السلام عليكم ورحمة الله وبركاته...


وقفه مع ابداعات هذه الشاعره المتمكنه..
عسى الله يرحمها ويسكنها فسيح جناته..



شرود وانطح لي ثمانين فارس..

انــا عجوز و مطلقة و ام ورعان=وايضا مدام و بنت و انس و عانس

انا بدوية و عايشة عند حضران=وبنت البحر و ابوي زارع و غارس

امية ماتعرف حروف و الـــوان=و تلميذة دشت جميع المــدارس

ضفرة و خبله عاقلةفي نقصان=شرود وانطح لي ثمانين فارس

خلون اعيش العبرة بدون عنوان=طيف يمر بلارقابة و حارس



هذاك..

هذاك لو قال الشتا صيف عرقت = ولو قال صيفي برد شبيت ناري

هذاك لو قال الجمل طير صدقت = واقول ريشه بعثرته الصحاري

هذاك لو قال المطر جذب وافقت = وادور الاعذار حق الخباري

هذاك لو قال القمر طاح صفقت = واقول مللته كثير المساري

هذاك لو قال النظر عيب دنقت = يصير لي كف على اللمس ضاري

هذاك لو ينفي وجودي توهقت = ما عاد ليه حل ...غير انتحاري




وشلون يزعل...

لا ما يجوز الزعل مابينه وبيني=وشلون يزعل وانا اللي شلت تقصيره

وانا على طريف لو ازعل ويرضيني=ارضى قبل لايكمل معاذيره

جاك الخفوق بدوي يعتزي فيني=يسوق لك من حلاله من مغاتيره

خلاص طوف خطاي ولاتبكيني=وامسح خطايه بوجه الحب والجيره

ارضى وانا اي عذر منك يكفيني=ولاتطول السالفه يا مطول السيره




قال اسمعي..

قال اسمعي : فرقاك غصب عليه = عيا الزمن يمشي معانا بالاوفاق

وقفت لاميته ولانيب بحيه = تضاربت بالجوف ضيقه وحراق

وقال : الرسايل وينها قلت : ذيه = وللريح عرضت الرسايل والاوراق

ورزيت نفسي واتظاهر قويه = يعني كأني ما تأثرت بفراق

وانا عذاب الكون صوت عليه = اضحك بسني واختم الضحك بشهاق

ما كنت اظن الليل يمسي عليه = ولا كنت اظن تعود الشمس بشراق




يا كثر شعري..

يــا كثـر شعـــرٍ كتبـــته امـــس و البـــارح=و يــا كثـــر شـــعرٍ عقــب فرقـــاه سجلــــته

دفـــاتري إمتلـــت مــن سبــــة الجــــــارح=هــــذا وغيــــر الــــذي للحـــين مـا قلــته

خلـــى دمـــوعــي تهـــل و خـاطري سـارح=يــا كثـــرٍ هـــمٍ علـــيه اليــــوم شـــايلتـــــــــه

اللـــي خلانـي انصـدم واصيـح واصــــــارح=فرقـــــــــاه حتــى خيـــالٍ مــــا تخيـــــــــلته

وا جـرحـي اللـــي مــن الافكـار يســـتارح=وا قلبــــي اللـــي مـــن الاوهــــام حملتــــــــه





قال الوداع..

هـو يعتـقد لـو راح مقـدر انـا اعيـش=دايـم يهـددني بفـك الجمـوعي

قـال الـوداع , وقلـت يا صاح حتيش=يا علهـا فرقـا بليـا رجــوعي

لا تعتقــد مــن سبـــة البعــد يا طيـش=يا صاحبي حبي على كيف طوعي

يا ســايل عنــي انـا قاســيه ليـــش=بتمـوت ما تلقـا مع النــاس نوعي

كـف الرسايـل لا تـدز المطـــــاريش=سكــرت عن هرج الوسايط سموعي




عابرة..

اهلى يدرون اني شاعره = بس مايدرون في جرح الليال

يمنعوني من كتابة خاطره = مادروا اني من زمان بهالمجال

اه ..لو يدرون اني *عابره * = عندهم بتصير مو تتنا .. حلال




وصيتها..

ترى الذبايح و أهلهـا مـا تسلينـي=أنا أدري إن المرض لا يمكن علاجه

أدري تبي راحتي لايا بعـد عينـي=حرام ما قصرت يديـك فـي حاجـه

أخـذ وصاتـي وأمانـه لا تبكينـي=لو كان لك خاطرٍ مـا ودي إزعاجـه

أبيك في يديك تشهدني وتسقينـي=أمانتـك لا يجـي جسمـي بثـلاجـه

لف الكفن في يديك وضف رجليني=ما غيرك أحدٍ كشف حسناه واحراجه

أبيك بالخيـر تذكرنـي وتطرينـي=يجيرنـي خالقـي مـن نـار وهاجـه

سامح على اللي جرى ما بينك وبيني=أيام نمشـي عـدل وأيـام منعاجـه

همي عيالي وأنا اللي فيْ ..كافينـي=علمهـم الديـن تفسيـره ومنهاجـه


الله يرحمها ويرحم جميع المسلمين ..
منقول