دخيل الله ياحايل .. (قصيده صوتيه)..

[ابوضاري الزوبعي]

مدخل :
ودعت حايل وكل أرض شماليه
. مستقبلي حدني عنها ومشاني
ودعت حايل شماليه وقبليه
. ودعت شمر بعد حيي وحياني




حائل هي المدينة التي ملكت قلوب من سكنها
وهذه قصيدة لشاعر بدر الضبعان
أرجو أن تعجبكم

الرابط
http://www.aldhab3an.com/bader-s/yahail.MP3

دخيـل الله ياحايـل ابـي أسبـق دمـوع العيـن





وأبسأل : لو رحل عنك أحد يغليـك .. تنسينـه؟!





أحد عاش العمر شاقـي عشانـك بـس ترتاحيـن





يشـوف الراحـه بحضنـك اذا جيتـي تضمينـه





أحد عمره على شوفك من أول مارحـل .. للحيـن





على كثـر الأماكـن مالقـى غيـرك مـلا عينـه





كتب أجمل قصيده في عيونـك مـن قبـل عاميـن





ولازالـت علـى مـر السنيـن أجمـل بساتينـه





كتب (ودعت حايل) من بعد هاك الـوداع الشيـن





ولا جاله أحـد يمسـح دموعـه (غيـر كفّينـه)





خذا مده وهو يـزرع أمانـي ./ والأمانـي طيـن





ولاحصّل مـن غيابـك (أمـل) يسقـي شرايينـه





تعالي شوفي / طعون الغياب / ومضرب السكيـن





تعالي وأحكمـي / وأنتـي لـك عيونـه وغالينـه





تعالي يابلد (أمـي) (وأبـوي) وموطـن الغاليـن





تعالي بـس .. وأنتـي لاحضرتـي لـه تداوينـه





مطر غيم ٍ سقى صدر الجفـاف وسيّـل النهريـن





حيا عشبه علـى مـد النظـر وأنتـي تخبرينـه





أمانه عـاد ياحايـل ابـي منـك جـواب الحيـن





ترانـي عايـش ٍ عمـري علـى كلمـه تقولينـه





أنا .. وافي معك وإلا مقصر ؟!! وأنتـي تشوفيـن





رخص عمـري علـى دمعـك ولافكـرت بسنينـه





دخيلك ياثرى حاتـم أبـي أسبـق دمـوع العيـن





وأبسأل : لو بدر سافر ؟! أو أنه مات ؟! تنسينه ؟!

[الملك الضليل]

تستاهل حايل هذا الثناء فهي تأسر قلب من زارها فكيف بأهلها ..


كل الشكر لك يابو ضاري بصراحه مجهوداتك في هالقسم هذا لافته للنظر ..


لاعدمناك ..

[رفحاوي]

وعليكم السلام ورحمة الله وبركاته ...
قصيدة لا تُناسب مكانة حائل ولا ذوق أخي أبي ضاري ...
يحاول تقليد غيره وتغيير لهجته للأسف ...
شكراً أبا ضاري ...

[روز]

صح الســـــــآنه قصيده راائعه
وسلمت اناملك اخوي الزوبعي ع النقل الرااائع
تحياتي وتقبل مروري ..

[ابوضاري الزوبعي]

تستاهل حايل هذا الثناء فهي تأسر قلب من زارها فكيف بأهلها ..


كل الشكر لك يابو ضاري بصراحه مجهوداتك في هالقسم هذا لافته للنظر ..


لاعدمناك ..

لاهنت اخي الغالي بارك الله فيك

[ابوضاري الزوبعي]

وعليكم السلام ورحمة الله وبركاته ...
قصيدة لا تُناسب مكانة حائل ولا ذوق أخي أبي ضاري ...
يحاول تقليد غيره وتغيير لهجته للأسف ...
شكراً أبا ضاري ...

اشكرك على مرورك اخي

[ابوضاري الزوبعي]

صح الســـــــآنه قصيده راائعه
وسلمت اناملك اخوي الزوبعي ع النقل الرااائع
تحياتي وتقبل مروري ..

الله يسلمك اشكرك

[تربوي]

يعطيكــ ألف عافية ...

[الدب الداشر]

ماشاء الله ..
مشكور حجي ..