هل تغير العيد أم نحن المتغُيرون

[ram6]

بمناسبة قرب عيدالفطر السعيد اقول لكم كل عام وانتم بخيروعساكم من عواده.ويارمضان الى اللقاء في العام القادم والجميع بخير وصحة وسلامة ..........احبك يارمضان والله

كنا زمان ننتظر العيد بفارغ الصبر متلهفين للكشخه والفرفره بالشموس والريالات والطراطيع تملأ جيوبنا حتى الظهر.
ولكن كان يوم العيد وساعاته القليلة بالنسبة لنا كأنه شهر من الوناسه!
وهناك عادات حميدة لدى المجتمع الرفحاوي قليلاًعند غيره تجدها منها
اجتماع الناس بالشوارع وعمل الافطار صباح العيد في كل حارة وكان اللي مايشوف الواحد بغير العيد يشوفه من خلال هالتجمعات الجميلة والبسيطة. وبحكم ان محافظة رفحاءصغيرة بمساحتها واهلها وهم رجال كبار بأفعالهم فإن جميع اهلها كانوا مثل البيت الواحد بحكم ان اللي اخرها يعرف اللي بأولها وانا اقول لكم هذا فإن مااتكلم عنه ليس ببعيد الى 15سنة كانت الاموركذلك ولكن..............................
يمكن يكون كبرنا .بس بيني وبينكم ودي ارجع زي زمان بس بيقولون وش ذا المهبول ؟؟؟!!!؟؟؟
يمكن يكون اكثر رواد رفحاء اما انتقلوا الى رحمة الله او يكون اكثرهم قد انتقل خارج المحافظة وهم كثر.
تبقى رفحاء رائدة في التكاتف الاجتماعي والترابط بين الاسر والتواصل والمحبة بحكم انهم اهل المحافظةويعرفون بعضهم البعض ...وهذا قليلا ماتجدونه عند غيرهذه المحافظه
(صواريخ)
كان الشارع العام هو مرتع وملتقى شباب رفحاء ؟؟؟وبعده جاء الشارع الاصفر
وكان اللي يبيله واحد يفرفر فيه الى القايله يوقف بهالشارعين ويلقى خوياه
ترى كان عندي سيارة وانا افرفر بأصدقائي(خو ي اي)؟لااحد يقول اني اترزز!!!!!

على فكرة
الناس كانت تعيد بالبر ويكشتون عوايل حتى بزمهرير القيظ والان انقرضت الا قليل كنت تجي للفيظه تلقى جيرانك واصدقائك وعوايلهم بالبر وتصيرون كلكم عايله وحده الى الليل

تغيــــــــــــــــــــرنا وإلا الزمـــــــــــــــــــــــــــان غيرنـــــــــــــــــــا

اعذروني وآسف لوحصل زلَه .وهذي قصص قبل الصلاة والنوم
وسامحونا لو مانسقت الكلام بس تخبرون خفة الدم
وتصبحون على خير اعضاء ومشرفي احلى اسم على قلبي

[ممتاز]

كلمات أكبر من اني اكتب فيها حرفآ واحدآ....
بوح رائــــع ....
زرعت بعذب الكلام حروفآ من ذهب

جمال حروفك ... والنقاء بين السطور

ابهـرنــي!!
وجعلني اتأمل كل كلمه بل كل حرف

أحآآسييس رآآئعه بحق ..
أهنئك من كل أعماق قلبي عالى روعة بوووحك ..
دمت كمآ أنت ...

[فرحاء]

العيد ماتغير حنا اللي تغيرنا
كل واحد ببيته مايجئ الثاني ولاكنه عيد

انا يمر العيد ولاكنه عيد
ياليت الزمن يرجع وترجع ايامي اللي كلها عيد


مشكوووور ع المووووضووع

[شمـــاليه]

والله الدنيا تغيرت
العيد اول له فرحه غير سبحان الله
يعطيك العافيه اخوي ولاهنت

[ram6]

ممتاز

شكرا لك عزيزي. ردك اخجلني ولك تقديري فعلا انت ممتاز ولايهون الجميع قالكل على راسي

[عروووبة]

وااالله حنااا تغيرناا
ولا العيـــد هو العيــــد

قد نكون في رفحـــــاء لازااال لدينااا بقيااا
من ماااضي جميــــــــــل
اتمنى ان لايندثر

جزاااك ااالله خير

[الفتى الذهبي 22]

والله ان اخالفك اخوي
لا العيد تغير ولا حنا تغيرنا انا اللي اشوفه ان الجميع فاتحين بيبنهم وتجد الجيران
والاقارب يعيدون بعضهم وزيارات بيناتهم
والعيال الصغار تجدهم مع بعضهم يلعبون بالصواريخ والقنابل
الحمدلله هذا العادات لم تنقطع

[عبدالله1]

يا اختram6زمان كان اول ميجي العيد تمسكنا امي انا واختي الصغرىوتحط على شعورنا حنه غصب عنا وحنا انا واختي نبكي مانبغا الحنه وابوي يمسك العيال ويوديهم الى الحلاق يحلق شعورهم طبعا هذي كانت عادات عندنا ايام زما ن وحنا صغا روبعدين نروح يم جدي وجدتي نسلم عليهم وعلى خوالي طبعا يعطوننا حلاوكثير ونستنس انا واختي بعد هالبكاء0 مرت الايام وكبرنا وتزو جنا وانجبنا الاولاد والابنات ياربي للك الحمد وانا غير ت من عادتنا بالعيد وما احط على شعو ر بنا تي حنه زي زمان امي الله يرحمها0 اليوم بالوقت هذاكلن صا ك على ر وحه هالباب ونائم اخذين عادات رمضا ن نوم بالنهار وسهر باليل0 ومحد يبي احد ونا اختك العيد ماتغير العيد هو العيد لكن النا س هم الي تغيرو والي براسه مخ مايبي نخ0

[القنديل]

الذي لا يتغير هو الجماد

الحياة تتغير وهي سنة الله

شكراً لك رام

[عقارب]

اجتماع الناس بالشوارع وعمل الافطار صباح العيد في كل حارة


هذة للحينة موجودة بقراء حايل انا كنت ساكن هناك واذا جاء صبح العيدكلن جاب صحنة

والعيد ما تغير بس النفوس هي الي تغيرت

[تربوي]

يمكن اللي تغير أكثر شئ هو التواصل بين الأقارب , وذلكــ مع ظهور الجوالات وكثرتها ..
أصبحت الرسالة _ رسالة تهنئة العيد _ تفي بالغرض , وتغني البعض عن الزيارة!!!