[you] رايك مشاركتى 7000~*¤ô§ô¤*(لجنة الاهاالي ..... وللخير نسعى)*¤ô§ô¤*~

[عروووبة]

هديتى 7000 . . لأهالي مدينتي . . وللخير نسعى

صراحه فكرة وش اقدم لكم بهذه المشاااركة
فبما اننا بيومنا الوطني
وكذلك فيه موضوع عن لجنة الاهالي

قلت خلنى ارمى هالسناره
ان ما صابت
حركت سكون الماااء



في البدااااية اغمض عيوني
ثم اسرح بالخيااااال . . .



انـــا هنــــا


هو حلم
ويمكن يصير حقيقة . .

يالله غمضو وحلموا



المهم : حتى اصدقكم القول
انااا والله ماني عاااارفه شو مهمة هالجنة بالضبط

لكن : ابي اقول مافي جعبتي



يالله بسم الله وتوكلت على الله :

1- بما ان هذه اللجنة خاصه بالاهالي . .
فاول شي لفت نظري من مشكلة الاهالي وهي محزنه بنفس الوقت

سالفت الاخلااااء الطبي . . إنسان يجلس شهور بضروف لايعلم بها الا الله في مستشفى يفتقد احيان ابسط مقومات العناية لبعض الحالات
المشكلة المحزنه . . . ان لم يكن لك بشت يهز الكتف . . فترحم على حالك
تلقى اهله يسعون ويركضون يحبون راس فلااان وكتف علاااان عشاان فقط يوفر سرير ولا يبي احد يسااعده بالاخلااااء الطبي . ولا احد يستمع
الغبن انه لو قدر يوفر واسطه من بكرى ينقل . . يعنى راح عذر
(( عفوا لايوجد سرير فى الوقت الحاضر )). .
وفيه شين ثاني بخااطري مع انه طيب ومساعده . . لكن ليه لما يكون غير سعودي او عايله سعوديه والحادث بالدول المجاااوره
يتوفر الاخلاااء الطبي والسرير بيسر . . . وقفت تأمل !!!!

هنا الحل بوجهت نظري : اريد من هالجنة يكون فيها لجنة مصغرة لمتابعت هالحالات ومساعدة المرضى واهلهم
وننبز القبلية وهذا ولد فلان وهذا ولد علااان والطيبين مايقصرون
وابى يسعى للفقير قبل الغنى . . ابى لجنة بين اعيونهم مخافت الله
لجنة لها كلمة وعلاقات طيبه فيها ناس تقدر على توفير المساعده بسرعه
(( فرجوا هم المسلمين فرج الله همكم .. وزال عن النار وجيهكم )) . .




2- الشباب مادري ودي اساعدهم لكن هم بس لو يطيعونى ولا يتسمعون لبعض الحريم كان شين طيب
اتمنى لو تكون لجنة للزواجات الجماعية . . يعنى يجيك 6 او 7 شباب من نفس الفخذ وكل واحد حاجز بالقصر 10 الاف مع مسستلزمات العرس
يعنى يكلف عليه ان قل 15 الف . . طيب لو كان عرسهم جماعي
8 قسمنا عليهم 15 الف يطلع على كل شخص . . 1875ريال
واما الحريم كل شخص بمنزله او بستراحه .

مهمت اللجنة . . تيسير وتنظيم الحفل
طبعا الشاب الى يسجل بالحفل الجماعي يعطي بطاقة تثبت اشتراكه وله ميزات مثلا
-تقديم دوره بصندوق الزواج
-زيادة المبلغ المقدم لأنه بالنهاية راح يرجع للجنة لتنظيم الحفل
-وياليت تساهم بعض المحلاااات باعطائه تخفيضات على مستلزمات البيت والادوات المنزلية



3- وهذى الفكرة دائم احوس فيها لكن يمكن صعبه شوي او غير متاحه حالينا . .وتبيلها ميزانية قارون لكن خلونا نحلم .
- نادى علمى شوفوا كيف اتخيله
مبنى مكون من غرف وقاعات احتفلااات
قسم رجال ونساء
فيه غرف للنت وكوفى مكان مخصص للاطفال
كشكات خاصه لبيع وتاجير الكتب
قاعه فيها دائرة تلفزيونيه
يجتمع فيها نخب المتعلمين
نناقش اوضاع ومتطلبات الاهالى
مناقشت مشاكل المدارس وافضل التجارب والحلول
نادى متكامل .. لايدخله الا من يحمل بطاقة برسوم شهرية او سنويه
حتى انى ودي يكون فيه اقسام تعليم السباحه والخيل . . نبي جيل متعلم متربي على اخلاااق طيبه
لاطيحنى ولا سامحنى . . . (( ابد خلونى المسؤله عنه وابشروا بالطيب ))



4- هنا عااد ابى لجنة اسمها ((( ابشر بسعدك ))) <<<مسلسل بدوى مو لجنة ..

