مدري (تفو) مدح ولا شتيمه؟؟

[السبيل]

مدري ( تفو ) هي مدح ولاّ شتيمـة

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حــتــى وردنـي تالـي الـليـل جــوال=وانا على شاهي وبسكـوت ديمـة
الرقم بايخ لكـن الــصــوت قــتـال=كنــه مثل صـوت المذيعـة حليمـة
قــالت مساء الخير يـا طيّـب الفـال=قـلـت ارحــبـي تــرحيبـةٍ مستديمـة
بـالـعــود والصفـري ودلـة وفنجـال=واجـبـك يا بنت الأصـول الكريمـة
وردت بضحكة ثم قالت وش الحـال؟=قلت اشهد إن الحال عقبك سقيمـة
قالت وهي تضحك بعد مثل الأطفال=وانـــا بـعـــد كــنــي بــدونـك يتيمـة
مـــن يـوم قـالـتهـا تزلزلـت زلـزال=مــن فجعتي كنـي مسـوي جريمـة
قلت ارفعي صوتك ترى مابه ارسال=كـــذاب لــكـنّ المصيبـة عظيمـة
قالت أقول اسمع ترى هرجنـا طـال=مــمكـن تصاحبنـي ترانـي وسيمـة
واسمي الحقيقي أول حروفـه الـدال=لــكـــن يسمّونـي البنـات الزعيمـة
صحيح أحب الفخفخة واعشق المال=لكـن ترانـي طــاهــرة مستقيـمـة
ما عندي امغازل ولا( لعب أطفـال)=ما عندي إلا في الشرف والحشيمـة
بس الصراحة قلبي لشوفتـك مـال=واصبحت وحدك جالسٍ في صميمه
فكّر بعقلك واترك القيـل والقـال=واحذر تطيع اهل العقـول العقيمـة
وارسل علي الحين خمسميـة ريـال=أشحن بهـا جـوال أختـي غنيمـة
أو طقم غالي فيه خاتـم وسلسـال=أروح بـه فـي عـرس ولاّ عزيمـة
قلت الحقيقة مانيب رجـل أعمـال=ولانـي بتاجـر والمـوارد عديـمـة
أنا الصراحة شبـه عطّـال بطّـال=وعلاقتـي بالفــقـــر جـداً حميـمـة
والراتب الله يرحم الحـال مـا زال=محـدود والمصـروف ربـي عليمـه
والــديـن بـالآلاف والبنـك شغّـال=يــاكـل فـلـوسـي بالربـا والظليمـة
والسوق طايح والغلا ضيّـق البـال=والموت والله صايـر اكبـر غنيمـة
قالت تحمّل بـس والحمـل ينشـال=خلك شديد الباس صلـب العزيمـة
ياخي تصرّف جعلك اتصيـر نشّـال=أهـــــم شــي إن النوايـا سليـمـة
لابــد تـفـهمني علـى كـل الأحـوال=ما دمت من أهل العقـول الفهيمـة
قلت إيه والله فاهم اللي على البـال=لــكــن تــرى هـذي علينـا قديمـة
يــا بـنت هـذا صايـر اليـوم مـوال=للي تبي تلعب علـى ابـن اللئيمـة
يا بـنــت ما تدرين كـم فيـه محتـال=يلعب على الحبلين وانتـي غشيمـة
يا بنت كم من جاهلة دمعها سـال=من عقب ما جات العواقب وخيمـة
والبنت لا اقتفى عرضها بيد الأنـذال=والله مــا يــبـقـى لهـا أي قيـمـة
قالت تبي ولاّ فـ خـلّك علـى جـال=مهوب ناقصـني نصايـح حكيمـة
عز الله إنك للأسف منـت رجّـال=وانك قليل الذوق ما فيـك شيمـة
يا لعنبو اللي مـا يسطّـرك بنعـال=حــتـى يـعـلمـك الغـزل يـا بهيمـة
( تفو ) عليك وصكّت الخط في الحال=مدري ( تفو ) هي مدح ولاّ شتيمـة؟؟[/poem]


مــــنــــــــقــــــــــول[/center]

[الملك الضليل]

رائعه من العيار الثقيل يالغالي السبيل كعادتك ساطع دوماً بمواضيعك ..لاعدمناك

[السبيل]

رائعه من العيار الثقيل يالغالي السبيل كعادتك ساطع دوماً بمواضيعك ..لاعدمناك

اسعد الله جميع ايامك
سررت بمرورك كل الود

[تربوي]

صح لسانكـ .. ولسان الشاعر ..
انتقاء مميز ...

[روز]

(السبيــل) ,, قصيده رااائعه جدآآ جدآآآ
واتووقع انها قالتها وهي مقهوره > هههههههههههه
الف الف شكر لك ع الابدااع المتواااصل والى الاماام ان شاء الله
تقبل تحيتي و مروري ...

[عقارب]

شكرآ على النقل الرئع وعلى الذوق الاروع