سؤال لأهل الرياضة من اشوفك حلم

[أشـــوفك حلـــم]

السلام عليكم ورحمة الله وبركاته

كيف حالكم ياشباب

كيف اهل الرياضة

بس عندي استفسار بسيط

وياليت الجواب بدون تعصب >>> مايبي يندم انه دخل هنا

يعني على قد السؤال

السؤال هذا ذكرني فيه لقب العالمي

ما في جدل على ان النصر تاهل لكاس العالم للاندية

وكان في عام

اذكر يوم كنا صغار ومتعصبين كوره >>> مايبي يبين انه شايب


اذكر كان فيه ضجة ان الهلال تاهل كاس العالم للاندية

بس ما اذكر التاريخ بالضبط كم الاكيد حوالي عام 2000 م ( ياقبله يابعده )

مو متاكد

ما ادري في احد يصحح معلوماتي او لا


طيب كيف اجل النصر يكون هو العالمي؟

اطيب تحية
وبس

كني اشوف ناس تناظرني كذا
7
7
7






ترى سؤال بري ياجماعة الخير


اجل عن اذنكم

بحط رجلي
7
7
7

[الفضائي]

النصر عالمي ..
والاتحاد عالمي ...
والمنتخب عالمي ...
والهلال اعلى من كلمة العالمي !!!

[العالمي]

ليش تهرب سؤالك مايزعل احد

سمي النصر بالعالمي لانه اول فريق يمثل قارة اسيا في كأس العالم للاندية التي اقيمت في البرازيل


تأهل النصر لانه بطل اسيا 1998



هذا هو الرابط الذي يثبت صحة كلامي وسوف تشاهدون النصر السعودي في أول القائمة , وهذا الموقع حصلت عليه من موقع نادي كورنثيانز البرازيلي ..



http://en.wikipedia.org/wiki/2000_FI...d_Championship

[رفحاوي]

وعليكم السلام ورحمة الله وبركاته ...
أضحك الله سنك أخي الجنرال ...
عوداً حميداً ...

[عز الخوي]

والله مدري بس اتوقع ان النصر اول نادي يمثل السعوديه
بس طبعا وصل عن طريق الخطاء

[جرواني]

مثل ماقال لك العالمي لأن النصر هو ول من تأهل لها ولعبوها سنه 2000 .. مع العلم أن الوليد بن بدر " نائب رئيس نادي النصر ' السابق ' بجهوده قدّر أنه يقنع الآتحاد الآسيوي بأن يكون ممثل آسيا هو النصر وتم أعتماده رسميا ً عشان يشارك بهالبطولة كونه بطل نسخه 1998 ولأن نسخه 1999 ماحسمت بين الشباب السعودي وداليان الصيني وضيق الوقت .. كلها آسباب صبّت بمصلحه النصر ..

على فكرة الهلال تأهل لها عام 2001 مع الزمالك المصري وتم توزيع الفرق على مجموعتين لكنها آلغيت من قبل الفيفا بعد شد وجذب , لأن البطولة مالقت راعي رسمي من الشركات أو أن العدد ماكفى ماأذكر بالضبط وهو سبب مقنع للجشع بلاتر ..

أتمى أني افدتك : )

[أشـــوفك حلـــم]

شكرا على المعلومات الغنية

كل الشكر لكم جميعا يا اخوان

اطيب الاماني لكم