قصيدة :يادارنا دار ابومتعب على الكرسي{كلمات}

[ريوف رفحاء]

يادارنا دام أبو متعب على الكرسي
يقرأ على أهلك واراضيك آية الكرسي
لين السفينه على امواج البحر ترسي
تشتد الأيام والديره سعوديه
مافيه فارس بلا سيف وبلا هيبه
ومافيه والد بلا قلب وبلا طيبه
ومابه شرف مثل خدمة مكه وطيبه
تشتد الأيام والديره سعوديه
يا حلو قوله من اللي ماسمع قوله
لا حدن يساوم على الدين وعلى الدوله
ويحلو شوفة جموع الشعب من حوله
تشتد الأيام والديره سعوديه
أرواحنا رهن اشارة كفه الطايل
وقلوبنا له سوات عقاله المايل
واحلامنا تنتظر مجهوده الهايل
تشتد الأيام والديره سعوديه
شعبه ونبغاه ونحبه ونحتاجه
ونجيه ونصارحه ونمون ونواجه
هذي معاريضنا فيها مية حاجه
تشتد الأيام والديره سعوديه
ما تستقيم الديار إلا بأهاليها
وبلادنا نتبع ولاة أمرنا فيها
بالروح بالدم نفديهم ونفديها
تشتد الأيام والديره سعوديه
يادارنا دام أبو متعب على الكرسي
يقراء على أهلك وأراضيك آية الكرسي
لين السفينه على أمواج البحر ترسي
تشتد الأيام والديره سعوديه

[ريوف رفحاء]

{وانعم والله}


اهداء لكل سعودي وسعوديه
بناسبة اليوم الوطني
والتهنئة للكل واسفة على التأخير

[تربوي]

صح لسانكــ ...
قصيدة رائعة , والمناسبة أروع ..

[عقارب]

صح لسانك

على القصيدة الجميلة لا عدمناك

[شمـــاليه]

والنعم بأبو عابد
قصيدة رائعه بارك الله فيك وفي نقلك