آجـ م ـــل بيت شــ ع ـــر

[فزاع]

أحبك كلمه ماقلتها لغيرك انسان
قلتها لشخص ملك روحي وعيني
قلتها لك انت يا شايل الاحزان
منهو في غيرك يمسح دمعتي من عيني
حبيبي ضمني في صدرك خلني احس بحب وحنان
خلني احس بحبك الصافي يدفيني
خلني ارتوي بحب صادق مليان
حبٍ كبير سكن داخل شراييني
لأغلى انسان بدنيتي

[اسباني]

مـآلقيت من الحكي غير [ السؤال ]
ومـآ سمعت من الكلام إلا ملل

ضـآقت فـ عيني وسيعـآت المحـآل
وآنقبض قلبي ولا آدري وش حصـل !!

[اسباني]

يمكن اشبه ملامح شخص عآبر سبيل
يـمكن املك نوايــا شخص ماقد خُلِقْ !

بـس فيني هموم و ماتحضّنت ليل
اسهر ، اكتب ، و أحسّب هـ الدقايق قَلق !

[فزاع]

لاضاق صدرك في زمانك وتاهت خطاك ..
ترى قلبي بلادك وانت حضرة سموه

[فزاع]

ياكثر الابيات الحلوه ..

لكن هذا البيت ماانساه ..

الاياوقت وين اللي على بالي يجي ويروح

هذاك اللي ملك قلبي وتفكيري ووجداني ..

[فزاع]

ليتني طيرآ في السماء عالـــي
كلما ضاق صدره وجه لديره
مايعيقه غير شبك الاناني
متملكأ فيه وهو والله مايريده
انا عشقي للسماء والسماء تهواني
وبيني وبين السحاب موده ومقدريه
اسكن في جبال زولها خلاوي
ياخذني في الهواء مع جرة ونينه
يامطرب الصوت كف عنك هالاماني
ترى ماعمر حلم اليل جانا حقيقه

[فزاع]

يا سيّدي .. مالي معك غيـر الاوهـام
تبيع قلـب(ن) دايـم الوقـت يشريـك
لو هو جزاي .. بذمتـي منـت منـلام
مير الوفـا يسبـق عيونـن تراعيـك
خل الجزا .. بحسان .. لو بضعة ايـام
عطنـي مـذاق الـود مانـي برازيـك
اعطيتك احساس(ن) ولا جـا فالاحـلام
رومنسي ويـا ربنـي اقـدر اغريـك
تسعين ورده .. دستها بروس الاقـدام
يا خوي وش فيك انت كنـي معاديـك
شي(ن) لحقني .. مـا تقيّـده الاقـلام
منك الجفا .. ذقته .. وانا اللي مواليك
شفّي وحكم الشف .. ما بعـده احكـام
شفّ الجريح .. اللي بصوتـه يناديـك
على هواك .. اصيح و ابصم بالابهـام
ما زار قلبي غير حضـرة .. معاليـك
عام(ن) مضى .. في ساقته تسعة اعوام
وانا الصويب اللي غـدة بـه مراميـك
مير البلا .. حكمك .. عليّـه بالاعـدام
جازيتنـي يـا جعـل ربـي يجازيـك
ما قام حظي فيك .. لا شـك مـا قـام
سبايـب(ن) ترجـع لكثـرة طواريـك
وا ختامها .. ما عاد من بعده .. اختام
والله ما فالنـاس ..حـي(ن) يساويـك

[فزاع]

ياطرق قلبي طرق طرقن على طرق
واللي طرق قلبي من الغيـد طرقـا
اللي خـدوده لامعـه كنهـا البـرق
اللي فرق عن جملـة الغيـد فرقـا
مزيونتن فيها عـن امثالهـا فـرق
لاسلهمت بالعيـن تحرقـك حرقـا
قلبي عليها يافهـد يحتـرق حـرق
يطري عليـه كـل مانـاح ورقـا
بين الضلوع العوج قلبي سرق سرق
ماكنت اضن القلب بيـروح سرقـا
الحب بحر وكنت خايف من الغـرق
ومشاعري في غبـة الحـب غرقـا
انا بنجد وشف بالي سكـن شـرق
ولو غاب عنـي بالمعاليـق يرقـا

[فزاع]

تعبت اجامل والمجامل غبينه ..!!
و(تعبت ادور للمقفي عن اعذار)

زادت مشاريهي و .. كفت يمينه
وجفت لي اوراقي وذبلت له ازهار

[فزاع]

شبيـت شمـع ٍ مـع ورود ٍ تنـاديـك
الشمـع ذاب وعـاف وردي رحيقـه

[ريانه]

هذا انا بـاقي على ( قـيد الحياة ) .. ! .. .. .. .. ..
في جفـافٍ .. يفتقر طعم الغيوم .. !

مو صحيح ليا حكو من مات مات .. ! .. .. .. .. ..
هذي روحي تنبض بـ آه و هموم.. !

عزّتي ترفـض أطيح .. الاّ || ثبات || .. .. .. .. .. ..
كـ ( النّخل موته اذا مات مْحشوم ) .. !

[مهيد الشمري]

.




المعاني ماتقاود بالسهوله ..

دونها تقصر هقاوينا البعيده .


اللغه عنقود لكن من يطوله ..

من يقول انه كتب فعلا قصيده .




لــ عناد المطيري .



.

[مهيد الشمري]

.



غريب الفكر و الموطن .. أعيش بعالم ٍ مجهول ..

وكل ماقلت أنا هانت لقيت أسمي من الأغراب .



نعم أغراب في موطن .. علينا محرّمين القول ..

نعم تسمع نعم تسكت .. نعم هذي حياة الغاب .




مهيد الشمري .


.

[فزاع]

وصوتك المبحوح لحني واحلى الاغاني
مشيتك تقتل قلوب و بسماتك قصيده
والشعر لا تمايل قلبي تلعب به اماني
لا ضحكتي تولع قلبي اشعل حريقه
وزاد همي ونبضي وصرت لجلك اداري
قالت اللحين امرك استر الوجه هيبه
لك ترى الي طلبته قلبي يعلن هيامي
قلت لله درك يالخفوقي و ضميرررره
هذا احساس غاير في بلاد الهواوي
انتي مني و فيني بنت عمي اميره
استرى الحسن تكفى لا يغرك شبابي
الله وحده تكفل بالستررررر والغنيمه
لا رحلتي اغني ولا قربتي ااااااااااعاني

[فزاع]

. على هونك ترفق بي على هونك على هونك
ترا ماني الشجاع اللي يطيق بيوم هجرانك .

. انا اذكر كنت لك عاشق يهيم ويعشق فنونك
على وضح النقا جيتك غرام يموت بجنانك .

. ولو ظنيت باخونك حرام اني فلا اخونك
انا حافظك في قلبي وكلي ما بعد خانك .

. جمعتك في معاليقي احبك كيف ما صونك
على كثر الغلا فيني شعوري بالهوى صانك .

. عرفت اني على شانك رهنت العمر لعيونك
عرفت اني وطيت الشوك وكل هذا على شانك .

. كفايه ما تحملته من الحرمان وطعونك
انا لو صاحت جروحي تعدت جملة احزانك .

. فمان الله يا قلب حرام يعيش من دونك
الا منك نطقت الحكم ابيك تروح في شانك