أتمنى أن تشفع الغياب والله إنكم على البال جميعاً

**الجامح77** · 09 Aug 2009, 03:24 AM

صبحكم /مساكم الله بالخير جميعاً

اخواني واخواتي

والله إنكم على البال جميعاً

قصيده متواضعه
أتمنى أن تشفع عن الغياب:

يامل قلب ممتلي نصفه هموم*
والنصف الآخر به جروح تتله*

ويامل عين كلما تبغي النوم*
جاها بلاها عافت النوم كله*

يطري عليها وقت به صارت علوم *
مع صاحب ياجعلني فدوة له*

ماله وصيف ومن تحداه مهزوم*
وكم عاشق قبلي تعب ماوصل له*

ياقوم لاسلهم بالأعيان ياقوم*
رمشه حفر قبر الهواوي بظله*

له عود رويان وله ساق مبروم*
وكل الرقاب من الحلا يعكفن له*

الله ساقه لي كما سوقة غيوم*
وحوط خفوقي بالمحبه وحله*

مايسمع العاذل ولايسمع اللوم*
وافي وأنا مثله بعد وافي له*

يمشي على ما أقول له دايم الدوم*
والموقع اللي نلتقي به يدله*

العام ماهو يابوياسر كما اليوم*
الوقت فرق بين خل وخله*

طبع الزمن لامن غزى يشبه النوم*
الآدمي ماله جدى لوفطن له*

الوقت ظالمني وأنا منه مظلوم*
كنه يقلب خافقي فوق مله*

وإليا غفيت أصحى غصب تقل مفطوم*
سبة هموم بخافقي مستحله*

وإذا بدت من كثر تفكيري تحوم*
خطرن على عقل المعنى تشله*

طبع الفتى يمشي على طبع وسلوم*
ويصبر إذا جاله من الوقت زله *

والآدمي ماله سوى شي مقسوم*
واللي ماهوله لوتعب ماحصل له*

ولو ماأطلب الله وأقعد الليل وأصوم*
وأقرى كتابه صار بالعقل خله*

يالله تجلي مابقلبي من هموم*
وترتاح عين عافت الليل كله

أخوكم/

ماجدالعواد

**دلع العيون** · 09 Aug 2009, 03:42 AM

صــــــــح لــســـآنــــــك
مـــبـــدع يــآمــآجــــــــد
قـــصـــيـــدهـ رآئـــعـــهـ ..

ننتظـــر جديدكـ الممـــيـــــز دآئــــمـــآ ..

تــحــيــآآآتـــي ..

**الملك الضليل** · 09 Aug 2009, 03:53 AM

يالله تجلي مابقلبي من هموم*
وترتاح عين عافت الليل كله

صح لسانك قصيده جميله ..

.

**عز الخوي** · 09 Aug 2009, 08:06 AM

صح السانك
وعسى الله يهنيك مع عشقتك

**شمـــاليه** · 09 Aug 2009, 08:39 AM

ماجد العواد حياك وبياك وعودا حميدا
صح لسانك يالجزل قصيده جميله
سعدنا بوجود شاعر مثلك في همس القوافي
لك تحيه

**تربوي** · 10 Aug 2009, 08:12 PM

صح لسانكــ قصيدة رائعة..

**الجامح77** · 21 Aug 2009, 12:01 AM

المشاركة الأصلية كتبت بواسطة دلع العيون

صــــــــح لــســـآنــــــك
مـــبـــدع يــآمــآجــــــــد
قـــصـــيـــدهـ رآئـــعـــهـ ..

ننتظـــر جديدكـ الممـــيـــــز دآئــــمـــآ ..

تــحــيــآآآتـــي ..

صح بدنك

وكل عام وانتي بخير

**روز** · 21 Aug 2009, 12:07 AM

ويامل عين كلما تبغي النوم*
جاها بلاها عافت النوم كله*

صــــــــــح الســـــآنكـّ قصيدهـ راائعه جدآآ جدآآ
ياهلا ومرحبــآ فيك نورت المنتدى بقدووومك
المكـــآن مكـــآنكـّ وحنـــآ اخواانكـّ واخوااتكـّ
اخوي مـــآجد اذا على كذا ماراااح نشفع لك
الين نشوف قسم همس القواافي مليـــآن بقصااائدك
على الاقل 100 قصيـــدهـ >
تحيــآتي لك وتقبل مروري
اختك// روز

**kermalk** · 21 Aug 2009, 12:36 AM

صح لسانك والحمد لله على السلامه والله يبارك لك بالشهر الفضيل

**الدب الداشر** · 28 Aug 2009, 07:05 AM

عودا ً حميدا ً أبوعوّاد ..

صح لسانك .. تسلم على هالقصيدة الرائعة ...

**الجامح77** · 02 Sep 2009, 10:22 PM

المشاركة الأصلية كتبت بواسطة الملك الضليل

يالله تجلي مابقلبي من هموم*
وترتاح عين عافت الليل كله

صح لسانك قصيده جميله ..

.

صح بدنك

والأجمل مرورك يالغالي

**عقارب** · 03 Sep 2009, 04:41 AM

صح لسانك على القصيدة الجزالة

وننتضر جديدك

**الجامح77** · 23 Sep 2009, 04:04 AM

الغالين:
عز الخوي
شماليه
تربوي تك
روز
كرمالك
الدب الداشر
عقارب

صحت أبدانكم والله لايهينكم

وكل عام وأنتم بخير

**هرطمان** · 03 Oct 2009, 10:54 PM

صح لسانك اخوي الجامح

آخر المشاركات

الموضوع: أتمنى أن تشفع الغياب والله إنكم على البال جميعاً

أدوات الموضوع

تقييم هذا الموضوع

عرض

أتمنى أن تشفع الغياب والله إنكم على البال جميعاً

مواقع النشر (المفضلة)

مواقع النشر (المفضلة)

ضوابط المشاركة