اللي درس في مدرسة جور الأيـام
تكفيه واللي مادرس يستمـع لـي

انا درست بصفهـا عـدة اعـوام
واربع دروس اللي زماني جمع لي

الدرس الاول يوم عضيت الابهـام
واحد من المية هو اللي فـزع لـي

وصداقة الباقيـن تمثيـل واوهـام
مثل السراب يذوب لو يجتمع لـي

وثاني دروس الوقت ما احطه حزام
من عد غلطاتي ... ولا عد فعلـي

وثالث دروس الوقت صدرت الأحكام
ما احفي على درب المقفين نعلـي

أن وجهوا يم اليمن وجهتي شـام
والدرب من فضل الولي متسع لـي

ورابع دروس الوقت ثبّـت الأقـدام
على جبال العز ما احدٍ شفـع لـي

من فضل ربي يوم حققت الاحـلام
واللي يـدور خوتـي يرتفـع لـي


لا قت لي