الشاعر سليمان المانع

[كنترول رفحاء]

(((((( الدمعة البيضا )))))





أبيض من الدمعة برمش اغترابيقلبي ولايحقد على انسان ياريـم
يمكن رجا النفس الطموحة سرابيواجبرني امشي سكة كلهـا غيـم
أوطيب قلبي بالمشاكـل رمابـيدفعت ناتج غلطتي دون تحكيـم
ويمكن ظلمني مجتمع مادرابـيياما بسجن الشك نـاسٍ مظاليـم
نعم.. نعم تيـار بقعـا مشابـيحزني غيوم ودمعتي هاطل الديم
لكن أبد مهمـا تعمـق صوابـيما اقتنع واعلن للاقـدار تسليـم
إيماني أقوى من قـويّ اكتئابـيوآمالي أكبـر بالليـال المقاديـم
ياجارح الكلمـة فديتـك شبابـيهذا اعترافي دون سينٍ ولا جيـم
اسم الثقة عندي توفـى ولابـيأطيع شايـر لابحـلٍ وتحريـم
وسرٍ ربا بالروح بالجرح ذابـيالناس قالوا كـل طقـة بتعليـم
قدمت لك سيـد الأدلـة جوابـيفيه اعترافي واضحٍ دون تفهيـم
كان الخطا يبقى مخلـد ذهابـيجرح الندم له في جبيني تراسيـم
ما احدٍ بهالدنيا يقاسـي عذابـيادفع ثمن تدبير غيـري بتكتيـم
ياعاتـبٍ منّـك قبلـت العتابـيوقدّر بأن مقابلك داسـه الظيـم









سوالف سهرها








تضحك وينبت في كفوفي نواويـرتغضي وتسقيهن سوالـف سفرهـا
أنا أنبهرت بجد لا أسمع ولا أشيـرومن شاف ماشافت عيوني عذرها
ذا مش غير الناس يأهل الهوى غيرحسن لوحده لـو تعـرت سترهـا
خلاص يادرب الهـواوي معاذيـرهذي هي اللي كنت يوم انتظرهـا
طشن بنات أفكارها طشت أعاصيروجتني ينثر ريح شعري..شعرهـا
وقفت مثل ظبي سمع رمي ومذيـرتجمع من كفوف المتاهـة ذعرهـا
جنـون والله ماتخيلتـه يصـيـرينحر قهر كل الحواجـز نحرهـا
فيها براءة فـوق كـل المعاييـرالكون كله لو بغى مـا اختصرهـا












سنابل قمح







مادام ينبت سنابل قمـح وجـه أمـي
مايوصل الجوع لوحـاول لوجدانـي
واللـي يبيهاحـرام ان قلـت ياعمـي
لاضرب رصاصه بعيني واقطع لساني
ذا شعري اللـي تشوفونـه وذا دمـي
من منهم اللي يشـرب نكهـة الثانـي
تظلم وأغني بسرب أقمار مـن فمـي
عاهدت أنا الناي والراعـي وغنّانـي
أحيان اسمي وبعض أحيـان مااسمـي
خاف الشياطين في عمـري تبلانـي
كم واحد لاك قبـل معاشـري ذمـي
ولاني موصي على قاصـي ولادانـي
لي دربي الخاص لي فكري ولي همي
لي ذكرياتي لي أحلامي لـي أحزانـي
ومازال يشرب رياح عنادهـم كمـي
والله لاحلق واحلـق وارسـم الوانـي
ماقدامك غبار ياخيـل أولـي شمـي
بور القصايد وغني لي عـن الجانـي
مانيب مسبوق لي سفنـي ولـي يمـي
والناس مثلي وانـا مااقـول وحدانـي










صدقينـي أي كلمـه تنطقيـهـاتعتبر في ذاتهـا معجـم غـرام
وأي نظره من عيونك ترسليهـاما يترجمها على أوراقـي كـلام
وأي بسمه في شفاهك ترسميهـامنتهـى أمـن المولـع والسـلام
وكان ما نظرات عيني تفهميهـايصبح اسم البوح في شرعي حرام










أنا وين ماسافـر مـن احزانـي تجـد احـزان
وأظل أركض مثل ضحكة غريب ودمعة مسافر
تعبت أهرب من الذكرى لها كل البشر عنـوان
تجيني بالوجوه أهرب ولا اهرب دامها الناظـر
واناديلك وانا بآخـر ليالـي بآخـر الأوطـان
أصارع غربتي بين الخفـوق وعـزة مكابـر
لك الله ماشعـرت إلا بعـد فرقـاك بالوجـدان
شف غيابك عسف مهر العنـادوروّض النافـر
ياوجهٍ مالحقه انسـان ولا يلحـق أبـد انسـان
اغامر فـي مصالحنـا وإذا زاعلتـك مغامـر
ياليتك لو تجي مـرة ، تعيّشنـي زمـانٍ كـان
تدفي برد أحلامـي وأذوب بصوتـك الساحـر
هلا منك لها لـونٍ يسولـف تسكـت الألـوان
هلا منك لها طهر الصـلاة ومبسمـك كافـر
هلا منك تخلينـي أحـس أكثـر ظمـا الفنـان
هـلا منـك تعلمنـي أذوق بنظـرة الشاعـر
هلا منك تسفرني لوجه أمـي وأشيـب اشجـان
هلا منك على عمـدان تقـوّم حظـي العاثـر
هلا منك ولا أذكر شي بعدها من متـى لـلآن
أهيم وماعرف ماشفـت ولا سامـع ولا خابـر
دخيل اللوم بشفاهك بهمسـة طرفـك النعسـان
بلا ونجت بهزة راست تغلي وأنتظـر صابـر
دخيل الصبح والنظرة تثـاوب تنكسـر ألحـان
وليلٍ ماجمعه الليـل علـى وسادتـك متناثـر
دخيل أخطر وعد مهما شربته عدت لك عطشان
دخيل موادعـك لا حـل يعلقنـي بيّـد باكـر
دخيل العشق لا عاتب حنايا العاشـق الولهـان
سترت الشوق بضلوعي إلين أعرج مشى الخاطر
دخيلك دربهـا وينـه ياناسـي بلـدة النسيـان
تعبت أبحث وأبيع سنين لا غايب ولا حاضـر







