كان قلبي لك مدينه ولاحظ اني قلت { كــان }

[جنوبي]

ماتغير شي...لكن.. صار فاضي هالمكـان
يعني إنتَ شفت قلبي! طحت مِنْ عيني وعينـه

كان لك قلبي مدينه ولاحظ إني قلت : { كان }
يعني إنتَ الحين واحد { خارج حـدود المدينه }

ليه مستغرب كلامي وليـه أعطيـك الأمـان ..!
وليه تَكْذِب في كلامك العـذر وينـك ووينـه ..!

ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..!

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

يُوم أحبك قلت كلمه : { يكرَم المرء أو يُهان }
وإنتَ قلبي ما كرمته وما قدرت إنِّـك تهينـه

{ عزِّتـي } .. ما هي جديده آنا شامخٍ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء .. تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك ..! هو بقى فيني مكان ..!
الله يرحمها المشاعر اللي كانت لـك رهينـه

قلت لك قلبي { مدينـه } فيها لك حشمه وشان
لكن إنتَ الحين أغرب شخص في هذي المدينه

منقـــــول لــــعيـــونكم,,,

[عز الخوي]

صح السانك جنوبي

[جنوبي]

صح بدنك عمو حمزه اشكرك ع المرور المتميز والراقي

[تربوي]

صـــــــــح لسانكــ ...

[عقارب]

الجنوبي


صح لسانك ولا تحرمنا جديدك

[بنت ملوك]

[poem=font="arial,4,white,normal,normal" bkcolor="transparent" bkimage="backgrounds/9.gif" border="outset,4,white" type=1 line=0 align=center use=sp num="0,black""]
صديق حروفي
صح لسانك عدد ما بيني و بينك من مسافات
تدهشني دومآ
بطرقك ما لم يطرق
اجدت البوح
في النظره حيث ان ديننا الحنيف
ينص على ان اول نظره لك
اما الثانيه فهي للشيطان

لك الله ايها المبدع
مزجت لنا الحب و الخيانه
و التلاعب باحساس البشر
بأبيات رائعه
لا يستطيع احد طرقها
سوى سيد الشعراء

رعاك الله حيثما كنت

ودي و وردي[/poem]

[بنت ملوك]

صديق حروفي
صح لسانك عدد ما بيني و بينك من مسافات
تدهشني دومآ
بطرقك ما لم يطرق
اجدت البوح
في النظره حيث ان ديننا الحنيف
ينص على ان اول نظره لك
اما الثانيه فهي للشيطان

لك الله ايها المبدع
مزجت لنا الحب و الخيانه
و التلاعب باحساس البشر
بأبيات رائعه
لا يستطيع احد طرقها
سوى سيد الشعراء

رعاك الله حيثما كنت

ودي و وردي

[جنوبي]

تربوي تك +عقارب +بنت الملوك

اسعني جدا تواجدكم في متصفح المتواضع

شرف وسام اتقلده وافتخر به مروركم وشهادتكم لي بمروركم

اشكركم ع المرور كونو بالجوار دايماا نثر كلماتكم تزيدني اعجاباا فيكم وحبالكم