصورة أيام كاميرا (البلورايد) بس كأن اللي لابس غترة بدون عقال( أبو دلهر)الفرج ....وأعتقد إن هالصورة في حي الفيصلية........ ياالله ياشباب من يعرف من في الصورة الفزعة........ أخي (التابلاين )يعطيك ألف عافية ولاتحرمنا من مشاركاتك.

[الشمريه]

الله عليكم شوقتوني لرفحاء

[عروووبة]

الله يجزاك خير على هالموضوع .......
استمتعت فيه

[التابلاين]

انا عرفت واحد اللي لبس غتره عاييش القثمي واللي اخر شي يسار اعتقدانه عادل الخشرم واللي بجنب عايش لبس غتره وعقال اعتقد انه سعيد الزهراني

[قارة رفحاء]

هلا وغلا (بالنشمي)......... ما شاءالله عليك منين نطقت ( بابو) عزالله إني بمر عليه وبسلم عليه وتشكر يالغالي.
( الشمرية ) شكرا لمرورك وتشتاقلك العافية.
( عروووبة) وأنت يجزاك ربي ألف خير وشكرا عالمرور.
أخي الغالي( التابلاين): تصدق إنك جبتها الصورة تشبه للي قلت وتشكر يالغالي.
الشكر موصول للجميع وننتظر المزيد.

[الشمريه]

الله يذكر الايام بالخير

[جندي ركن مضلي]

الله الله الله عليكم كنت اتمنى دعم الموضوع بالصور اللي عنده لايبخل علينا
اهالي رفحاء كانوا كالبيت الواحد القاصي يعرف الداني

انا اذكر الاستاذ معزي مشعان الله يذكره بالخير يبيع علينا 0سيور 0السير بنص
واتذكر البروقي الخاص بالتابلين كان يضرب عند الساعه السابعه
وكانوا اهلنا يسمونه صاح الصيت
وشو صيته مدري
وكانت الجرس لمدرسه المثنى صفيره
تحياتي للجميع

[قارة رفحاء]

شكراً لك أخي الكريم على هذا المشاركة