العالم المجهـول وش دخلـك فيـهردي ترى ماني للأشـواق تمثـال
دامي بقايا إنسـان ليـه اشتريتيـهودامي طفل من علمك عشق الاطفال
لاتخجلينـي فـي كـلام المشاريـهولاتقتلينـي بالمواعـظ والأمثـال
انـا الجنـون بروعتـه وبمباديـهيشقيك دربٍ معاندي كـل ماطـال
وانا الذي لو عذبـك مـا فهمتيـهعشت اغتراب الحب شاعر ورحال
قولي خيالي ياخيالـي وأقـول إيـهطبعي قبل لاأعرف طريقك ولا زال
اما اهجري ليل الغـرام ومساريـهوالا اقبليني مثل ماني بهـا الحـال
قلبي عذاب مصارع الوقـت يكفيـهوبعض الحكي من بيننا عيب ينقـال








يا دلو بوحي جذبتـك جيتنـي شلقـاتارد تصـدّر ولكـن منـت لاقيهـا
وقفـت هنيّـا ولا تحـوّل ولا ترقـاأدمت سيامي حبال الرمـش تقصيهـا
نهار الاحزان ليل أشرب ظما الفرقـايوم المسافات تطويني وأنـا أطويهـا
أقلب أوراق تاريـخ العطـش وألقـاأشياء أبيها وبعـض أشيـاء مابيهـا
الله عطاني جناحينـي عشـان أشقـاأقرا فضاها وأنا أجهل سر أراضيهـا
شف وجنة الشوق من خنق الزمن زرقاناظر عيونـه يتيمـه كيـف أبكيهـا
كانت سحابه ولاهـي معـذرة أنقـىأخاف تزعل ومـن يقـدر يراضيهـا
كانت فلانـة تسافـر للسمـا طرقـاتمشـي وحدهـا ولا بنـت تباريهـا
هـديـة الله والله لابـغـى يـنـقـايدني الهدايـا علـى مقـدار مهديهـا
مرّت أغاني وضجّ الجمـع يـا عنقـالا واهنيّـه حبيبـك قلـت أسمّيـهـا
ومن باق عهدك يا علّه يوم ما يبقـىياركعتيـنٍ سهيـت وجيـت أصلّيهـا
لعيونك أدمي وذا دلوي رجـع شلقـاأبـدّل حبـال خادمـهـا وواليـهـا








يستغفلك هـذا المغفـل وبرضـاكتنسى عبير الورد وتغازل الشـوك
تتجاهل القصة وتضحك من أقصاكمملوك مملـوكٍ حكملـه بمملـوك
يا وسع صدرك يانزاهـة نوايـاكبك فطرة الطيب وبك حدس صعلوك
غنّيت حزنك لين ما الحزن غنّـاكوكان الشعر جوّك تجيبـه لياجـوك
ترمي حمامة كل مـا طـل شبـاكمن شرفةٍ في عين بنتٍ مـن تبـوك
تحكيلهـم شـي تشوفـه بـالإدراكعن ضحكةٍ صفرا على شفاه مدروك
عن ناس ماهم عن بلادك وعن ماكعن حبك لناس وعن نـاس حبّـوك
يا أخ لي متى ملك الطفوله محيّـاكإن أنبّوا تزعل وتفـرح إن حيّـوك
نهر الجنون اللي تشكّل بك أظمـاكلامن جريت بوادي الصدق شربوك
خلّك رجل عاقـل وفاطـن لدنيـاككم علمّـوا بـك غاليينـك وملـوك
زهّقتني عجـزت أعـدد سوايـاكسعيد سولف لك وضحّكت مبـروك
شكواك ترسلها وعـذرك وبلـواكوليا وصلت بصالي النار صلّـوك
يا عرض صدرك يا سذاجة نواياكبك ظلمة المبصر وشاعر وصعلوك

[شمـــاليه]

صح لسان الشاعر المبدع سليمان المانع
ولاهنتي على النقل الجميل بارك الله فيتس

[كنترول رفحاء]

اهم شي اسمه موضوع وخلاص


ومشكوره على ارد الجميل

[رررعددد]

كنتــــــــــــــــــــــرول انت فعلا كنترول

تسلم على النقل الرائع

تقبل مرورى

[تربوي]

صح لسان الشاعر الكبير ..
ويعطيكــ العافية على النقل ...

[رررعددد]

يعطيك العافيه

[همّام]

سلمت على هذا الجمع

سليمان شاعر متمكن وقد كان في فتره أحد أربعة غيروا مسار المركب

[بــحــار]

يعطيك العافيه على النقل وسليمان المانع غني عن التعريف ويعتبر من الشعراء المفضلين لدي

بس يـآ اخوي كنترول احس انك مشبك بعض القصائد

ياليت تزين النص

لاهنت تحياتي

[عز الخوي]

يعطيك العافيه كنترول