تكون رابط بين الاهالى والدوائر الحكومية .
المهم .. هالجنة اى مشكلة تخص اهل رفحا على طول تلفون مافيه.
مثل ..
- هالصرافات الى دايم تصفر وش اخرتها ..
- هالحدائق تبي متاابعه يعنى احترام شوى لخصوصية العوائل .. وعدم الاستيلاء عليها من قبل هالشباب
- وساااطت خير لما يحدث من هوشات بين الشباب يعنى تضاربو ثمن انسجنوا ثمن اطلعوا .. ثمن تبداء الدائرة من جديد
يعنى هالجنة تكون من وجهاء القوم .. ويخلونه صلح دايم لو ينهونا بعزيمة .. بس مو تصير جمخ وبعزقه
حتى لو بنهاية الحفل يعلقون المتهاوشين من عراقيبهم .. بالمروحه
المهم تحل المشكله من جذورهااا . . ترى حنا بدو ونقدر زورات الرجال ..
<< له له يالجنااازه . تبطين . . بس لاتكثرين سفن



5- وش رايكم نتقااطط ونبنى سوبر ماركت وبجنبه محل ملااابس
ثمن يفزع لنا طير شلوى لجده ويجيب من هالبضائع
ونقاطع هالتجار الى لعبوا بحسبت هالرااااتب . . . << خاش عرض هالاقتراااح




عندى افكااار طيبه. . << احلفي
لكن ادرى مالها قاعده صلبه
لاننا دائم نظرتنا انا ومن بعدي الطوفاان

قليل الى يفكر انه لو صلح ولد جاره
يصلح ولده
قليل الى يفكر انه لو اطعم جاره
نااام شبعااان
قليل الى يفكر ان الخير يعم حتى على الحيوان والطير.

هي النوياء الصادقه
والسعى للخير
ونبذ حب الذات

تلقون رفحاااااء
ارض الميعاااد
والتقاااء العبااااد
وسكانها
حور
وناسكن
وشهبندر التجار
.
.



وشو هذااا..>> هذا نمل يدور السكر الى يقطر من هالمتصفح. ..


ياحبيبتى يانملة. .!!
لاتخافين راح تلقين هالسكر بالارشيف انتى بس درعمي هناااك وابشري بالخير.
.
.
دمتم
فـــــــــــ امان الكريم ــــي
وعلى حب الخير نلتقى

[رفحاوي]

وعليكم السلام ورحمة الله وبركاته ...

[عروووبة]

وعليكم السلام ورحمة الله وبركاته ...

بما انك رديت السلاااام فالامرو بخير
ولله الحمد

لكن . . . . . هل احلاااامي لاتستحق التعليق
خذها من باب قلوب تسعى للغير
.
.
شاااكره مرورك الكريم



[يتحقق الحلم ]. . . . . . . . . . . . عندما لاننام عن طلبه

[ابو متعب]

يقدروون يسووون أكثر من كذا وخاصة بالتنسيق مع الاهالي

- نادى علمى شوفوا كيف اتخيله <<<يبي لهم ميزانية منطقة برمتها

[عروووبة]

يقدروون يسووون أكثر من كذا وخاصة بالتنسيق مع الاهالي

- نادى علمى شوفوا كيف اتخيله <<<يبي لهم ميزانية منطقة برمتها

ما اجمل الحوار الهادف
واللى نسعى من وراااه لتحقيق الهدف

ياليت اخوى ولد الطايع
لو تضيفون كيف ممكن يكون هناك تنسيق
يعنى نبي افكاركم واقترحاتكم حتى نستفيد فعلا من هالجنة


اما النادى العلمى يبي مال قااارون
غمضو عن هالاقترااح لين ربك يفرجهااا . . .

لكن . . لو يسوون دراسه ويوضوحون الاهدااف والنتائج الى ممكن تنتج عن امثال هالنادي
ويرفع للمسؤلين ويناقش بالصحف ويثار حوله هاله إعلااااميه
<< له له يامنتظر الزيدي

يمكن يوضع له ميزانيه
وش درلنا يمكن يحطون له وزاره متخصصه
واناااا رئيستها . . .
من الحين مافيه وظايف
رجعونااا بكرى

.
.
حيااااك ولد الطايع


[يتحقق الحلم ]. . . . . . . . . . . . عندما لاننام عن طلبه

["الفيصل"]

امنيات جميلة اختي عرووبة بالتأكيد سنسعد لو تحقق ولو اليسير منها ..

لجنة الاهالي اختي الفاضلة تعمل وفق امكانيات بيسطة وهم

مجتهدون بقيادة الاخ الفاضل مقحم التمياط وقد لمست منه

الاجتهاد والحرص وبذل الغالي والنفيس في سبيل تحقيق اهداف

كثر ولا بد من الوقوف معهم وبجانبهم حتى تتظافر الجهود وتكتمل

ونصل الى مانريد بعون الله

[عروووبة]

امنيات جميلة اختي عرووبة بالتأكيد سنسعد لو تحقق ولو اليسير منها ..

