الشعب الفلبيني

[نايف عايد]

السلام عليكم



نص جديد

اتمنى ان تتقبلوووه





.



يا نبتت الشيح ذمه لا تلوميني
عن طيحت الدمع يومنها توادعني
.

من زفرة الظرف ينكف ما يصليني
وإن قالي حجته ماهو بمقنعني
.

جفت بنا القاع لكن يا بساتيني
قولي لها الغيث له رب_ ويسمعني
.

وإلا انتي انتي كما انتي ما ترويني
انا خبات الحكيم وصعب ترمعني
.

اضحك على بليس لا حندة شياطيني
واخذ رياله ذهانه لين يتبعني
.

و اوصله للطريق ولا توصيني
فل اللكاعه معاي ولا يلكعني
.

إلا طريق_ مشيته بأول سنيني
منه عرفت الرغيفه ما تشبعني
.

دن دن يا فنان شرط انك تبكيني
وكانك عليمي وتر مابغى تصدعني
.

من دورة الوقت فيني ما يكفيني
والنصر عشقي واشوفه يالخوي يعني
.

حاله مثل حالة الشعب الفلبيني
سياسته ماش والاوضاع طرطعني
.

يبقى لك المجد يالشعب الفلسطيني
عن دون وادي النحل نحله ويلسعني
.

فيروز غنت لصبرك روح تهديني
من بكرة الصبح وسط الكرم تزرعني
.

وانا ذكرت الوفاء واغلى محبيني
وذكرت دمعاتها لحظة توادعني
.

همست قبل انتفارق حيل ضميني
قالت يا مجنون تكفى لا تضيعني
.

الوقت حكم وانا ماعاد يمديني
وعلى طريق العشم مابيك تدفعني
.

قلت البحر ماج ردت ذي شراييني
قلت الفضاء رحب ردت صعب ياسعني
.

قلت إن رحلتي ترى ماحد_ مربيني
قالت ليا طحت عندك كيف تجمعني
.

قلت اجمعك بالحنايا وروح مغليني
وافرع لك الصدر كان الصدر طاوعني
.

قالت لو إن الاماني ملك يديني
اعطيتك الروح يا روحي وتصنعني
.

قلت إن عطيتك خفوقي ما تخليني؟
ردت ابي دقته بالخووووف تسمعني
.

قلت إن عطيتك عيوني ما تخليني؟
ردت ابي حزنهن ل ضقت تمتعني
؟

قلت إن عطيتك وريدي ما تخليني؟
ردت ابي نبضته لشوق تدفعني
.

قلت إن عطيتك ( لهاتي ) ما تخليني؟
ردت ابي ريقها بالضيم ترضعني
.

قلت إن لضمتك بروحي ما تخليني؟
قالت على شرط إنك ما تضيعني

نايف الذعذاع

[هرطمان]

صح لسانك نايف

حوار ساخن

و

واضح

[شمـــاليه]

نايف الذعذاع

شاعر جزل ومصور مبدع ومبتكر رائع للشعر والمعاني .. كيف لا وهو من قال,,

[poem=font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رفيقك رفيقك ستر وجهك عن العيب = زهابك بيوم ٍ مايكفي زهابك[/poem]

حقيقة ً .. تفاجأت بوجوده بيننا .. ولعل العتب على الفطنه..


صح لسانه وسلّم بنانه باذخه جميله,,
اشكرك اخوي نايف عايد ولاهنت على النقل

لك تحيه,,

[تربوي]

صح لسانكــ ..

[نايف عايد]

صحت ابدانكم



والف شكر ع المرور الكريم

[الملك الضليل]

صح لسانك ولسانك ..


سلمت اخوي نايف على هذه الرائعة ..


تقبل مروري ..