لجنة الاهالي اختي الفاضلة تعمل وفق امكانيات بيسطة وهم

مجتهدون بقيادة الاخ الفاضل مقحم التمياط وقد لمست منه

الاجتهاد والحرص وبذل الغالي والنفيس في سبيل تحقيق اهداف

كثر ولا بد من الوقوف معهم وبجانبهم حتى تتظافر الجهود وتكتمل

ونصل الى مانريد بعون الله [/font]

حياااك اخي الفيصل
مشكلتنا اننا ودنا نساعد لو بقتراحات افكار
الكثير من الاعضاااء عندهم فكر راقى
وافكار نيرة

لكن مشكلتنا هو التكتم والانغلااااق
يعنى . . . لجنة الاهالى سمعنا بها بالصدفه هنا
لانعلم من المسؤل عنها الا بفضل احد الاعضاااء
ومن موضوع عااام
من الاعضاااء بالجنة
ماهى مهامهم
ماهي امكانياتهم
كيف تم اختيارهم
كل هذه اسئله لو عرفنا اجابتها. .
فيدنا بيدهم
ونعين ونعاااون
لكن نتمنى يكون بين هالجنة والاهالى تلاحم
وخصوصا بوجود هالمنتدى الكريم . . .


حياااك الفيصل

[يتحقق الحلم ]. . . . . . . . . . . . . عندما لاننام عن طلبه

[سرداب]

عروبة <<< الشخص المناسب في المكان غير المناسب
يلزمك بيئه أنظف من هذي على شان تطرحين فيها هالافكار
ماودي احبطك بس صديقك من صدقك وليس من صدقَك بالشده :d

[فهد محمد]

نتمنى ان تتحقق أحلامك اختي عروبه

لك الشكر والتوفيق

يلزمك بيئه أنظف من هذي على شان تطرحين فيها هالافكار

:d

مافهمت هالنقطة سرداب

ياليت توضح لنا

[ماوكلي]

نتمنى ان تتحقق أحلامك اختي عروبه

لك الشكر والتوفيق






مافهمت هالنقطة سرداب

ياليت توضح لنا

صاير شرير ابو محمد :d
كلام سرداب كبير كبيركبير على مستوى دولي

[عروووبة]

صاير شرير ابو محمد :d
كلام سرداب كبير كبيركبير على مستوى دولي

والتذاااكر مجانية
على حساب اللجنة
<< فاهمه غلط مو مباره


[يتحقق الحلم ]. . . . . . . . . . . . . عندما لاننام عن طلبه

[عروووبة]

نتمنى ان تتحقق أحلامك اختي عروبه

لك الشكر والتوفيق






مافهمت هالنقطة سرداب

ياليت توضح لنا

حياااك اخوى فهد
والعفو
شاكره مروك الكريم

بخصوص اخوى سرداب ننتظر توضيحه
لكن اظن انه يعانى مثلنا من احباطات لأننا ولا مره
نتمنى شي ونشوفه على الواقع
الا ينتهي قبل يبتدي
.
.
يعين الله



[يتحقق الحلم ]. . . . . . . . . . . . . عندما لاننام عن طلبه

[ماوكلي]

عروبة <<< الشخص المناسب في المكان غير المناسب
يلزمك بيئه أنظف من هذي على شان تطرحين فيها هالافكار
ماودي احبطك بس صديقك من صدقك وليس من صدقَك بالشده :d

عروبه عليكم السلام ورحمه الله الله يجزاك بالخيرات ويوفقك يا طاهره

اعجبني كلام سرداب
رفحا غير مؤهله لمثل الافكار هذي
واي واحد يناظر بعين بصير يطالع وضع الناس فيها
طالعي الناس تتذابح على شي ما يسوى وحتى المجالس الحكوميه تتصارع الامواج داخلها
بدعم من كل صاحب مصلحه
وطالعوا شيوخ القبايل كل من وصل للحكام والمسولين ما يطلب لرفحا شي
الا يطلب لمخباه او لعياله وبلشو بصكوك الدين وكل واحد يدعي على الثاني بمال وياخذ تسديد

واللجنه هذي حدودها بسيطه الله يقويهم
وطلباتك تبي لها امكانيات ودعم مادي واخلاص
وترى اللجنه احسن ما فيها حماس ابو احمد والله يستر عليه من الاحباط

[المحقق كونان]

بسم الله الرحمن الرحيم
عروووبه جميل ماذكرت
والأجمل انه حلم في سباااااااااات عميق
دمت بود

[عروووبة]

بسم الله الرحمن الرحيم
عروووبه جميل ماذكرت
والأجمل انه حلم في سباااااااااات عميق
دمت بود

حياااك المحقق كونان

تشوف الثنين الى يمشون بتوقيعك

هم بدو على الخط
ان وصلو فالسبات انتهى . .
وان ماوصلو فازو بشرف المحاااولة . .

والجميل انهم اثنين
هذا يرتكي على ذاك

<<< اقلطو تقهوو


.
.
حيااااك
كونان



[يتحقق الحلم ]. . . . . . . . . . . . . عندما لاننام عن طلبه